عنوان الموضوع : 😂😷زيـت حششيش 😂😷 -للتسلية
مقدم من طرف منتديات نساء الجزائر

😂😷زيـت حششيش 😂😷




هـذي سالفة قريتهآ فطستني ضحك وحبيت اشارككـم ياهآ


يوم كنت بالمتوسط عندي 3 خالات خالات كانت اعمارهم بين 18-22 سنه
الزبده اننا مره من المراريت مجتمعين كلنا ونسولف على الشعر والزين ومدري وشو الا جت سالفة زيت الحشيش 😅.. طبعا وحده من خلاتي تقول انها شافت وحده من صديقاتها بعد فتره وان شعرها لافخاذها ويوم سألتها قالت من زيت الحشيش وان فيه وحده افغانيه كانت تجيبه والحين اختفت ومدري وشو
المهم انا قاعده اسمع السالفه وسااااااكته ومركزه بالموضوع وش زيت الحشيش ذا ؟؟ وشلون مخدرات يعني ؟؟ الزبده اهوجس الين سمعت خالتي تقول علبته الصغيره اللي كبر علبة العطر بألف ريال!! هه وش ذا!!! عاد ألف ريال هاك الفتره مبلغ محتررررم .. واللي فهمته ان خالاتي ميتين على الزيت ويبوووونه
عاد انا ذكيه وفطينه من يومي السالفه ما مرتني مرور الكرام 😺
.
واروح المدرسه وانا اهوووجس ياربي وشلوووون هالزيت ومعقوله نلقاه!! شلون نلقاه الا من مهرب مخدرات ولى احد مجرم 😂😂😂عاد وذيك الأيام كل جمعه فيه اعلان بالاخبار عن اللي يقصونهم 😥 تذكرون يا بنات يوم يقول المذيع ذاك الشمراني الله يذكره بالخير " قال تعالى:إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَادًا أَن يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُم مِّنْ خِلَافٍ أَوْ يُنفَوْا مِنَ الْأَرْضِ ۚ ذَٰلِكَ لَهُمْ خِزْيٌ فِي الدُّنْيَا ۖ وَلَهُمْ فِي الْآخِرَةِ عَذَابٌ عَظِيمٌ ...أقبل المدعو إقبال محمد خان على تهريب المخدرات وبيعها داخل المملكه وبتحويل القضيه للمحكمه العليا قرر مجلس التمييز والقضاء الأعلى بهيئته الدائمه على تنفيذ حكم القصاص في المدعو والمحكمه اذا تعلن ذلك حتى يعلم كل من تسول له نفسه أن الإخلال بأمن هذا البلد وتهريب المخدرات سيلقى جزاءه" قلت عندي لكم خبر بيخليكم تطيرون من الوناسه 👀
قالوا وش قوووولي قلت اسولف اليوم مع وحده صديقتي عن زيت الحشيش وتعلمني ان امها تجيبه 🙊😳💀
قالو هووو كيف ومن هي البنت وش يقالها قلت لا لا ما اقدر اعلمكم سر 🌚 تبون الزيت هي بتبيعه عليكم فيه علبه صغيره ب 500 ريال وعلبه كبيره ب 1000 قالوا تم قلت خلاص بكلمها الحين واقولها تجيبه بكره وانتو ولموا قروشكم قالو خلاص نبي الصغير .. وانا اقول بنفسي الحين ميتات من اول ونبيه ونبيه وبالأخير الصغير 😏
الليله عقب ماتعشينا والناس يشربون شاهي 🍀🍀 اروح المطبخ 💀 وافتح الثلاجه وعندنا جرجير وكراث وبقدونس وكل ابو ورقيات بالثلاجه واحط شوي شوي من كل شي بالخلاط حق الاكل حق اخوي الصغير 😂 واخلطططط من غير ماء وافتح الدولاب واحط عليه زيت جرجير وزيت نارجين 💃💃💃 واخلط
وبس واجيب مشخال نااعم واشخل الخليط بعلبة مربى ويطلع اخضر كنه علم بلادي 🍀😂
وريحته تصرع الطير من السماء قلت كييييفها
والله اقفل العلبه وانظف اثار الجريمه واحط العلبه برا بالمخزن عشان اذا رجعت بكره اعطيها خلاتي
وهذا اللي صار 😂 الله لا يعاقبني
والله ومن الصبح يقولون توقعين البنت تعطيك الزيت ؟ طيب لو احد شافكم بالمدرسه؟ طيب لو انكب؟ طيب انتبهي لا يشوفون البنات الثانيات ويعلمون عليكم 💀 حسيت اني مهربة مخدرات 😅😂
واجي من بكرا واجيب الزيت من الملحق وادخل اعطيه خالتي قلت شفتي وش رايك بس 💪
والله وتاخذه وتشمه 👃 وتقول اي والله شكله هو وتعطيه خالتي الثانيه وداااار عليهم كلهم يشمشمونه وداخلين جو .. وحده من خالاتي قالت جاني صداع مفاجيء من الحشيش 👽
المهم قلت شوفو يالله البنت بكره تبي 500 ريال ولموا قروشكم والله وتطلع خالتي خمسميه وتعطيني 😳
وانا في هاك اللحظه جاني شعور ان مستقبلي مهربة مخدرات 😂 وتقوم خالتي تدهن راسها بالزيت وتقول ان معها صداع والم 💆ولكن بتتحمل وتغسل شعرها عقب ساعتين وتطلع من الحمام تقول والله ان شعري تغير 😂😂😂 (جرجير وكراث يا ماما وش تبين بعد )🔫💥💥💥
.
وبس اخذت الخمسميه ويوم الخميس رحنا ملاهي الخيمه واستانست وصرفت منها زود على الخمسين حقتي 😺😸 وضاعت هاك الخمسميه مطاعم وملاهي ودلع واغراض 😋
.
وخالتي الى يومكم هذا لازلت مقتنعه انها جربت زيت الحشيش وجاب معها نتيجه 😂
وعقب كلهم قالو نبي قلت البنت ماعاد تكلمني <<< خفت من الذنب وخفت انكشف وقلت يا بنت اسلمي على عمرك لا تنقفطين 💀
.
السؤال المحير الحين أعلم خالتي بالحقيقه مع العلم انها ام عيال وعيالها كبري هاك الايام واخاف عليها من الصدمه 😂😂😂
واللى أخليها عايشه الدور كل ما شافت تاجره تبيع زيت الحشيش بالانستقرام تقول تذكرييييييين يوم تجيب لنا من ام خويتك ههههههههه..

>>>>> ردود الأعضـــــــــــــــــــاء على الموضوع <<<<<
==================================


ههههه بس والله انها مو قليلة هههههههه


__________________________________________________ __________

ههههههههههههههههه
لا خلاص بطني وش ذَا الأجرام
ههههههههههههههههههه


__________________________________________________ __________

ههههههههههههههههههه اخخخخخخخ بطني
كل هذا يطلع منها بس تدري انو الجرجير مفيد للشعر
يعني ما عملت الا خير فيهم
ههههههههههههه


__________________________________________________ __________

هههههههههههههههههههههههههههه فطست هههههههههههههههههه


__________________________________________________ __________