خلطه للجسم ٢٠١٣ -بشرة صحية
عنوان الموضوع : خلطه للجسم ٢٠١٣ -بشرة صحية
مقدم من طرف منتديات نساء الجزائر
خلطه للجسم ٢٠١٣
013
جبت لكم اليوم خلطة طبيعيه ومضمونه 100%
والله العظيم مانزلتها لكم الا بعد ماجربتها أكثرمن شهرين وتركتها ولا سببت لي أي مضاعفات بعد تركها
قبل أمس كنت في زياره لوحده من صديقاتيوالله العظيم قالت لي بالحرف الواحد
اللهم صلي على محمد وجهك في نضاره وبريق مو طبيعي أش مسويه؟؟؟؟
قلت لها أذكري الله قالت قلت اللهم صلي ع النبي ماشاء الله تبارك الله
والجمله هاذي كانت سبب ودافع لي إني أنزل لكم خلطتي اللي قررت أرمي بعدها كل الكريمات والخلطات اللي أستخدميها
ولا تنسون تدعون لصديقتي اللي كانت السبب إني أنزل لكم هالخلطه الفظيييييييييييعه
تكفون أدعو لها إن الله يفرحها ببنتوته تفرح قلبها
وحرصت إني أصور لكم الخلطه وأنزلها لكم عشان تشوفون شكلها النهائي
عملت علبتين وحده لي ووحده لصديقتي هديه
ياحبايبي لازم ضروري جدا تكون عندك كل المكونات وما تنقصي شي أبدا
ضروري الله يخليكم عشان أضمن لكم النتيجه
بسم الله نبدأ
راح أعرض لكم كل الأشياء اللي راح نحتاجها بالصور وأعذروني مع الحوسه ماصورت بعض الخطوات
صابونة الغار
صابونة الكركم
الصابونه السحريه ( الفلبينيه ) ضروري نفس هالصوره
نبشر هال 3 الصابونات بهالمبشرهـ
بهذا الشكل
نجيب قدر ونضع فيه
بيالة شاي ماء ورد
أنا أفضل هالنوع بالنسبه لي أفضل شي
فنجان قهوه زيت جلسرين
فنجان قهوة زيت جنين القمح
نخلطهم سوا ع النار دقيقتين لغاية ماتسخن
ونضيف عليها
ملعقتين كبيرهـ كركم الجسم ( حبيباتي كركم الجسم وليس الأكل وصورت لكم شكله )
ملعقتين كبيرهـ لوز مطحون
ملعقتين كبيرهـ ترمس مطحون
ملعقتين كبيرهـ ملح خشن ( الله يسعدكم ملح ناعم حق الأكل ماينفع أبدا أبدا )
ونقلبهم على النار دقيقه بس بعدين نضيف عليهم كميه الصابون اللي بشرناه
نقلب مضبوط دقيقتين وراح تلاحظون ان الصابون صار سايح مثل الكريم
نقلب كمان دقيقتين ونرفعها من النار
ونضيف للخلطه
ملعقتين أو ثلاث ملاعق حليب نيدو
وملعقتين نشا
ملعقتين زبدة الكاكاو (إنتاج كو********ر ) طبعا هالشركه أفضل شركه في منها أنواع كثيره بس هاذي أفضل نوع
وأخيرا نضيف عليها 8 حبات فيتامين أي ( مهمجدا يابنات )
وهذا شكلها ياحبايبي صورتها لكم من الداخل
تثقبها بدبوس بحذر وتفرغي الماده السائله الموجوده بداخلها
وتقلبي مضبوووووووووووووووووووووط جدا
وتفرغيها فأي علبه عندك
أنا فرغتها في هاذي العلبه
العلبه الصغيرهـ اللي جنبها هذا لوشن وكريم مرطب 3في 1 راح أنزل لكم طريقته رووووووعه جناااااااااان
خاصه للمتزوجات ريحته وااااااو جنااااااااااااان
طريقة الاستعمال
افتحي المويه الحاره دقايق حتى يتشبع جسمك بالبخار وتنفتح مسام بشرتك
خذي الكميه المنابه لكامل جمسك وادعكي فيها كامل الجسم بالليفه المناسبه لك 5 دقائق الى عشر دقائق
واتركيها وانشغلي في عمل حمام لشعرك أو أي شي اخر قناع للوجه أو أو أو
بعد ال 10 دقائق اشطفيها واستخدمي الكريم المرطب المناسب لبشرتك
وراح أنزل لكم طريقة صنع الكريم واللوشن الخاص فيه اللي صورته جنب الخلطه
وراح تنعمون ببياض ووصفاء ونعومه غييييييرطبيعيه وراح تدعوووون لي
والله العظيم أخذت منها أختي واستخدمتها لساق وحده فقط وخرجت من الحمام والله العظيم فرق واااااااااااضح وكبير جداد جدا جدا 90 % عن الساق الثانيه من أول استعمال
بنات يعلم الله اني مجربتها على نفسي وأختي أكثر من شهر وصورت لعيونكم وتعبت كثير في عملها فهي مجهود شخصي لي وغير منقوله فلا تحرموني من الدعاء
ولا تحرمون نفسكم من تجربتها لأنها والله تستحق التجربه وبشروني بالنتايج أنتظركم
وأي سؤال أنا حاضرهـ
اللي بتنقل الموضوع حلال عليها حبايبي من باب ( حب الخير للغير ) بس تذكر إنها خلطة رجاء لبياض وصفاء ونعومة البشرهـ لأنها خاصه في وغير منقوله جزاهاالله خيرصاحبة الخلطه وللعلم منقووله
>>>>> ردود الأعضـــــــــــــــــــاء على الموضوع <<<<<
==================================
مجموعة خلطات مميزه وطبيعيه
تسلم دياتـــك حبيبتي
__________________________________________________ __________
تسلم دياتـــك حبيبتي
__________________________________________________ __________
باين عليها خلطة ممتازه
بس للأسف الصور مو موجوده !!!
__________________________________________________ __________
باين عليهاخطيرة انشاءالله اجربها وشكرا
__________________________________________________ __________
ماطلعت الصور
رد مع اقتباس
