عنوان الموضوع : بريانى اللحم على طريقتى الخاصة من مطبخى بالصور -من مطبخي
مقدم من طرف منتديات نساء الجزائر

بريانى اللحم على طريقتى الخاصة من مطبخى بالصور



السلام عليكم ورحمة الله
المكونات
نص ك لحم
5 م ك بسلة
كوب وربع ارز بسمتى
1 طماطم
1 بطاطس
2 جزر صغير
م ص فلفل اسود
م ص زنجبيل بودرة
م ص قرفة
م ص بابريكيا
م ص بهارات
م ص كسبرة ناشفة
2 م ص ملح
2 م ص مستردة
م ص صويا صوص
كوب زبادى
3 م ك سمنة

بصلة
2 فص توم
التجهيزات
هنسلق اللحمة سلق كامل
اول حاجة هننقع الرز البسمتى لمدة ساعتين
وهنقطع البصلة والتوم
وهنقطع البطاطس والجزر والطماطم
وهنسلق البسلة
ده شكل البسلة لما اتسلقت

وده الخضار والتوابل

البصل والتوم بعد ماقطعتهم

هنحمر البصل والتوم فى السمنة

ونحط عليهم التوابل والخضار

ونقلبهم كويس مع بعض ونحط عليهم اللحمة المسلوقة ونقلبهم ونحط عليهم شوية ميه

ونشغل عليهم النار شوية عشان اللحمة تتشرب من طعم التوابل

ولما تنشف الميه نطفى النار ونحط عليهم الرز المنقوع ونقلبهم كويس مع بعض

ونحط عليهم شوربة اللحمة او اى شوربة عندك لغاية ماالرز يتغطى بالكامل

ونسيبهم يستوو على نار هادية اوى هياخد حوالى من ساعة الا ربع لساعة

وده لما استوى وغرفته


انا عارفة ان فيه ناس بتسلق الرز وفيه بردو ناس مبتسلقش اللحمة بالكامل
انا حبيت افتكس فيه وكمان محبتش اسلق الرز عشان يتشرب اكتر بطعم الخضار والتوابل
وبالنسبة اللحمة اللى استعملتها عجالى لو بتلو اسلقيها نص سلقة

>>>>> ردود الأعضـــــــــــــــــــاء على الموضوع <<<<<
==================================


لو كان مفكك الرز بيكون احسن برايي
بس مجهود راائع
يعطيك الف عافية


__________________________________________________ __________

يعطيك العافيه


__________________________________________________ __________

تسلمو ياقمرات ع ردودكم الجميلة
وفى انتظار تطبيقاتكم
وتحت امركم فى اى استفسار
على العام وعلى الخاص


__________________________________________________ __________

الف شكر حبيبتي علوصفة الحلوة ربنا يجزيك بكل خير


__________________________________________________ __________