عنوان الموضوع : فطيرة الفراخ المشويه مع الخضار من وصفات شيماء سيف
مقدم من طرف منتديات نساء الجزائر

فطيرة الفراخ المشويه مع الخضار من وصفات شيماء سيف



بسم الله الرحمن الرحيم


بفضل ربنا الفطيرة دى فكرتى وهى عبارة عن تشكيلة من الخضار وصدور فراخ مشويه ( فكرة لو عندك بواقى فراخ واى خضار ومش عارفة تعملى بيهم ايه )

تقدرى تستغنى عن اى حاجة من المكونات حسب المتوفر عندك ولو تحبى تزودى حاجة خير وبركه
يلا نبتدى على بركة الله

لا احلل نقل وصفاتى الا بذكر المصدر





المقادير

2 كوب دقيق
2 ملعقة كبيرة لبن بودرة
1 ملعقة كبيرة سكر
3 ملاعق كبيرة زيت
1 ملعقة كبيرة خميرة
ربع ملعقة محسن خبز ( اختيارى )
رشة ملح
ماية دافيه للعجن




طريقة العجين

بتخلطى كل المكونات مع بعض وتعجنى كويس اوى لحد ما تكون عندك عجينه متماسكه وطرية زى القطنه

تدهنى طبق شويه زيت وتحطى العجين وتغطيها وتخليها تخمر ممكن ساعة او اقل

مقادير الحشو

2 صدر دجاج مشوى
2 معلقة كبيرة خرشوف سوتيه
2 معلقة كبيرة مشروم
3 معلقة كبيرة سبانخ فريش
2 معلقة كبيرة فلفل اخضر
2 معلقة كبيرة فلفل احمر
2 معلقة كبيرة فلفل اصفر
بصلة كبيرة مقطعة جوانح
2 معلقة كبيرة صوص بشاميل ثقيل
شرايح من الجبنه الشيدر
ملح - فلفل اسود - رشة كبيبة صينى - بودرة ثوم - بودرة بصل




الطريقة

فى طاسة على النار فيها شويه زيت زتون تنزلى بالبصل الجوانح ولما يدبل تنزلى بالمشروم والسبانخ وبعدين الفلفل الالوان تقليبة وتحطى الخرشوف والفراخ والتوابل وتنزلى بالبشاميل تقلبتين وتطفى

افردى العجين فى صينيه تدخل الفرن حطى الحشو وفوق الحشو شرايح الجبنه وغطى بباقى العجين ادهنى اقل من ربع كوب لبن عليه ربع معلقة صغيرة نسكافيه وبيضة صغيرة
رشى سمسم ودخليها فرن سخن لحد مايكون لونها ذهبى



لا احلل نقل وصفاتى الا بذكر المصدر



والف هنا وشفاااا


>>>>> ردود الأعضـــــــــــــــــــاء على الموضوع <<<<<
==================================


يسلموا الشيف شيماء رائع


__________________________________________________ __________

المشاركة الأصلية كتبت بواسطة سديم السما
يسلموا الشيف شيماء رائع

تسلمى يارب ويسلم ذوقك انا ولا شيف ولا حاجة انا على ادى ماتحرمش من وجودك ديمااا يارب


__________________________________________________ __________


__________________________________________________ __________


__________________________________________________ __________