عنوان الموضوع : فكرة حملة قيام الليل - الشريعة الاسلامية
مقدم من طرف منتديات نساء الجزائر

فكرة حملة قيام الليل



--------------------------------------------------------------------------------

السلام عليكم ..


حبيت اسوي تجمع حلو حقنا ونسوي حمله جديده و هي حملة قيام الليل


نحاول كثر ما نقدر انه مانطوف صلاة قيام الليل ..

او عالاقل مرتين او ثلاث في الاسبوع كبدايه حلوه

وبعدين نزيد ليما تصير عاده عندكم انه ما تتركونها ولا يوم ..

ماعدا طبعا وقت تكرمون الدوره ..



الحين بحطلكم كل التفاصيل حق طريقة قيام الليل


بسم الله نبدي ..


كلنا نعرف انه لصلاة قيام الليل فضل كبير و عظيم للمسلمين ..

قال تعالى ...
( تتجافى جنوبهم عن المضاجع يدعون ربهم خوفا وطمعا ) .


فما أعظم ان نقف في جوف الليل بين يدي الله متضرعين باكين ... متذللين خاشعين ... نناجي رينا ونستغفره من الذنوب التي اقترفناها في النهار ... ندعوه ونتوسل اليه ان يرزقنا مانريد ..

فصلاة الليل من المستحبات والسنن المؤكد ...

وقال صلى الله عليه وسلم : " من خَتم له بقيام الليل ..ثم مات فله الجنة "..؟!

وقت صلاة الليل:

ممكن ان تصليها بأي وقت من بعد صلاة العشاء الى قبل صلاة الفجر

ويفضل تأخيرها ..

طريقة صلاة قيام الليل بقولها اول شي بشكل عام وبعدها بقولكم اللي راح نسويه بالحمله :

صلاة قيام الليل تكون اما بصلاة ركعتين او 4 او 6 او 8 او 10 او 12 ركعه و بين كل ركعتين نقول التشهد و نسلم ..

ونختم صلاة قيام الليل بركعتين الشفع و ركعة الوتر


وبجذي نكون خلصنا


المهم ..

صلاة الركعتين اللي اول شي هذي مثل ماشرحتها قبل عاديه نفس صلاة الفير .. تصلون ركعتين و بعدين التشهد و تسلمون و تردون تصلون لو تبون اكثر من 2 ..

بعدها تصلون ركعتين عاديين بنية انه بتصلون صلاة الشفع و اهيا ركعتين عاديه نفس صلاة الفير .. بس يسمونها صلاة الشفع ..


يبقى الحين عندنا خاتمة صلاة الليل واهيا ركعه وحده و يسمونها صلاة الوتر ..

وهذي الصلاة ركعه وحده يفضل انه نقرا فيها سورة الاخلاص مثل ما كان يسوي الرسول عليه الصلاة والسلام .. لكن فيها اختلاف شوي
انه بعد ما تقرين فاتحة الكتاب و سوره صغيره (يفضل الاخلاص) وتركعين بعد ما تقومين من الركوع تقولين دعاء يسمونه دعاء قنوت الوتر وهذا اهوه:


" اللهم أهدني فيمن هديت ، وعافني فيمن عافيت ، وتولني فيمن توليت ، وبارك لي فيما أعطيت ، وقني شر ما قضيت ، فإنك تقضي ولا

يقضى عليك ، إنه لا يذل من واليت ،[ ولا يعز من عاديت ] تباركت ربنا وتعاليت "


" اللهم إني أعوذ برضاك من سخطك وأعوذ بمعافاتك من عقوبتك ، وأعوذ بك منك لا أحصي ثناء عليك ، أنت كما أثنيت على نفسك "

" اللهم إياك نعبد ، ولك نُصلي ونسجد ، وإليك نسعى ونحفدُ ، نرجُو رحمتك ، ونخشى عذابك ، إن عذابك بالكافرين ملحق ، اللهم إنا

نستعينك ، ونستغفرك ، ونثني عليك الخير ، ولا نكفرك ، ونؤمن بك ونخضع لك ، ونخلع من يكفرك "

اللي مو حافظه الدعاء تقدر تمسكه وتقرا من ورقه عادي مافي اي اشكال .. بس طبعا يكون احسن لو الواحد يحفظه


بعد ما تقرين دعاء قنوت الوتر ممكن تقرين اي دعاء بخاطرج ..
وتتوسلين حق الله و تدعين اي شي تبينه كثر ما تبين ادعي وانتي واقفه

وبعدها تسجدين مرتين و تقولين الشهادتين و تسلمين

وبعد ما تسلميين تقولين هالدعاء


" سبحان الملك القدوس" ثلاث مرات وفي المره الثالثه نقول رب الملائكة والروح ونعلي صوتنا فيها


وبجذي تكونين خلصتي من صلاة قيام الليل ..


الحين بقولكم طريقة القيام اللي بنسويها احنا .. راح نختار 3 ركعات .. واللي حابه تزيد مافي مشكله .. والسبب اني اخترت 3 ركعات عشان اضمن اكبر عدد من البنات ياشركون معانا بالحمله لانه في بنات يمكن عندهم دوامات او ظروف الخ..



وممكن نصليها 3 ركعات بس .. يسمونهم (الشفع والوتر)

يعني ركعتين و نسلم (مثل صلاة الفير عااااادي ومافيها اي زود بس يفضل تقرين السور اللي ذكرتها فوق او انتي اختاري اللي تبينه على راحتج)

و بعدها ركعة الوتر و نسلم (ولا تنسون الدعاء فيها)

ملاحظه: ممكن انه ماتقولون دعاء الوتر.. يعني بس تدعون اللي انتوا تبونه بعد ما تركعون وتقومون ادعو اي شي بخاطركم بدون دعاء الوتر )



واللي تتعب واهيا واقفه ممكن تحط كرسي وراها عشان تقعد لو تعبت وعادي تكمل صلاتها مافي اي مشكله هالشي سأليين فيه ..


وانشالله الله بيعطي كل واحد على قد نيته ..



اما اللي ماتقدر تسهر لي اذان الفجر .. ممكن تصلين قيام الليل قبل لا تنامين او مباشره بعد صلاة العشاء

تصلين 3 ركعات اللي قلنا عنهم

و تدعين شوي و لو تقرين اي شي من القران لو صفحه وحده او سوره وحده صغيره

و تنامين
منقوووووووول لعيونكم ,,,,

بس نبي مشاركتكم


وهاكم مني دعوه .. يالله يارب يا كريم ياقادر على كل شي
تحقق اللي في بال كل وحده من خواتي وتعطيها كل اللي تبي وترزقهم الخير

اللي ماعندها عيال ترزقها الذريه الصالحه

واللي عندها عيال تباركلها في عيالها و تخليهم لها و ماتحرمها منهم ولا تحرمهم منها ..

واللي مو متزوجه ترزقها الزوج الطيب اللي مافي مثله ويرحمها و مايعذبها..

واللي متزوجه يارب يهديلها زوجها و يسخره لها دايما ومايشوف غيرها طول عمره ..

ويخليلكم امهاتكم واباءكم و كل اعزاءكم و يرحم اللي ماتو و يصبركم ويعوضكم خير عن كل شي فقدوت بالدنيا

ويوخر همومكم و يوسع في رزقكم و يبعد عنكم الناس الشريره و يسخرلكم كل العالم ..

ويجازي كل اللي ظلموكم و يبرد قلبكم فيهم

ويعطيكم على قد نيتكم يااااااااااااااااااااااااااااااااااااااااااااااااا ااارب


شرايكم بنات ؟


خل نشوف ردودكم اهيا اللي راح تحدد كل شي


نبي نشجع بعض و كل يوم نتابع بعض اللي تصليها تقولنا و الي يصير تغير في حياتها تقولنا

خل نشجع بعض عالخير..

و واثقه انه ربي ماراح يخيب ضني و كل شي راح يصير مثل ما ابي

يالله بناتباب التسجيل في الحمله مفتوح من اليوم الى مدى الحياة

>>>>> ردود الأعضـــــــــــــــــــاء على الموضوع <<<<<
==================================


يالله بنات باب الحمله مفتوح الى مااالانهايه

ارجوكم خلوونا نساعد بعض ونتشجع على قيام الليل .....قسم بالله مابقى في العمرررر كثر ماااراح

الموضوع حصلته في احد النتديات وعجبني وهم ثبتينه وكل وحده تدخل وتقول مشاركتها في قيام الليل

صدقووني هو موريااء ...انا عتبره تذكير وتشجيع


__________________________________________________ __________

ان شاء الله الكل يقدر ينفذها حتى لو مارد >هنا .. المهم لك الاجر ان شاء الله
وانا بقوم بتوزيع الموضوع على بنات قسمي وصاحباتي في المنتدى


لك محبتي وودي


__________________________________________________ __________

انا معكم
ويجزيكي الله كل خير


__________________________________________________ __________

صاحبة سمووو


جزاك الله كل خير على النقل



اما بالنسبه لي فاني ولله الحمد



اعمل بها من فترة


وربي يكتب لك الاجر


على نشرها


__________________________________________________ __________

للولي كتي اشكرك على مرورك ونشرهاا