عنوان الموضوع : المساج السحري وخلطه ماي ورد لازاله الخطوط البيضاء والحمراء نهائيا -بشرة صحية
مقدم من طرف منتديات نساء الجزائر

المساج السحري وخلطه ماي ورد لازاله الخطوط البيضاء والحمراء نهائيا



السلام عليكم ورحمة الله وبركاته
مرحبا بنات
هل تعانين من الخطوط الحمراء والخطوط البيضاء في جسمك التي تكون حولين الخصر
والبطن والذراع والفخذين وفي الساق ان شاء الله عندي الحل

وهوه المساج السحري



1) علبة زبدة الكاكاو بالمرز للجسم



2) ربع العلبة من زبدة الشيا الخام ونذوبها بالمكرويف مجرد ثواني فقط



3) خل التفاح ربع قلاص



4) زيت جنين القمح غرشة كامله تحطينها انا اشتري مال وادي النحل احسن شي بس هذا من السعودية


5) كريم كولاجين من ستيفز تلقونه بالجمعية تحطين نص العلبة



6) مره منقوعه تحطين نص قلاص


7) علبة لوشن فاضيه



الطريقه نخلط المكونات جيدااا ونضعها في علبه لوشن الفاضيه


طريقه الاستخدام:

نضع راس الجهاز المالس الابيض فقط علي الخطوط الحمراء او البيضاء علي المنطقه المراد علاجها لمده 5 دقائق
راح تلاحضين ببروز الخطوط وشعور بحراره وهذا هوه المطلوب ومن ثم وضع الخلطه علي المنطقه والتدليك

1- استخدام الجهاز من 2 الي 3 مرات بالاسبوع

2- استخدام الخلطه في اليوم 3 مرات ضروري

وفترة العلاج من اسبوعين الي شهر وسوف تقولين للخطوط البيضاء مع السلامه

يتبع مع شرح وافي للخلطه مع ماي ورد اسم يستحق الثقه

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمة الله وبركاته

حايبي صبايا جميعا فديييييييييتكم اشتقت حق دعواتكم وكلامكم الطيب

واخيرا فظيت شوي وقدرت أحك راسي واظبط لكم هالموضوع اللي وعدت عضوات وايد فيه

والحجي اللي بقوله عن تجربتي شخصيا وغير منقول واللي تبي تنقله للفايده تذكر اسمي

*ماي ورد اسم يستحق الثقه* وما ابيح ولا احلل اي وحده تنقل بمواضيعي بدون ذكري

موضوعي لليوم بإذن الله راح يمحي مشكله 85 بالاميه من النساء بشكل عام

سواء كانت عروس او مقبله ع الزواج او متزوجه

مافي وحده منا ما تتمنى قوام ممشوق وبشره صافيه وناعمه بدون خطوط أو تعرجات

وانا لما اتكلم عن مشكلة الخطوط فأنا أقصدها بجميع أنواعها سواء الحمرا (الحديثه) أو البيضه(القديمه)

واللي مالها خلق ومو من النوع اللي يستمر أقولها تستريح لاتعب نفسها وتقرى موضوعي

أول شي ابي اقوله منو قال انه الخطوط ماتروح؟؟

أنا أقولكم شلون تروح وحتى لو ماقدرتو تصبرون لي النهايه وماقدرتو اتكملون الطريج

فعالاقل مو أقل من 80-85 بالاميه من التحسن خلال شهر او 6 اسابيع او اقل

المده تعتمد على نوع الخطوط وعمقها كل وحده تفرق عن الثانيه

ولاتقطون فلوسكم يمين ويسار على سوالف لاتسمن ولاتغني من جوع

انتو اولى فيها وكل مشكله ولها حل بإذن الله بس انتو توكلو على الله

فديتكم عشان تقضون على المشكله لازم يكون عندكم هالجهاز اللي اسمه المساج السحري وسعره مايتعدى ال17 د.ك

ولا تسألوني عن الرقم اللي شريته منه ترى مترس تلقونه بكل الجرايد الاعلانيه

وتكلمت عنه مع زبوناتي اللي كلموني بالتلفون وخذوا مني خلطتي المعجزه للسترج ماركس المعروفه

مع العلم اني حطيت صورته في عنايتي بحملة حيادر الرمضانيه وتكلمت عنه بختصار ويتني وايد رسايل استفسار عليه

ولضيق وقتي ماقدرت أرد عليها سامحوني فديتكم

لكن هني راح اقول طريقة استخدامه اللي اقدر اقول انها الصحيحه والحل النهائي لهالكابوس وعن تجربتي الشخصيه

وطبعا من بعد تجرتي وتجربت خواتي له وكل وحده فينا شافت نتيجه ترضيها وواضحه خلال جلستين فقط

فديتكم هالجهاز في له أكثر من راس يدور وله نفس المشخال مثل مو شايفين بالصوره


لحل هالمشكله راح نحتاج هالراس المستوي بسسسسسسس



وطبعا السرعه تحطونها اخر شي ما ينفع السرعه تكون بطيئه أو وسط وهذي صورته بعد ماشغلته
وتلاحظون الليتات الحمره اهي الاشعه التحت الحمراء اللي تسخن المنطقه وتفتح المسااااااام


يعني اقوى من السنفره ب100 مره

والافضل انكم تركزون على منطقه منطقه مو كلهم مره وحده جذي راح اتملون
وهم ماراح تتحملون

لانه لما اتحطونه على المنطقه اللي فيها خطوط بقوة اهتزازاته وحرارته اللي تسخن البشره

التشققات العميقه راح تهتز وتتفرق التشابكات اللي بينها المتعمقه بطبقات الجلد وهالشي طبعا راح اتحسون فيه مؤلم لكن بدرجه ممكن تتحملونها

وحتى لو كان العوار شديد تحملو معناها الجهاز قاعد يعطي مفعوووووول،، وحتى راح يبين الفرق من أول جلسه راح يفرق ويباعد بين الخطوط اللي تكون لازقه ببعضها

طبعا اتحطونه عالمنطقه مده 3 دقايق أو أقل أو أكثر لين تحتر(اتحسون بحراره وتحمر المنطقه) مو اكثر من جذي عشان

لاتحرقون نفسكم انتبهو

وتدهنون البشره على طووووول بخلطتي للسترج ماركس اللي تكلمت عنها أو اللي أوفرها مع اضافاتي،،ليش تحطونها على طول؟؟

لان المسام مفتوح على الاخير من شدة الحراره والاهتزازات وراح يتشرب كل الفايده الموجوده بالخلطه على طول وتستفيد مها البشره

ومكوناتها الرئيسيه زبدة الشيا الخام-زبدة الكاكاو-شوي خل تفاح-زيت جنين قمح أصلي مركز
وطبعا موضوعي موجود بالقسم هني واللي مامرعليها تدوره ببروفايلي تلقاه ان شاء الله وتستفيد

وطبعا تدهنون بالخلطه(او الخلطه اللي مسوينها بإدينكم) يوميا من مرتين الى ثلاث مرات تستمرون عليه

لان المنتجات اللي تنباع بالصيدليات زباله عزكم الله وماكو على الشي الطبيعي والمركز

اما الجهاز فمرتين بالاسبوع او ثلاث فقط على حسب كل وحده وبشرتها لانه بعد كل جلسه راح يورم المكان شوي

فانتو تنطرونه لين يطيب واتعيدون الكره(تسوون جلسه يديده)

وشرط اتحسون بفرق مو معقول من اول جلستين (بس لازم يكونون بالطريقه اللي تكلمت عنها)

واللي تجرب من العضوات تجرتها امانه برقبتها تيي تسدح تجرتها هني وتفيد غيرها ولها الاجر ان شاء الله

وللامانه انا جربته على الخطوط البيضه مع خلطتي للتشققات اللي بركبي اللي صاير لها دهر وخفو حييييييييل بجلستين بس فما بالكم الخطوط

الحمره اللي توها طالعه والخطوط السطحيه؟؟!!

والفال لكم يارب هالجهاز انا ما أبيعه ولا أوفره بس جربته وودي انكم تجربونه واتدلون عليه ولكم الاجر،

واتمنى منكم قراءه ممتعه ومفيده ويسرني الرد على استفساراتكم بشرط مايكون جوابها بالموضوع فوق عشان لاتحرجوني ولا احرجكم

ولا تنسوني من صالح دعائكم حبايبي احبكم في الله وأحبكم الذي أحبتموني فيه

*ماي ورداسم يستحق الثقه


__________________________________________________ __________

شكرا عالموضوووووووووووع


__________________________________________________ __________

العفواااا حبيتي وان شاء الله راح اضع لكم صور لي قبل وبعد


__________________________________________________ __________



__________________________________________________ __________

يسلمو يالغلا
رووح غاليها كانت هنــــــــــــــــــــــا