عنوان الموضوع : ~ تعالو شوفو الاستغفار عمل ايه ف حياتى معجزة~ -قصة جميلة
مقدم من طرف منتديات نساء الجزائر

~ تعالو شوفو الاستغفار عمل ايه ف حياتى معجزة~






السلام عليكم القصة منقولة ترويها صاحبتها مانى الا ناقلة


السلام عليكم
ازيكم يا اجمل بنات ف الدنيا
انا جايه اقوللكم حكايتى مع الاستغفار
انا كنت الشهر اللى فات مستنيه جوزى يدينى مصروف البيت زى اى ست مصريه بصيت لقيت جوزى حبيبى جه قاللى اسف يا عمرى مفيش مرتب الشهر ده ليه يابنى حرام عليك انت مش ف شركه والمفروض بتروح شغلك كل يوم وللا انت اترفدت وللا اتجوزت واديت المرتب لمراتك وللا ايه قاللى لا والله حصل مشكله ف البنك اللى بيتعامل مع الشركه ومفيش اى موظف هيقبض الشهر ده
انا عملت كدا واعدت افكر طب هندفع الايجار ازاى وهجيب حاجه البيت ازاى
المهم استلفت من اخويه فلوس الايجار واعدت استغفر كتير بنيه ان ربنا يكرمنا وميحوجناش لحد واذ فجأه بعد يومين وانا مبطلش استغفار ودعا لقيت ايه بقى
لقيت حماتى اتصلت بجوزى عشان روح ينزلها السوق وبعتتلى طعاه كيلو فراخ بانيه مع ان مش دى حماتى يعنى هى مش من النوع ده مع العلم اننا مقولناش لاى حد على موضوع المرتب ده انا قلت لاخويه بس ودى كانت رغبتى انا
وف نفس ذات الوقت لقيت جارتى اللى ساكنه فوقيه نازلالى ومعاها 3 فرخات مدبوحين ومتنضفين وبتقوللى اصل انا هديت العشه بتاعت الفراخ ودبختهم وقلت دول ليكى واعدت تحلف عليا اخدهم يا حلاوة يا ولاد
جيت ادخل الحاجه ف الفريزر وانا عندى الفريزر رفين الرف اللى تحت عاملاه للعيش بشيل العيش عشان انضف الفريزر والله العظيم يا بنات لقيت 3 كياس فيهم سمك وكاليمارى كنت ناسياهم ف الفريزر ومش واخده بالى منهم خالص ولحد دلوقتى معرفش جم امتا لانى عمرى ما شلت لحوم او اسماك ف الرف بتاع العيش وبعدها بيوم جوزى راح ركب لابو صاحبو باب للمحل بتاعو فادالو 150 جنيه والحمد لله قدرت اجيب البامبرز والخضار والجبن وفرحت اوى ان ربنا كرمنى وعرفت ان ده فضل الاستغفار والدعاء وجيت اقوللكو عشان تعمللو زيي متنسوش ربنا عشان مينساكوش وطول مانتو فاكرينو وذاكريننو والله هيقف جنبكم ف اى حاجه وف اى زنقه ومتنسوش الصدقه طبعا بس بالله عليكم ادعولى ان ربنا يهدى جوزى للصلاه ويبطل سجاير واسفه انى طولت عليكو متنسيش التقييم بقى يا قمرايا
ربنا يهديه ويتوب عليه توبة نصوحة ويرده اليه ردا جميلا ويجمعك واياه على طاعته وحبه ورضاه ربى يجعل مثواكى ومن ذكرتى بالقصة الفردوس الاعلى
اللهم بلغت اللهم فاشهد على ما اقول

>>>>> ردود الأعضـــــــــــــــــــاء على الموضوع <<<<<
==================================


فعلا حتى انا استغفرت كثير
والله حقق لي اشياء كثير
شكرا اختي نفيسة


__________________________________________________ __________

مشكورة ع ذكر قصتك
ان شاءالله يتحقق اللي ببالي ياررررررررررررررررررررررب


__________________________________________________ __________


__________________________________________________ __________


__________________________________________________ __________