دراما وناسه بالعزبه >> قصه واقعيه واحلى مقلب -قصة جميلة
عنوان الموضوع : دراما وناسه بالعزبه >> قصه واقعيه واحلى مقلب -قصة جميلة
مقدم من طرف منتديات نساء الجزائر
دراما وناسه بالعزبه >> قصه واقعيه واحلى مقلب
الشباب والفلوس
كان يا ماكان في قريب الاوان>>>> مسوي فيها جدة تحكي ورعانها
كان الشباب جالسين فالعزية على حروة مغرب ، وفاتحين قناة الواسطة الفضائية ، ومسوين فيها حقين اقتصاد ، المهم مالكم في طوالها ، يتكلمون فالسيارات والمعارض ، واللي اخذ له قرض ، و يفكر يضرب اخماس فاسداس ، وفجأة صاح واحد فيهم اسمه فايز ، وقف الشاشة وقف ، قاموا وقفوا الشاشة ، الا الاعلان اللي يومض ويلعلع ، ويطير العقل ، " احصل على سيارة تويوتا 2017 من أي نوع ، فقط ادفع 6000 ريال دفعة اولى ، وقسط شهري 1000 ريال ، للاستفسار اتصل على رقم الشركة ×××××××05 :" انتهى الاعلان ...
وتعال شوف العالم حذف على الجوالات ، الحق يا ولد سجل الرقم ، واشتغلوا اتصالات ، يا الله الرقم مشغول ، والله عليه طلب ، واحد منهم كان مرة ملهوف ، وفجأة وقف من مكانه ، وبصوت مدوي >>> حلوة مدوي أحس اني مثقف ...
يا عيااااااااال رد ، اووووص ، هذا خوينا اسمه خالد ، رد اسكت ، اص اص اص ....
طوووووط ، طوووووووط ، طووووووووط ، الو ...
خالد/ السلام عليكم ورحمة الله وبركاته >>>> مسوي فيها اتكيت ...
الشركة / وعليكم السلام ، شركة الكواسر كيف اقدر اخدمك .....
خالد/ الله يسلمك ، بس الاعلان حقكم في قناة الواسطة ، شفته وحبيت استفسر ...
الشركة / هلا اخوي كيف اقدر اخدمك >>> نظام شركاتنا كلها وبالنهاية ما يخدمك ولا ينظر فوجهك ...
خالد/ اول شي كم يطلع علي ونيت هايلكس دبل ...
الشركة / 88000 ، ثمانية وثمانين الف....
خالد/ وبكم اقدر ابيعه ، انا ترا سئلت بالمعارض وعارف سعره >>>( مسوي فيها حويط ما أحد يقدر يضحك عليه)
الشركة / نقدر نجيب لك زبون بـ90000 ... تسعين الف
وتعال شوف خوينا العقال بجههة والشماغ بجهة وبغى يغمى عليه من الفرحة ، والشباب يسئلونه ، هاه وش وش قال ، طول المكالمة ...
خالد/ طيب انا ابغى اثنين
الشركة / نعطيك ، ونقسط لك 2017 علىسبع سنين والدفعة 12017 .
خالد / طيب وين موقعكم >>>> الرجال ناويهم ناويهم الله لا يعوق بشر ...
الشركة / المنطقة الشرقية ، معرض الكواسر بالدمام ...
خالد / لاااااااااا ، طيب ما فيه أمل ، أنا من الغربية ، مالكم فرع بجدة والا مكة والا حتىالمدينة ....( ام الصدمة)
الشركة / لا تخاف ، حنا نرسل مندوب كل فترة لجميع مدن المملكة ، بس على حسب الطلب ..
خالد / يعني كم ...
الشركة / يعني اقل شي اربعة سيارات ، حتى يطلع المندوب ...
خالد / طيب اجيب لك خمس او ست سيارات تسوي لي دسكاونت >>>>> الرجال بيترزق الله ...
الشركة / خلاص حقك محفووظ ، بس لازم يقولون انهم من طرفك ...
خالد /طيب ، متى تجوون جدة إن شاء الله ....
الشركة / الجمعة تتصل علينا ، عشان نرسل المندوب الاثنين ...
خالد / طيب وش الاوراق المطلوبة ...
الشركة / ابد صورة البطاقة ، وتعريف بالراتب ، وكشف حساب آخر 3 شهور ، ونموذج استقطاع ...
خالد / طيب الله يحفظك ، مشكووور يا غالي ... بس سؤال اخير ...>>>> غث الادمي ...
الشركة / تفضل ... اووووف
خالد /طيب لا شتريت السيارة ، كيف احصل عليها ، كيف تجيبونها لي ...
الشركة /تحول العربون ، ونرسلها لك عن طريق البسامي >>> يا زين الشركة اللي تريح زباينها ...
خالد / موعدنا يوم الجمعة ، هيا سلام عليكم ...
فايز / هاااه وش قال لك ...
قام خالد وعلم الشباب الموجودين بكل تفاصيل المكالمة ......
اللي توه مطلع القرض اسمه ماجد / يا خالد ما سئلتهم عن الفايدة حقتهم كم ؟
خالد / والله صدق ، استنى باتصل عليه ... طوط طوط
الشركة / شركة الكواسر لتقسيط السيارات ، تفضل كيف اقدر اخدمك >>> برضه نظام شركاتنا ...
خالد / يا خوي ما علمتني كم فايدتكم ؟
الشركة / الهايلكس العايدي يطلع عليك بـ90 وقيمته الاصلية بــ75
خالد / امااااااااااااا ، من جد >>>> الرجال مو مصدق وبيطير من الفرحة ...
طيب شكرا مع السلامة
الشركة / مع السلامة .
خالد / يا شباب الحقوا ، والله شركة رهيبة ذي ...
ماجد / وش قال عن الفايدة ؟
خالد / ،يعني الهايلكس بــ75 العايدي يحسبونه عليك بــ90 ...
ماجد / عيونه طلعت فووووق ، وكان بيموت من القهر ، آآآآآه ليتني ما طلعت القرض ،
فايز / يمديك تطلع فكسار وتسدد قرض والقسط حقك يقل وتاخذ سيارة افضل من اللي عندك ..
ماجد / يا ويلي ويلااااه ...
طبعاً خالد جالس فركن يضرب اخماس فاسداس .... وداخل جو... وفتح مشاريع ....
ويتصل على فلان ، وعلى فلان ، والشباب كلهم ماسكين جوالاتهم ينشرون خبر هالشركة العالمية ....
طبعاً حينما أتى الليل >>>> لازم فصلة شاعرية ....
ناموااا كلهم ، وفالصباح راحوا الدوام سوا ، لانهم موظفين في مكان واحد ، المهم انهم نشروا خبر الشركة في اوساط الموظفين ، المدير طبعاً بدوره ، دق سلف وراح للادارة العامة ، عشان ياخذ خطاب تعررريف ، ويزبط وضعه ،>>>> ياخي صدّاق وخفيف ...
والا الشباب ، تلقى اللي دق على ولد عمه فالشرقية ، والمدينة ، ومكة ، وكلهم ناوين ياخذون سيارات من الشركة المريحة ، واللي مو قصدها الكسب المادي ، واللي قص تذاكر للدمام >>> بيخلص اوراقه بسرعة ما فيه يستنى المندوب ...
ويوم الجمعة ، اخذ جواله ، ودق على الشركة ،
اول مرة / ان الهاتف المطلوب لا يمكن الاتصال به الان ....
ثاني مرة / ان الهاتف المطلوب لا يمكن الاتصال به الان...
ثالث مرة / طوط طوط طوط طوط طوط طوط طوط طوط طوط .
رابع مرة / برضه طوط طوط طوط طوط طوط طوط طوط طوط
جوال الشركة ما يرد ، لحوووووول
وين راحوا ،
ماجد / هاه يا خالد ، ردوا عليك ...
خالد / انت كلموك ....
ماجد / كلمت السوداني ...
خالد / سوداني ، غريبة ....
ماجد / بس من امس ما يردوا علي .....
دخل فايز عليهم وهو يضحك ....
فايز / هاااه كلمتكم الشركة ....
خالد وماجد / وش قصدك ؟ >>>>> طبعاً وجيهم أخذت الوان الطيف السبعة ...
فايز / الشركة مغير شلة متكين في كازنوا الكواسر ، وفاضين ، وخيرها في غيرها ...
طبعاً بعدها الوان الطيف السبعة صارت لون واحد ، اللي هو الاسود بس ، وطردي ورا فايز بالشقة ، والشباب الباقين اخذوها بروح رياضية ، بس كلهم شكلوا اللي يشرب سوبيا مع لين وشاهي مع ببسي ، وفايز ميت من الضحك ....
عليهم .....
لانه عيشهم في قصة وهم لمدة اسبوع من الوناااسهوالخياااااال واللي نشرهاا لشرقيه وجده والمدنيه ومكه والمهد ......
.............................
حقوق الوناسه محفوظه بعزبة النامس
مع تحيات
قناة وناااسه
>>>>> ردود الأعضـــــــــــــــــــاء على الموضوع <<<<<
==================================
يعطيكي العافيه اختي الكريمه
قصه مسليه
بس تعبت كتير وانا اقرا فيها
طريقه السرد غير واضحه
تقبلي مروري لك ودي
__________________________________________________ __________
__________________________________________________ __________
ههههههههههه
لو انا مكانه انوااااع الضرب ماتشف غليلي فيه
__________________________________________________ __________
__________________________________________________ __________
ههههههههههههههههههههههههه
فلللللللللللللللله بصرااااااااااااااحة خخخخ
يسلمووووووووووووووو يالغلا
رد مع اقتباس
