عنوان الموضوع : تخيلوا رحنا عند ناس لقيناهم معلقين لوحة في المجلس كاتبين عليها........ -اسلاميات
مقدم من طرف منتديات نساء الجزائر

تخيلوا رحنا عند ناس لقيناهم معلقين لوحة في المجلس كاتبين عليها........









كيـــــــــــــــف الحلـــــــــــــــــوات


هذا سلمكم الله قبل كم سنة رحنا لناس يصيرون لنا
واللي نعرفه عنهم إن أبوهم مررررررررررة ملتزم

المهم استقبلونا ودخلونا مجلس الحريم
وراحوا يجيبون القهوة
وبين ما احنا جالسين لفت انتباهي لوحة معلقة في الجدار
طبعا هي لوحة ما أدري فلينة
المهم اللي مكتوب عليها
تدرون وش مكتوب عليها؟؟؟
كان مكتوب عليها بخط يد بسييييييط


(( ممنوع الغيبة والنميمة ))

طبعا ما أكذب عليكم يومها كنت مراهقة يعني مو ذاك الوعي
وبصراحة قمت أعلق على هاللوحة
وأقول كان حددوا لنا المواضيع اللي يبونا نتكلم فيها<<اللهم لا تؤاخذنا
طبعا بتقولون وش تبين من هالسالفة...
العطلة عالأبواب والمناسبات والزواجات وش كثرها
وفيه ناس الله يهديهم يرجعون من الزواجات ويبدأون يحللون اللي شافوهم ابتداء من أم المعرس لأصغر الحاضرين


*شفتوا فستان فلانة كيف يفشششل ألوانه مو مناسبتها
*وإلا تسريحة علانة اللي مالها داعي مومناسبتها
*شفتوا كيف مكياج أخوات العريس كنهم مهرجاااات
*وإلا أخوات العروسة على باااالهم ما هم شايفين أحد
*وإلا هذيك اللي قامت ترقص والله بغيت أموت من الضحك
*وإلا جسم فلانة... وشعر علانة............ألخ


تدرون فيه وحده تقول إذا حضرت زواج وأهلها حاضرين
تستأذن زوجها ترجع تكمل السهرة مع أهلها
عشان يفصفصون الزواج بالعربي يغتابون خلق الله


يــــــا أخوات الغيبة أمرها عظيم

متى نطهر ألسنتنا منها
يعني لما نتكلم في فلانة وعلانة ونغتاب كل شئ فيهم
يعني شايفين أنفسنا ملائكة ما فينا عيوب؟؟؟

لازم نجاهد أنفسنا في هالموضوع ونحاول نكون قدوة لغيرنا في المجالس
يكفينا ذنوبنا بعد نتحمل ذنوب غيرنا
ومهما تكلمنا ما راااح نستفيد شئ غير الأثم


ويكفينا قوله تعالى وَلا يَغْتَبْ بَعْضُكُمْ بَعْضًا)





م،،،،،،،،،،،،، ن

>>>>> ردود الأعضـــــــــــــــــــاء على الموضوع <<<<<
==================================


جزاك الله خير على هذه النصيحة القيمة
ونفع بك


__________________________________________________ __________

الله يجزاكي كل خير
والله معك كل الحق


__________________________________________________ __________

جزاك الله خير


__________________________________________________ __________

ي حليلهم
الله يجزآك خير
ويجزآ اللي كتبت الموضوع خير
ويجزآهم خير اللي حطو ع لوحتهم هالكلمه


__________________________________________________ __________