عنوان الموضوع : فترة الملكة الطبيب يجيب
مقدم من طرف منتديات نساء الجزائر

فترة الملكة



السلام عليكم ورحمة الله وبركاته
انا اهلي شيعة وانا تسننت قبل ما ارتبط
ولكني لمن ارتبطت تسننت بالمحكمة وهذا صار بموافقة امي وابوي
ولما سوينا العقد عطاني نص المهر وقال لي بكمله بعدين وعطاني طقم للزواج شكله ما يتعدى 2500 ريال ووافقت عليه
لكنهم بعد ما صار العقد بيني وبين الشخص حسيت اهلي متغيرين
وانا بهالفترة قلت لزوجي إني كنت متمللة وقعدت اقرا الكتب في بيت اهلي و شفت كتاب في بيت اهلي وهو كتاب غريب وفيه حروف مو مفهومة ومن الاشياء الي قرأتها مكتوب للمحبة وللتفرقة ولإنجاب صبي وإني وريته أمي بعدها ما لقيته بمكتبة البيت ولما سألت امي عنه تنكر وجوده أو تشبه كتاب ثاني فيه عشان تغطي عليه
، ولما قرأت بالكتاب تذكرت شي امي عطتني اياه من فترة لما كنت صغيرة هي ورقة ملصوقة داخلها شي مادري شنو هو قالت لي لبسيه عليك، لكني بعد ايام رجعته لها
وكان رده لي إن هذا كتاب سحر ونصحي امك بالطيب وقوليلها إن الله ما يتوب عن هالشي وحتى الاشياء الي اسمها روحانية هي سحر المشعوذين اخترعوها عشان يظللون الناس عنها والدليل على انهم سحرة لأنهم يطلبون اسم الام والاب
وانا طبعا نصحت امي بس حسيت وجهها متغير علي مع إني لما نصحتها ما قلت لها ساحرة ولا حتى كلمة سحر بالموضوع لكن كان ردها لي وهي معصبة:انا تقولين عني ساحرة؟
وامي طبعها كل شي تشكي لأبوي وبينت له إني غلطانة وقالت له هذا كتاب الدعاء إلي انت اشتريته لي
وصارو على طول يهاوشوني مع إني اتجنب الكلام معاهم لما شفت هذا تصرفهم
وتوني كنت بفترة ملكة وطردوني من بيتهم وقالولي ما نبي سنة في بيتنا
وطبعا مالي غير إن اروح مع زوجي مع إن للحين ما سوى لي الزواج وهم طردوني
ولما اخذني زوجي معاه على طول بيننا مشاكل وهواش حتى وانا متسننة يناديني مجوسية بنت مجوسيين وبنت المتعه وبنت الخ....
وطبعا هو دخل علي بهالفترة وقاعد لي ينكر إن دخل ويقول لي إنتي لعابة من قبل اصلا
وهو ما يتحمم بالشهر الا مرة وحدة وما يصلي
وانا ما اتحمل ريحته وابتعد عنه وهو ييي يجامع وانا ارفض
وعلى طول يقول لي ترى بيننا عقد ومو شرط نسوي زواج
وانا قلت له ما يعجبني إن ما اسوي زواج وافرح وانا عروس لكن بشرط احس بالراحة معاك بعدها افكر بالزواج
وهو نفس ماهو على طول يحلف بالقران ويرجع يسب ويرمي كلام وسخ
انا انقهرت لأن رغم تسنني هو شكله مو عاجبه والا شنو مادري
واخر شي قلت يمكن امه تسوي حل ولما شكيت لها قالت وهي تسولف قالت له اخوك شفته مرة وانا قاعدة عنده يشد زوجته من شعرها
وهو صار زيادة على السب يشدني من شعري
وعلى طول يبيع لي كل شي
حتى الذهب إلي اشتريته بفلوس المهر باعه لي وطقم الي عطاني باعه غصب عني مو برضاي وكان لما ببيعه يقول لي بعوضك عنه
بعدها قام ينكر إن قال بيعوضني وعلى طول مشاكل وسب
وانا قلت له خلاص ابي الطلاق
ولما رحنا المحكمة قاعد يطالبني بفلوس المهر والذهب وهو كل شي اخذه مني باعه
وانا قلت للقاضي موضوعي إن باع لي كل شي قال لي رجعي المهر وتحصلين الطلاق
وبعدها لما رجعنا قاعد يسب ويلعن ويقول لي اكلوك زق وما بتتوظفين بدون إذني ووريني كيف تحصلين الطلاق
واستمرت الايام معه على هالحال والسب وانا انفر منه لأنه ما يتحمم
وعلى طول يقول لي انتي ناشز وما تأدين شرع الله
ومليت من السؤ وقلت له انت حرامي قلت بتعوض وما عوضتني
بعدها عوضني عن الذهب الي باعه وكل مرة يفصخني او ياخذه غصب عني ويقول لي بييعه
وبعدها عطاني باقي المهر وانا رفضته وغصبني عليه ( وانا قلت دامي مو مرتاحة معاه وهذا شي حقي باخذه واشتري فيه ذهب ومعاي ارصدتهم لو يبي ارجع له ويطلقني بعدها)
وعلى طول هاذي حالته سب وياخذ مني ذهبي يهددني إن راح يبيعه
وأيام يجيني يقول لي أمي باعت حلقها عشاني ، انا رديت عليه انا مابيع شي لدرجه حتى الطلاق تطالبني وانت مبيع حقي
وعلى طول طبعا مشاكل
وحاليا في رمضان على طول يقرب عندي ويبطل صيامي
انا قرأت بالنت ان الضم مو زين برمضان وقلتله الصوم عن كل شي
يقول لي مو انا الي تعلميني
وامس كان غصب يبي يخليني تعبانه او دايخه وفطرني غصب وهو طلع فاطر وواصل جنس
يخرب علي صيامي شنو اسوي
وانا اكرهه من كثر السب وكل الي سواه فيني ومو راضي يطلقني يقول لي بعلقك لين تنتحرين
والموت اقرب لك

>>>>> ردود الأعضـــــــــــــــــــاء على الموضوع <<<<<
==================================


والله يا أختي مشكلتك صعبة
منبوذة من أهلك ومن زوجك؟
الله يفرج همك


__________________________________________________ __________

والله مشكلتك معقده وانا ما عندي علم بامور الشيعه والسنه
وتصرف أهلك معك طبيعي بسبب إنك صرتي سنيه
ويمكن مع الايام كانو راح يتقبلو بدون ما تصير صدامات بالعقيدة والدين
المشكلة الأكبر هي زوجك يلي صرتي سنيه عشانه وهو طلع مثال سيء للسنه للأسف
الحل الوحيد انك تطلقي قبل ما يصير في اولاد وتصير مشاكل أكثر
وادعي الله يعوضك واقرأي كتب عن عقيدة السنه واتعمقي فيها حتى يكون إيمانك أقوى وادعي الله يعوضك بواحد يكون مسلم سني متدين وترتاحين معاه وموضع اهلك يحتاج وقت وصبر

الله يكون بعونك


__________________________________________________ __________

ما ادري ليش احس انو زوجك مسحور روحو انتو الاثنين عند شيخ حتى لو طلع مافيكم شي بس يمكن يسمع القران يهدى


__________________________________________________ __________

انا رحت لشيخ من طرف المحكمة يقرأ علي لأنه على طول بعد يناديني مسحورة
وقال له الشيخ إن البنت مافيها شي


__________________________________________________ __________

شوفي ياآختي آنتي سويتي عين العقل لما دخلتي الدين الاسلامي الصحيح
لان مذهب الشيعي غير ومختلف عن دينا الاسلام صحيح يصلوا و..الخ
لكن كل عباداتهم باطله واغلبهم مخالفه وطبعا انتي ادرى بهل شيء والله
يثبتك يارب ويهدي اهلك ادعي لهم بهل شهر الفضيل ..زوجك هل هو سني
ولاشيعي وعلى اي اساس يدخل عليك قبل لاتسوا زواج كبير وهو شاف
بعد تعامل اهلك معك ومامعك احد لازم تصيري قوية وتتقوي وكثيري
دعاء واستغفار والله يفرجها عليك..