عرووووس ومعرس لا تفوتكم! -قصة قصيرة

[aksachli]

عنوان الموضوع : عرووووس ومعرس لا تفوتكم! -قصة قصيرة
مقدم من طرف منتديات نساء الجزائر

عرووووس ومعرس لا تفوتكم!










قصة حقيقة حدثت في السعودية

هذا واحد توه معرس وخلصت الزفه والامور اللي في الصالة .. اخونا في الله اخذ حرمته وركبوا في السياره ...
ودعس للقصيم يعني أهل العروسه في الرياض وهو ساكن بالقصيم
والبنيه تستحي ومبرطمه طول الطريق .. والرجال ماغير يسولف ويهذر والبنيه سااااكته .. مااااا حولك احد
الرجال يأس من البنت انها تتكلم .. وقال يا ولد ما وراها هذره اشغل المسجل وامسك الخط ,,
في الوقت نفسه البنت كانت تبغى تروح الحمام ومتوهقه .. هي بس تبي تتكلم عشان تقوله ابي الحمام ((الله يكرمكم ))

عاد هي نقزت على المرتبه الي ورا عشان تنسدح عشان يخف عليها الوجع .. الين يوصلون المحطه
المهم الرجال ما وعى الا هذيك محطه ويوقف عندها
وينزل عند البقاله وياخذ له كيس فصفص وكم بيبسي حق الطريق..
البنت على طووووول ماصدقت ينزل زوجها الا وتشوف هذيك الحمامات حقت الحريم الي عند المسجد الي جنب البقاله
قالت يابنت بيمديني اروح واخلص وارجع قبل لا يرجع هو من البقاله
المهم المسكينه راحت واخذت وقتها
اخونا في هالوقت قد رجع للسياره وعلى باله عروسته في المرتبه الي ورا ومعلومكم عبايه سودا واخر الليل ما انتبه انها مش في السيارة وهوشغل ودعسسسسسسسس على الاخييييييييير
البنيه المسيكينه طلعت وهي مرتاااااااااااااااحه و نقص من وزنها كم من كيلووووو ووووووووووووووو
وتشوف يا بنت وين السياره ... وتتلفت ما تشوف غير الهنود حق المحطه
عاد تخيلو الصدمه يوم عرفت ان زوجها دق سلف ومشى والبنت المسكينه حتى في نفسها موب راضيه تصدق انه مشى .. جالسه تتأمل انه يمكن راح هنا ولا هنا وبيرجع
شوي ما وعت الا ذاك الجمس اللي جاي يوم وقفوا عند البقاله الي جنبها
وتشوف الحريم اللي في الجمس ... قالت زين عائله وتروح للحرمه الي قدام .. وهي ام العيله وتقول لها خالتي انا داخله على الله ثم علييك .. وهذي قصتي والعجوز مسكت راسها وقالت .. يابنيتي انتي تعرفين سيارة زوجك .. قالت ايه اعرفها
قالت قومي ادخلي نلحق على زوجك
ويعبون بنزين ويدعسون وراااااااااااااااااااااااااه
نرجع الحين لصاحب الفصفص ..
اخونا في الله مريح وماشي .. بعد ما لقوه في الخط على بعد نص ساعة
عاد تخيل انك على طريق القصيم و فجأة وراك جمس يكبس بالنور بشكل مخيف يبيك توقف وش ردة فعلك؟!!
اكيد الرجال دعسسسسسسسسس قال ياولد هذولا مهابيل بيضروني ومعي عروستي .. ويااافشيلة اذا انطقينا
والجمس وراه داعس يحاول معه انه يوقف .. المهم الحين اللي يسوق الجمس عرف وش يسوي .. فقام يولع نور الجمس اللي في الداخل عشان العريس يشوف ان اللي في الجمس ..عائله..
وأخيراااااااااااااا .. انتبه و يوقف ... قال وش عنده ذا
ونزل وهو معصب
عاد من اللي متوهق في هالموقف؟!!
اكيد هو راعي الجمس يقول في نفسه وشلون اقوله ان مرته معنا
يبي يجيبها بأسلوب تدريجي عشان العريس ما ينصدم .. خبركم مثل هالموقف وش بيقولون عنك اهل العروسه ... اخذت بنتنا وضيعتها
ولله ان تلزق فيك السالفه طول عمرك و العالم يتمشووون ولا عندهم سالفة غيرك .. تصير علك دائم الحلى .. ولا تصف جنب علك ابو سهم .. يتشمتون فيك.. المهم راعي الجمس سلم وقال له اخوي ما كأنك مضيع لك شي؟!!
قال له العريس ... لا ولله ما ضيعت شي
قال له تأكد
قال العريس ... وشلون
قال راعي الجمس .. رح طل في سيارتك شف في شي ناقص لك
العريس قام يوسوس حتى المشكله مرته ما جت على باله
المهم راح ودخل خشته داخل السيارة وقال يا مره في شي طاح مننا وحنا في المحطه .. محد رد عليه!!
ويوم لون وجهه بدا يميل للكرت الاحمر.. ووووووووين راحت المره
ورجع لراعي الجمس وقال هات السالفه..
قال يا ولد مرتك لقيناها عند المحطه انا واهلي وقالت لنا انها
نزلت للحمام وانت مشيت ولا دريت عنها ..
عاد العريس كل انواع النفاضات نزلت عليه تلعثم ولا قدر يتكلم
المهم راعي الجمس راح وقال للعروسه يلاروحي عند زوجك شوفيه متصرووووع عليك
المهم العروسه ركبت مع زوجها في السياره وانطلق لسانها اللي كان مربوط وقامت تتعذر له ..
وتقول لا تزعل مني انا كنت مستحيه اني اقولك اني طول الخط وانا ابغى اروح الحمام .. وانت مشاء الله عليك ركبت السيارة وانطلقت
هههههههههههههههههههههههههههاي <== يا شين التميلح .. توها تتميلح .. عاد انقلب الوضع صار العريس هو اللي مبرطم طول الطريق والعروسه الي قاعده تبربر ما بقى الا انها هي اللي تسوووق ..
عشان اخينا في الله مرتاع من اللي صار
خخخخخخخخخخخخخخخخخخ الموضوع منقوووووول بس كيف

>>>>> ردود الأعضـــــــــــــــــــاء على الموضوع <<<<<
==================================

السلام عليكم و رحمة الله تعالى و بركاته
القصة مضحكة حقا
لو تشجعت الزوجة و اخبرت زوجها بامر الحمام لما حدث ما حدث
صحيح الحياء مطلوب و محبذ و لكن ليس الى درجة السكوت التام
و الخجل الزائد من الزوج
شكرا عزيزتي على القصة الضريفة
و بانتظار جديدك الهادف

__________________________________________________ __________

المشاركة الأصلية كتبت بواسطة لبنى1 السلام عليكم و رحمة الله تعالى و بركاته القصة مضحكة حقا لو تشجعت الزوجة و اخبرت زوجها بامر الحمام لما حدث ما حدث صحيح الحياء مطلوب و محبذ و لكن ليس الى درجة السكوت التام و الخجل الزائد من الزوج شكرا عزيزتي على القصة الضريفة و بانتظار جديدك الهادف

مشكوورة اختي الله يسعدك ومن جد كلامك

__________________________________________________ __________

تسلم ايدك حبيبتي على المجهود

نقل للقسم المناسب

ننتظر جديدك

__________________________________________________ __________

المشاركة الأصلية كتبت بواسطة عاشقة الزهور تسلم ايدك حبيبتي على المجهود نقل للقسم المناسب ننتظر جديدك

يسعدك ربي اختي

__________________________________________________ __________

تسلمين القصه حلوه ومضحكه في نفس الوقت الله يعطيك العافيه