عنوان الموضوع : الخلطة الصابونية المغربية لبشرة صحية
مقدم من طرف منتديات نساء الجزائر

الخلطة الصابونية المغربية



جياكم الله يالغاليات

اليوم حبيت أشارككم طريقتي بالخلطة الصابونية طبعا طريقة الخلطة
مشهورة وكل واحدة تختار المكونات لي تناسبها أنا حاولت أشو
طرق مختلفة و أستفيد منها و قررت بالاخر أستخدم مكوناتي
الخاصة لأنها متوفرة عندي و متأكدة أنها طبيعية 100%
و نتايجها مجربة

الخلطة أسوي منها كل يوم و نتيجتها ممتازة تنظف نظافة من قلب و تفتح أنا صراحة ابتديت أستخدمها من فترة بسيطة لأني كنت أسوي حمام مغربي كل أسبوع بس الحين مع أولادي و شغلي ما عندي وقت وايد فقمت أسويه مرة كل 15 يوم و أتسبح كل يوم بهالخلطة والحمد لله استانست على نتيجتها لأنها ببساطة تهبللللللل


المكونات


صابونة الكبريت + صابونة أركان + صابونة اللوز +صابونة الورد + صابونة العكر الفاسي + صابونة الطاووس باللافندر + صابونة الطاووس بالجلسرين






قفشتين من خلطة الأعشاب مكونة ( الداد +بالورد + اللافندر + البابونج + الحناء طبعا الكل على شكل مسحوق)
طبعا فايدتها انها تبيض



ماي ورد + بودرة العكر الفاسي أو دم الغزال للتوريد ما صورتهم بس
أكيد الكل عارف

الطريقة

أول شي أبشر الصابون بالمبشارة و أحطه على صوب آخذ الجدر الصغير و أحط فيه غرشة ماي الورد كاملة أحطها على نار هادية
و أضيف عليه قفشيتين من خلطة البودرات
بعد ما تغلي الخلطة أضيف مبشور الصابونات وأخليها ليما يسيح كل الصابون و أشيلها من فوق النار و أضيف عليها قفشة نشا و لما تبرد شوية ألبس قفازات و أدعكها زين ما زين حتى تصير ناعمة و
قوامها كريمي مثل الشكل لي بالصورة



ثم أضيف عليها بودرة دم الغزال تعطيها لون وردي وايد حلو



هذا شكلها النهائي بعدما عبيتها الغرشة مو متروسة لأني قاعدة أستخدم منها حاليا



الموضوع منقول اتمنى ينال اعجابكم

>>>>> ردود الأعضـــــــــــــــــــاء على الموضوع <<<<<
==================================


يعطيكك العافيه على هالجهد واحلى تقييم لكي


__________________________________________________ __________

ياعيني على الناس الزوء الي تقدر مجهود العضو
بارك الله فيك حبيبتي
وياهلافيك منورة موضوعي ياعسل


__________________________________________________ __________

مشكووووووووووورة


__________________________________________________ __________

منورة ياقمر


__________________________________________________ __________

شكرا اختي