عنوان الموضوع : " اعلنت حبك لين الكلٍ تمناك "..~ قصائد
مقدم من طرف منتديات نساء الجزائر

" اعلنت حبك لين الكلٍ تمناك "..~



.


.


.




نسيتني علّمني شْلون ابنساك
في هالزمن نسيان الاحباب عادي

وشلون لامرّت على البال ذكراك
وطيفك سرق مني لذيذ الرقادي

وشْلون لاقالوا لي الناس وش جاك ؟
من كنت في لّذة منامك تنادي

وشْلون اعيش اللي بقالي بليّاك
لا من غدينا كل واحد بوادي !!!

لو قلت اداوي جرحي اللي تباطاك
ماكلّ جرح يْفيد فيه الضمادي

اعلنت حبك لين الكلٍ تمناك
غلطة وغيري من خطاي استفادي

لو لي مثل قلبك تمنيت فرقاك
واكيد قبلك بالجفا صرت بادي

حلوه عذاريبك وحلوه مزاياك
حتى بيوم فراقنا كنت هادي

كنّ الليالي ودها تكسب رضاك
وأنا يطول مع الليالي جهادي

في ذمتي ماهي غريبة خطاياك
مبطي وقلبك لو تنبّهت غادي

سهلة على من كان مثلك وشرواك
مثل الثياب يغيرّون المبادي

علمني اكره ذكرياتك وطرياك
وانسى من الليله صدوق الودادي !

ولاني بقايل عقبها وين ابلقاك ؟
راضي لو ان جروح قلبي جدادي

ولاّ القصايد جعلها من فداياك ؟
لبّستها مبطي ثياب الحدادي

باكر على المخطي يدورنّ الافلاك
ونشوف من يصعب عليه البعادي
.


.


.

>>>>> ردود الأعضـــــــــــــــــــاء على الموضوع <<<<<
==================================


رووووعـــــــــــــــــــه ... صــــــــح لــــــســـــــانـــكـ ..


__________________________________________________ __________

وفقك الله على الموضوع المميز
موفقه في الأختيار والذوق
سلمتي وسلمت يمناكي
بنتضار المزيد من الأبداع
والذوق منك
دمتي بكل الود
تحياتي نعومه


__________________________________________________ __________

ابيات قمه في الروعه سلمت يداكي


__________________________________________________ __________

ررررررررررائعة



__________________________________________________ __________

كيف اعبر عن حبي لمن احب