عنوان الموضوع : مشكلتي مع زوجي ....مشكلتي مع الدنياااااا ....كتاب حياتي يا عين.. حياة اسرية
مقدم من طرف منتديات نساء الجزائر

مشكلتي مع زوجي ....مشكلتي مع الدنياااااا ....كتاب حياتي يا عين..






السلام عليكم انا عضوه جديده انضميت للموقع لاني محتاجه احد افضفض معاه انا وحيده ما عندي حدا احكي معو او يسمعني ....
انا بنت عمري 23 سنه تجوزت من سنتين تجوزت شخص بعرفو بس ما بحبو هو انسان كتير منيح بس مش الانسان الي انا حلمت فيه تجوزتو لاني كنت تعبانه ببيت اهلي حياتنا صعبه مع امي وابوي وظروفنا صعبه انا عشت حرمان من كتير اشياء بهاي الدنيا ابوي كان رامينا ورا ضهرو وكان اناني ويهتم بس لحالو يعني لا كان يطلعنا مشاوير ولا يحن علينا ولا يحكي معنا غير انو كان يخون امي ولا زال على هدا الحال ,انا بنت طموحه جدا واحلامي مالها حد مع الاسف (لانها عذبتني كتير)المهم تجوزت ما كنت احبو بس تاملت اني احقق احلامي بس للاسف طلع جوزي مفلس وما معو مصاري عكس ما كان واهمني انصدمت بالبدايه بس تنازلت وقلت ببالي بكره الوضع بيتغير ومع الوقت انا بشتغل وهو كمان وضعنا بيتحسن وكنت مستنيه منو حنان وحب .....عزيت حالي بالحياه الزوجيه الي بتكون الواحد ومرتو انها بتعمل توازن نفسي وكمان بتخليني احبو وكمان الاولاد الي راح يزينوا حياتي وكتييييييير افكار.
بس جوزي طلع عندو ضعف جنسي قوي كتير وما كان يقدر يقرب علي وكل مره بنكون مع بعض بتصير مشكله لحد ما كرهت هاي الشغله وكرهتو كمان ....تاخر حملي رحت عملت فحوصات وكان عندي كل شي سليم والحمدلله.قررت انا جوزي انو يعمل فحص وفعلا رحنا كنت كتييييييير خايفه كنت ابكي وادعي لربي انو ما يكون فيه شي انا بموت بالاولاد الصغار طلبت من ربنا ما يختبرني هدا الاختبار الصعب ....بس ياااااااااااااااااا الله طلعت نتيجه الفحص عكس كل امالي ورجائي طلع جوزي عندو صفر يعني ما في امل حتى طفل انابيب ضاقت الدنيا بوجهي وتسكرت الابواب بلحظتها بس تماسكت وما فرجيت جوزي اني زعلانه رجعنا عالبيت وكان هو زعلان كتير وانا مش قادره ابكي مشان ما اجرحو وبس طلع من البيت عمل جو متل المجانين عياط وصريخ ونواح....حقدت على كل الدنيا ضليت فتره مش طبيعيه لحد ما تعودت على الموضوع بس في جرح بقلبي وغصه كبيره بدي ولد....حاليا عم بنروح على دكاتره ونعمل الي علينا املي بالله كبير بس والله حزينه جدا انا تجوزت وواحد من اهدافي الولد.....
انا وجوزي ما في بينا اي تفاهم هو بيحب يضل فالبيت من الشغل للبيت ومن البيت للشغل ما بيعمل علاقات مع اي حد ولا بيحبني امزح او احكي مع حد لما نكون مع بعض حتى لعند اهلي ما بيحب يروح هو كتير سكوتي وما بيحكي حتى معي ....ما بيحب يروح مشاوير او حتى يقترح شي مشوار دايمن انا ببادر والله زهقت.
ما بيعمل اي شي بالبيت من تعديلات او تزبيطات هو كتير كسلان ومن كل شغله صغيره بيعمل موضوع كبير ..ولما بنتزاعل مع بعض بيبطل يحكي لايام الا انا بتنازل عشانو وكمان ما بيعجبو ...حتى اهلو تقاتلنا معهم وطلعنا سكنا لحالنا ببلد غريبه اخخخخخخخخخخخخخخخ انا دايمن لحالي هو بيطلع من الصبح وبيرجع بالليل ولما بيرجع بيقعد عالتلفزيون وما بيحكي معي الا قليل قليل يعني ازا انا بحكي معو ..هو كتير غامض ومنطوي ...انا بنت مرحه بحب امزح بحب اطلع بحب اتدلع وهو عكسي بكل شي .كل الوقت لحالنا ما حدا بيزورنا ولا نحنا بنزور حدا كلو بسبب جوزي ........انا ضايعه ونفسيتي تعبانه الصراحه لولا شغلي ودراستي كنت طقيت ومتت بس المصيبه بالعطله ..ارجوكم ساعدووووووووووووووووووووووني انصحوني ادعولي..انا حكيت باختصار عن مشاكلي بس الله اعلم باللي بقلبي وحياتي .....

>>>>> ردود الأعضـــــــــــــــــــاء على الموضوع <<<<<
==================================


ياقلبي الله معاك
هذا حال الدنيا من ابتلاء الى ابتلاء
وطالما انه كويس معاك حاولي تصبري عليه
في ازواج تضرب وتشتم وتسب
يعني انتي افضل حالا من غيرك
صحيح ان الاولاد زينه ولكنهم احيانا عذاب للاهل وعاقين
فالله رحيم بعباده ..والله ماحرمكم من الخلفه الا لحكمه وخير
سمعت محاظره مره غيرت مجرى حياتي
كنت دايم اذا ماصار اللي احبه او مارحت المشوار اللي انتظره كنت ازعل واتضايق
واتنكد اليوم ويمكن ايام
سمعت هالمحاظره ان حبس موضوع او مشوار او تعثر زياره او عقم او,,او.. فيه خير لك
ممكن كنت بروح مشوار واموت وممكن كنت بطلع زياره ويصير حادث وتتقطع اطرافي
وممكن انجب اولاد ويطلعوا عاقين
المهم سمعت هالمحاظره وتغيرت بشكل كبير صرت ارتاح اذا تعثر مشواري
لاني آمنت ان فيه خير كبير ليه
الان اعلم هالشيء لاولادي
فعلا امر المؤمن كله خير كما قال رسولنا الكريم عليه السلام
اما زوجك مايحكي اغلب الرجال ياقلبي كذا لكن شوفي اهتماماته وشاركيه
ومو مشكله انتي او هو تقترحوا على بعض زياره او طلعه
المهم تستانسوا
ولا تنسي ان موضوع العقم مأثر فيه 100 %

ولا تنسي ان عدم الانجاب عند الرجل معناه كبير معناه انت مو رجل
والامر زاد سوء انه ضعيف جنسي
ويخاف بعد ينفضح امام احد وتنجرح رجولته
من منا لا يحب البنون
المال والبنون زينة الحياة الدنيا
لكن اذا تعثر عليكم هالشيء ممكن تاخذوا طفل من الملجأ وتربوه
واكثري من الاستغار والله سمعت قصة رجل عقيم تزوج بنت ارمله
وعندها 3 ابناء وبعدها بفتره ربي رزقه ب 3 اولاد
لا نيأس ولا نقنط من رحمة الله
وبعدين كل الازواج الا مارحم ربي يزبط في بيته ماعليهم من هالشغلات
وحاولي تشغلي نفسك بحلقات قرآن او تعرفي على جيران او انظمي لنادي
او اشتركي بدورات تعليميه وتدريبه تزيد من خبرتك ومن قدراتك الوظيفيه
او اعملي حصص دروس تقويه اي شيء المهم ماتجلسي لوحدك وتفكري وتنكدي
على حالك
زوجك هو كذا خلاص ..ولا تلوميه والله اني حاسه فيه صعبه عقم وظعف
لكن انتي بعد ماتوقفي عند هالنقطه اعملي اللي قلتلك عليه ولا تكوني انتي والزمن عليه
وحطي ببالك مااحد مرتاح
والله يهدي بالك ويسخرلك زوجك


__________________________________________________ __________

شكرا اختي الكريمه والله كلامك روووووووعه ومعاك حق فيه بس انا بنيت احلامي على هدا الزواج وحاليا مش سعيده نهائيا ..انا فاهمتو بس هو ما بيفهمني انا بعذرو بس هو وانا كمان انسانه وعندي حاجتي من جوزي الي ما باخدها ما بدي اغلط او اغضب ربنا ....يا الله عنجد تعبت ليش دايمن المراه لازام تضحي وتفهم الكل وما حدا يفهمها....


__________________________________________________ __________

بليييييييييييييييييز الي بتشوف موضوعي لا تتجاهلو انا محتاجه ارائكم لا تبخلوا علي .....


__________________________________________________ __________

وعليكم السلام اختي اسال الله في هذة الساعه ان يفرج همك ويرزقك الذريه الصالحه والسعاده
نصيحتي لك كوني صبوره قريبه من الله توجهي للحي القيوم هو من سيغير حالك وعليك بالدعاء
كذلك حسن العشره مع زوجك انه بحاجه لان تحسسيه بمحبتك له قولي له انت تكفيني ولو ماجاني اولاد لانه يعاني اكثر منك ويفضل الصمت حاولي ان تخرجيه من جو الحزن الذي يعيشه وبالنسبه للمال اعلمي انه ليس سبب لسعاده بشر اقتنعي بزوجك وبحالك وبوضعك تستقري اكثر

اتمنى لك الاستقرار والله يكون بعون الجميع


__________________________________________________ __________

الله يسامحكم طلبت منكم تساعدوني ولو بكلمه