عنوان الموضوع : ازاله الاماكن الحساسه وتفتيحها
مقدم من طرف منتديات نساء الجزائر

ازاله الاماكن الحساسه وتفتيحها



كيف تستطيع المرأه ان تهتم بالمنطقه الحساسه بشكل تفصيلي لتصل الى افضل النتائج ..
إسمرار المنطقه الحساسه وطرق العنايه والعلاج ؟؟



في البدايه خلونا نتعرف على أسباب إسمرار المنطقه :
(للمعلوميه طبيعة هذه المنطقه لابد تكون أغمق من باقي أعضاء الجسم بس طبعا أغمق بنسبه بسيطه مو ليل)
أسباب مرضيه :
بسبب الالتهابات المهبليه وكثرة الافرازات تسبب تراكم البكتيرياوالإسمرار والروائح الكريه.
أسباب مناخيه :
أجواءنا الحاره والجفاف والعرق يتجمع فيك المنطقه يع....وأغلب البنات ماتعمل تهويه للمنطقه
أسباب إجتماعيه :
وهي أهم الاسباب ..
وأعني ثقافتنا الاجتماعيه حول المنطقه الحساسه
من يوم كنا صغار والكبار معطيننا تنبيه ممنوع الاقتراب من هذه المنطقه وحتى مجرد النظر..
هذا جزء محضور من جسمك ممنوع إنك تسألي عنه أو تعرفي عنه شيء ..
حتى المتزوجه ياويلها وياسواد ليلها لو إتكلمت عن هذا الموضوع قدام بنات ماتزوجو يازعم لاتخربهم
أو تفتح عيونهم على أشياء وسخه
وكبرنا وكل نعرفه عن هل المنطقه هو غسلها وقت قضاء الحاجه والوضوء ..
للأسف ماعرفنا إن فيه شيء إسمه عنايه شخصيه للمنطقه
الملابس نلبس أي نوع مانعرف إنه هالمنطقه ماينفع لها غير القطن ..
برضو الفوط الصحيه لعبت فينا لعب وماكنا ندري إن فيه أنواع مناسبه وأنواع زفت ..
يصير معانا إفرازات ونستحي نقول للأمهاتنا عاد كيف نروح لطبيبه ..
ويوم صحينا على أنفسنا وتعلمنا وتثقفنا طالعنا وش نشوف
ياااأسووود
ظلاااام دامس ونجي نركض وندور هنا وهناك عن خلطه سحريه تشيل هالسوااد الي من سنين ونبغيها تشيله بيوم وليله ..

هذي كانت أهو الاسباب ..
نجي لطرق العنايه ..



طرق العنايه بالمنطقه الحساسه :
- قبل كل شيء لابد من علاج الالتهابات إذا كنتي تعانين منها وغالبا ماتكون على شكل إفرازات ملونه وكريهه وقد يصاحبها حكه ..
لاتقولين بنت وأستحي أجل ليه فيه طبيبات وأدويه مو عشان يعالجونك إنتي وغيرك ..
في مثل هذي الامور أتركي الحياء محد راح ينضر غيرك ..
-تنشيف المنطقه بعد ملابستها للماء وعدم تركها رطبه نهائيا .
- البعد عن المسحضرات المعطره حول هذه المنطقه ماعدا المسك الاصلي ..
-التخلص من الشعر بين فتره وأخرى فترك الشعر يعني أرض خصبه للجراثيم
-استخدام الشورتات القطنيه لمنع الاحتكاك ولانه يمتص العرق .
-الابتعاد قدر الامكان عن بنطلون الجنز واذا كان لابد منه فيلبس لمده قصيره مع لبس فوطه للإستعمال اليومي ..وعمل تهويه للمنطقه لو طالت مدة إتداء الجينز
-إستخدام الفوط التي تحتوي على القطن لا البلاستيك وعن تجربه فام تعتبر من الانواع الجيده والبعد تماما عن أولويز واذا إضطررديتي لإستخدامها ضعي فوقه قطعه محارم حتى لاتلامس بشرتك ..
-تغيير الملابس الداخليه أكثر من مره في اليوم ..وكذلك تغيير الفوط وقت الدوره أكثر من مره حتى في الايام الاخيره وحين يخف الدم لابد من تغيير الفوط منعا لحدوث الحساسيه ,,والافضل حينما يخف الدم في إخر الايام ضعي فوق الفوطه قطعه محارم وحتى لو كانت فوطتك من النوع الجيد ..
لأن المحارم يخفف من إحتكاك البشره بالفوط الى عدة أيام فقط فلا تلتهب ..
-بين فترات متباعده إستخدمي غسول الماء والملح للمنطقه الخارجيه ..
أما غسول المر فسمعت أنه مناسب للمتزوجات ..
_ في نهاية الدوره إمسحي المنطقه الخاجيه بالمسك..
-عمل تمرين كيجل بين فتره وأخرى للفتيات ..
وعمله بشكل يومي للمتزوجات وايضا الفتيات التي لم يسبق لهن الزواج لكن يعانين من أصوات تخرج من المهبل ..
-عمل تمرين قيام وجلوس فهو يساعد على شد المنطقه ..
-تدليك المنطقه بحبات السكر مع زيت الزيتون قبل نزع الشعر يعمل على تقشير المنطقه وتخليصك من الحبوب والشعر أسفل الجلد ..
- تدليلك المنطقه بزيت الزيتون 3 مرات بعد نزع الشعر مباشره يعمل على تخفيف نمو الشعر بإضعاف بوصيلاته كما أنه يشد المنطقه ويخفف من الترهل ..(لكن يمنع إستخدام الماء بعد وضع الزيت لمده ساعه كامله لأن ملامسة الماء لمنطقه عليها زيت زيتون يسبب السواااااد )
_استخدام غسول طبي مره في الاسبوع ..
- الابتعاد نهائيا عن الموس عند نزع الشعر وإن كنتي من النوع الذي لايعرف سوء الحلق فأنصحك بستخدام الة براون الزرقاء للحلق والتنعيم أما الموس فودعيها للأبد
-شرب 8 أكواب من الماء يوميا هذا سيساعد بالقضاء على مشاكل البول والاتهابات وحرارة البول ..
- الاكثار من أكل الاطعمه الثقيله والمفيده مثل المعجنات واللحوم والأطعمه الشعبيه وقت الدوره فهي تعمل على شد المنطقه ..
ولا يجب أن نهتم بالشكل الخارجي وننسى الداخلي ..فبعد الزواج أنتي مطالبه بأن يكون الاثنان في أحسن حال
لذلك إستغلي هذا الامر من الان وحافظي عليهما معا وحاولي علاج أي أمر يتعلق بتلك المنطقه من إلتهابات وأصوات وترهل قبل أن تتزوجي ويكون العلاج أصعب ..

همسه في أذن كل فتاة متزوجه وغير متزوجه ..
أكثري من المشي ولو حصلك تزوري السوق مره في الاسبوع وتمتريه ياسلام عليك أو تمشي بحوشكم مسافه لابئس بها ..
صدقوني ذيك المنطقه راح تنشد وتكون
تراكثرة الجلسه تغلي عضلات ذيك المنطقه مترهله ومافيها حياة >>تسمع بالوصف




طرق علاج إسمرار المنطقه الحساسه :
(للأمانه راح أكتب لكم الأشياء الي أنا وخواتي جربناها فقط ..صحيح فيه مليون طريقه لتخفيف السواد بس ماأبغي أصف لكم شيء ماجربته )
قبل لاتبتدو بالعلاج لازم تتقيدون بأربعةأشياء مهمه :
1- إستعمال شورتات القطن .
2- إستعمال فوط قطن وتغييرها في اليوم عدة مرااات .
3- تنشيف المنطقه بعد استعمال الماء مباشره
4- نزع الشعر وعدم تركه لمده طويله .
الي ماتتقيد بالاشياء هذي لاتفكر إنها تبتدي بالعلاج أحسن لها ..



أول طريقه للعلاج عن طريق خلطه يمكن الكل صار يعرفه وهي مفيده وطبيعيه وأجمل مافيها أنها تعيد للأشفار لونها الطبيعي لكن عيوبها أنها تحتاج الى صبر ووقت طويل في العلاج وغير كذا تحتاج وقت طويل في شيل السواد الي حول المنطقه والافخاذ ..
بس بما إننا بنات ومتفرغين عادي نجرب ونصبر بدل ماوقتنا ضايع بالفاضي على الاقل نستغله بشيء مفيد
>>هذرتي واجد ..أدري خخخ
هذي مكونات الخلطه :
المقادير
نصف فنجان قهوة عصير ليمون
نصف فنجان قهوة زيت لجليسرين
ربع فنجان زيت الخروع
نصف فنجان زيت اللوز الحلو
ربع ملعقة صغيرة مسك
وأنا أضفت لهم نصف فنجال من زيت العكار >>هالزيت روعه ويستعمل للجسم لوحده لوحبيتي

اخلطي كل المقادير مع بعض و حطيهم في قارورة و ادهني بيها المناطق الى فييها سواد وإحفضيها في الثلاجه أفضل عشان العصير الي فيها..
استعمليها كل يوم مدة 3 اسابيع مع عدم استعمال مواد مزيلة للشعر ثل النير و الموس .
والافضل تستعمليها مرتين باليوم ولو ماتقدري إستعمليها بالليل قبل لاتنامي والبسي شورت بس قبل لاتدهني المنطقه أمسحيها بقطنه فيها أسكينول بالليمون ولو ماتتحملي بالليمون ممكن تستعملي أسكينول الشفاف وبعده إدهني من الخلطه
وفي الصباح إغسلي المنطقه بصابونة البابايا الي فيها قطع
طبعا الصابونه راح تجفف المنطقه فعلى طول تكوني محضره جلوسيد الاحمر وخالطه معاه عصير ليمون تدهني المنطقه بنقط صغيره ولاتكثري من الكريم لأنه المنطقه مافيها تهويه والجو حر وكريم وعرق يع..




ثاني طريقه ..بستخدام كريم طبي وطبعا أنا ماجربته أختي المتزوجه كان عندها إلتهابات وسواد في المنطقه فطبيبتها صرفت لها هذا الكريم وماشاء الله ماكملت شهر إلا المنطقه عندها صايره زي لون الجسم ..
الكريم أسمه
اليكا_أمـ
وسعره 25 ريال
وهذي صورته





تتدهني فيه قبل لاتنامين..وطبعا أختي إستخدمته لمدة شهر ..
بس مايمنع تسألو الطبيبه قبل إستخدامه ..
أخاف أحد لاسمح لله ينضر ولا شي بعدين تدعون علي ..
أن قلت لكم الي جربته أنا وأخواتي والله شاهد
بس طبعا كل بشره تختلف عن الثانيه والي يناسبني يمكن مايناسب غيري ..



النقطه المهمه :
لازم كل بنت يكون عندها علبة إسكينول مسحه منه على الاشفار الخارجيه كل يوم راح يخفف من السمار ويفتح لونها .

تنظيف المنطقه الحساسه من الشعر
(راح أكتب لكم طريقتي وطبعا كل وحده لها طريقتها الخاصه والي ترتاح لها لو طريقتي ريحتكم تمام ولو مانسبتكم لاتدعو علي أنا بس حبيت أخدمكم )
طبعا هي مو سر أو غيرطرق الناس بس الحمد لله الطريقه هذي مريحتني وماتطلع حبوب ولاسواد ولاترهل المنطقه وغير كذا تخفف نمو الشعر وإنتي بنفسك راح تلاحظي ..

أولا: لازم توفر الاشياء هذي :




حبات من السكر



قليل من زيت الزيتون



قطن

مخدر (بنج للأسنان )



بودرة الاطفال



حلاوة شهرزاد ..



الة براون لنزع الشعر وليس الحلق ...

أنا عندي مجموعة العروسه
بس تقدري تشتري براون للنزع لوحدها مو شرط مجموعة العروسه ..



براون لحلق الاماكن الصعبه في المنطقه الحساسه ..
هي على شكل قلم تجي مع مجموعة العروسه
وممكن تجي لوحدها ..

مرايه بس تكون أكبر من هذي خخخخ
.............................. ..
الحين ياشطار جهزووو الاغراض هذي كلهاااا حتى نبتدي بالطريقه
والي أغراضها ناقصه لاتحضر عندي
>>تحلم بالتدريس

طريقة شيل الشعر :
1- أحسن وقت لشيل شعر المنطقه الحساسه هو في اليوم الاخير أو ماقبل الاخير من الدوره لان الام راح يكون أخف بس بشرط يكون الدم متوقف ..
2-ندهن المنطقه بزيت زيتون ونأخذ حبات السكر الخشن وندلك المنطقه بلطف هذه الطريقه تساعد على تقشير المنطقه وإخراج الجلد الميت والشعر الي تحت الجلد وبكذا لما نجي نشيل مايكون فيه شعر مستخبي 0
3-نترك زيت الزيتون على المنطقه لمدة ساعه وبعدها نغسله بالماء (يابنات زيت زيتون ومويه يعني سواااد عشان كذا اذا استخدمتو الزيت لاتغسلوه إللا بعد ساعه )
طبعا نغسله بالماء وصابونة البابايا وبعدين ننشف المنطقه زين .
4- نجيب المخدر (بنج الاسنان )ونرش في قطنه لين تتعبى القطنه ونمسح على المنطقه الحساسه طبعا على أماكن نمو الشعر بس نبعد عن الفتحه ..
(اذا الشعر طويل قصيه عشان الشعر الطويل يتعب بالشيل ويعذبك وبرضو مايسمح للبشره تتشرب المخدر )
بعد مادهنا المخدر نترك المنطقه مفتوحه بدون ملابس لان الملابس راح تتشرب المخدر وكأننا ماسوينا شيء
يعني إجلسي بغرفتك خلصي كم شغله ولا إقري كتاب لين تمر نص ساعه ..
بعد النص ساعه جهزي عدة الشيل
(فيه بنات ماتتخدر عندهم المنطقه إلا بعد ساعه ,,يمكن أو مره ماراح تعرفي إنتي كم محتاجه عشان تتخدر عندك المنطقه لكن بعدين راح تتعودين وتعرفي اذا نص ساعه ولاساعه )

>>>>> ردود الأعضـــــــــــــــــــاء على الموضوع <<<<<
==================================


الله يعطيك العافيه على المعلومات والمجهود الي بذلتيه


__________________________________________________ __________

تسلمييييييييييييي


__________________________________________________ __________

يسسسسسلمو ,,, الله يعطيك العافية


__________________________________________________ __________

موضوع رائع .... تسلمي يالغالية
بس أظن أن البنات ما بدهم إزالة للأماكن الحساسة ... بس إزالة السواد
وليس إزالة مطلقة
هههههههههههههههه
تسلمي حبيبتي وأرجوا تصحيح العنوان


__________________________________________________ __________

رووووعه جزاك الله خير...