عنوان الموضوع : مشاركتي بمسابقة ((سفرتك الرمضانية))
مقدم من طرف منتديات نساء الجزائر

مشاركتي بمسابقة ((سفرتك الرمضانية))



السلام عليكم ورحمة الله وبركاته

حبيت شارك معكم بالمسابقة وانشالله تعجبكم ولا تنسو تدعولي


هذه سفرة الافطار كاملة





والان التفاصييييييييييييل


اول شي التمر


العصير وكنت عاملة تمر هندي شغل ايدي


قبل رمضان بحضره وبيكون جاهز طوال الشهر الفضيل
بجيب التمر هندي وبغليه مع ماء على النار وبعد ما يبرد اعصره بيدي واضيف ماء واكرر العملية حتى تنزل الماء صافية ثم اضيف السكر حسب الذوق وماء الورد وأعبيه بزجاجات واحفظها في الفريزر

الشوربة
شوربة ماجي خلاصة الدجاج وضفت عليها ذرة مسلوقة وبصل اخضر مفروم


مخلل وليمون



فتوش
خضار ( خس - خيار - طماطم - بصل ) افرمهم ثم اضيف ملح ونعنع يابس وسماق -خل - دبس رمان - زيت زيتون واخلطهم ثم الخبز المقلي على الوجه



محمرة
عبارة عن دبس فليفلة ودبس رمان وزيت زيتون وقليل بقسماط وملح وكمون



كبة مقلية



والطريقة هي:
نعمل عجينة : 600غ لحمة هبرة - اكلغ برغل مخلوط(ابيض واسمر) - 3بصل مفروم ناعم - ملح - فلفل - بهار - كمون - فليفلة حمرا ناشفة
ننقع البرغل بقليل من الماء ثم نديرهم بمكنة الكبة على الناعم ثم نضيف اللحمة والبصل والتوابل وندعكهم باليد ثم نديرهم بمكنة الكبة دورين لتصير مثل العجينة ثم نستخدمها او نضعها بأكياس نايلون بالفريزر لحين الاستعمال ( انا ما صورت هذه المراحل لأني بحضر العجينة قبل رمضان وبفرزها )

ثم نشكلها كرات ونحشيها بالحشوة ثم نقليها بالزيت الغزير



الحشوة : نقلي بصل مفروم ناعم ولحمة مفرومة ثم نضيف ملح - بهار - فلفل - قرفة - جوز مفروم


سندويشات مسخن
ماقدرت صور الطريقة لأني محضرتها من قبل ما اعرف بالمسابقة
بقليل من زيت الزيتون نقلي بصل جوانح حتى يذبل ثم نضف سماق ثم دجاج مسلوق ومنسل ونقلب جيدا ثم اضيف قليل من مرق سلق الدجاج واتركها على نار هادئة لتنشف ثم احضر الخبز وألفها ثم اضعها في سخانة السندويش ليتحمر



دجاج مع البطاطا والجزر والفطر بالاعشاب
وبتلاقوها على الرابط بس انا ضفت جزر وفطر
دجاج بالاعشاااااااااااااب على طريقتي



والحلو كان خشاف وكاسات كستر مع الجيليه وكاتو التفاح


الخشاف
باكيت قمرالدين - مشمش مجفف - تين مجفف - زبيب - لوز - جوز - فستق حلبي
نقطع قمر الدين الى قطع صغيرة ونضعها مع كل المواد في وعاء كبير واضيف حوالي 1 لتر ماء وكل ساعة احركها ويفضل عملها قبل تقديمها بيوم حتى يذوب القمرالدين جيدا ثم نضيف قليل ماء زهر ونقدمها

كاسات الكاسترد والجيليه
نعمل كاسترد عادي ونصبه في كاسات للنصف ونبردها
نعمل جيليه فراولة ونضع فيه فراولة مفرومة ونبرده قليلا بدون ان يجمد ثم نصبه بهدوء فوق الكاسترد ونبرده ثم نقدمه


كيك التفاح
سأنزل طريقته لاحقا وبالصور

وبس خلاص وصحة وعافية

يلا كل وحدة تدخل تكتب ردها
ولا تنسوني من دعواتكم

>>>>> ردود الأعضـــــــــــــــــــاء على الموضوع <<<<<
==================================


يا عيني يا عيني
هاد كله وانتي مو عارفه بالمسابقه من أول لو كنت تعرفي كان أبدعتي اكتر فوق ابداعك هاد
ما شاء الله عليكي
والتمر الهندي حلو انك بتعمليه في البيت بكون اضمن من انه تشتريه
يسلموا ايديكي وبتمنالك التوفيق


__________________________________________________ __________

سلم ايديكي حبيبتي

اطباقك شهية والله يعطيك العافية

تقبل الله منا ومنك صالح الاعمال

تمنياتي لك بالتوفيق ,,


__________________________________________________ __________

تسلم الايادي ياعسل


ما شاء الله رووووووووعة
رمضان كريم


__________________________________________________ __________

تسلم ايدك غاليتي وردة...

سفرة بتشهي...// انا كمان بعمل تمر هندي...مافي احسن منه بالشوب

حظ طيب ياعسل


__________________________________________________ __________

سفره دايمه
الله عليكى تسلم ايديكى