عنوان الموضوع : كباب حلة من مطبخ الشيف مونى بالصور
مقدم من طرف منتديات نساء الجزائر

كباب حلة من مطبخ الشيف مونى بالصور



السلام عليكم ورحمة الله وبركاته
النهرده عملت كباب حلة
اكلة سهلة وبسيطة
خصوصا للعرايس والمبتدئات
المكونات او المقادير
نص كيلو لحمة
بصل حلقات وبصل مبشور
توم متقطع
ملح وفلفل
شوربة
سمنة
شوفان
الطريقة
هنحط السمنة فى الطاسة او الحلة لغاية ماتقدح
وننزل عليها البصل الحلقات والمبشور
لغاية مالونه يصفر
وبعدها ننزل عليه التوم
ونحط عليهم اللحمة ونقلبهم فيه
طبعا اللحمة مش هتكون نية هتكون واخده قبلها نص سلقة
هنحط ملح وفلفل وبعدها نغطىها بشوربة اللحمة اللى اتسلقت فيها
نسيبها تستوى او تكمل سواها براحتنا
طبعا الشوربة اللى حطيناها دى هى الصوص
بس عشان نتخنه قدامنا 3 حاجات
ياتحطى كريمة طبخ
او تحطى كوباية ميه وفيها معلقتين دقيق متدوبين
ياتحطى شوفان زى مانا عملت
واى خطوة من دى هتكون قبل ماتطفى بربع ساعة
انا عملت معاه رز وسلطة خضرا
دلوقتى هسيبكم مع الصور بالتفصيل

>>>>> ردود الأعضـــــــــــــــــــاء على الموضوع <<<<<
==================================


عززتي اهلا بك معنا

اذا كانت الطخات من مطبخك يرجى كتابة اسمك و اسم المنتدى عليها
لانها من قوانين القسم

كدلك يا ريت تقومي بتصغير الصور
و اذا في سؤال نحن في خدمتك


__________________________________________________ __________

تسلم ايدك اكلة جميلة جزاكي الله خيرا


__________________________________________________ __________

يسلمو الاياااااااااااااااااااااادي


__________________________________________________ __________

الله يسلمكم ياقمرات
ياريت اعرف اكتب اسمى عليها
بس انا مش عارفة الطريقة


__________________________________________________ __________

تفضلي هدا الرابط سيساعدك كثير

طريقة تصوير وتصغير الصور ووضعها بالمطبخ