اهلي السبب -تم الاجابة
عنوان الموضوع : اهلي السبب -تم الاجابة
مقدم من طرف منتديات نساء الجزائر
اهلي السبب
بسم الله الرحمن الرحيم
السلام عليكم و رحمة الله و بركاته
انا مشكلتي بدأت و انا ثالث ثانوي يعني كان عمري 18 سنة
انا عندي اخوات اكبر مني يعني انا اخر العنقود الصغيرة كل اخوات متزوجات و اخر وحده من اخواتي اتزوجت و انا عمري 13 سنة يعني مراهقة.
كنت اتمنى اشوف نفسي زيهم عروسه و اخلف اطفال و يصير عندي عيله صغير يعني احلاااااااااااام فتياااااااااااات
و انا تاني ثانوي اتعرفت على واحد يصير اخو جارتنا بصراحه الولد محترم كانت علاقتي فيه مو تليفونات و زيي ده الكلااام لا ارسلي اخته عشان يشوف اذا فيه تجاوب او شعور متبادل كان يعجبني بصراحه كنا دايما انا و اهله و اخواته نخرج مع بعض و نروح و نجي يعني علاقتنا كانت مره قريبة
و على هذه الاساس صار فيه اعجابمن جهته و من جهته كلمني مره بالاصح انا بادرة اني اكلمه اتجرأت و سويتها كلمته و طلب مني الزواج
.
كنت مره فرحاااااانهلكن ما كنت متوقعه اهلي يرفضوه
بصراحه انصدمت من رد اهلي لاهله
مو بس ماما لا و بابا و اخواني و اخواتي كلهم رفضوه.
كان واعدني انجح و اتخر من الثانوي و على طول يتقدم و يخطبني من اهلي بنيت احلامي و اساست حياتي على هذا الاساس لكن لما اهلي رفضوه انصدمت ما صدقت كل احلاااااامي قداااااميرااااااااااحت , حاولت من هنا و من هناك مع ماما و مع اخواتي لكن مافي فايدة.
كلمني عشان يقنعني انه اهلي مو راضين و انه هو زعلان علشاني و انه اننا لازم انساااه عشان هو كمان يبغى يعيش حياته.
كانت اخر مكالمه بيني و بينه بعده و سنتين سمعت انه خطبه و اتزوج قلت قسمه و نصيب و الله مو رائداستسلمت للامر الواقع .
طبعا بعده كم مره و مره انخطبت من كم واحد لكن نوواي مستحيلكانه اهلي ما يبغوني اتزوج واحد ورا التاني و اهلي بيرفضوا .
طبعا بسبب الترتيبات الي كنت مرتبتها مع اخو جارتنا عشان الدراسه انه ما اجيب نسبة عشان ادخل القسم الي انا ابغاه انتساب عشان راح نسكن في قرية ما فيه كلية و يصير ادرس انتساب و ما اضيع عليا الفرصة و انه هو يساعدني .
بسبب كدا قعدت في البيت ثلاث سنوات من غير ولا شي لادراسة و لا عمل ولا اي شي
طبعا حاولت حتى قدرت على اهلي انه ادخل الجامعة و اكمل دراستي .
الجامعة آآآآآآآآآآه من الجامعة عالم تاني غير المدرسة و غير البيت و العالم الي انا عايشته كانت ماما لا تدخلنا ولا تخرجنا يعني البيت و التلفزيون و بيت جده هذه خرجتنا شفت ناس كتييير و اتعرفت على ناس كتييير انا بطبعي اجتماعيه احب الناس و اهلي حرموني من ده الشي دخلت على هذا المجتمع بقوة و انا جاهله كل الي فيه .
كل الي راح شي و الي جي شي تاني طبعا كل يوم و التاني انا انخطب و اهلي يرفضوا ليه و الله ما ادري يمكن بعد العمر ده كله شايفيني صغيرة
اتعرفت على بنات فيهم الطيب و فيهم البطال و كنت انا منجرفه لهم بشكل مو طبيعي طبعا ابغى اجرب كل شي ابغى اسوي كل شي .
المهم صارت لي مواقف كتييير في الجامعه و فهمت و وعيت على حاجات كتييييره اشياء كنت اتجنبها و اشياء كنت اجربه هذا الشي الي اكرهه في نفسي كل شي غريب و جديد احب اجربه بنفسي .
كانت في وحده من البنات بنت (ما تعرف ربنا) الله يهديها فهمت هذا الشي فيا و الاندفاع الي انا عايشه فيه و حاولت تستغل هذا الشي .
و انا بكل هباله مشيت معاها كانت خرجات من الجامعة مطاعم و مولات زيي كل البنات كان هذا الشي مرررره عادي بس في مره جات و قالت لي انا ابغى اخرج مع حبيبي و هي كانت دايما تحكينا عنه لكن ابغى وحده تروح معايا نتغذى انا و هي في المطعم و بعدين هو يجي و ياخدني قلت لها انا بروح معاك بس ما اجلس معاكم هو يجي ياخذك و انا ارجع مع السواق للجامعة قالت طيب.
و من ورايا اتفقت مع السواق ما يرجع لنا على اساس انا اروح معاها هي و حبيبها عشان صاحبه جيي معاه و ما يطفش يجلس معايا, طبعا انا اول ما عرفت كدا رفضت و جن جنوني
و اسالها فين السواق تقول مو راجع مشغول كلمته و قال مو راجع
طبعا صاحبه لحبيبها جاى يسوي معايا شهم يعني و قال خلاااااص انا اوصلك الجامعة
رفضت و بكل اصراااااار اركب معاه
و نزلت الشارع في الظهر و ادور على تكسي يوصلني الجامعة طبعا مافي بس نزلت ورايا و قالت لي خلااااااص بتصل على واحد مو سواق واحد انا اعرفه و اثق فيه مره اكلمه لك يوصلك للجامعه في هذا الوقت ماما كانت تتصل بي تبغى تجيني الجامعه تاخدني و كنت ميته خوف كلمتها تتاخر شويه عشان انا مضطره اتاخر في معمل الكمبيوتر في خلل بسيط و مضطرين نستنى قالت لي خلاااااص انا برا استناكي .
ماما قالت لي برا و انا خبلت مرا مو قادره استوعب ردت على البنت قلت لها خلاص خليه يجي انا استناها
وصل الولد و ركبت معاها جلس يتكلم معايا و انا مو معاها كان كل الي على لساني ابغى اوصل الجامعه بسرعه عشان ماما عند الباب الحمدلله وصلت الجامعه و انتهى الموقف على خير.
لكن الي ما انتهى ,,,,,,,,,,,,,,,,,,,,,,,,,
رجعت البنت تاني يوم لي و تكلمني كانه ماصار شي رفضت طبعا اكلمه او حتى ارد عليها قالت لي طيب بس هذا الرقم اذا اتصل عليكي رد عليه اصلي انا اعطيته لسامر رقمك .
مين سامر رديت عليها , قالت لي الي وصلك امس بالسياره يعني انا قلت لازم تشكريه على الي سوااااه معاكي .
طبعا حاول صحباتي بقناعي اني اشكره و بس .. لا اكثر ولا اقل .
فعلا اتصلت عليه و شكرته و اتاسفت من التصرف الي اتصرفته معاه .
و انا على بالي انتهى الموضوع على كدا لكن استمر سامر يتصل بي و يكلمني و انا كنت حاسبتها جميله عليا و اني مضطره ارد عليه
مره على مره الين صرت انا اتصل به و اكلمه و اكتشفت انه علاقته بهذه البنت مجرد شخص وقت ما تحتاج له في الضيق تلاقية
و مع الوقت سامر عرفني مين انا و كيف انا و فهم اهلي و تكوين و تركيبي فهم حياتي كلها من غير ما احكي و اتكلم حبيته و هو حبني,,
تخيلوا صار لنا 3 سنوات واحنا مع بعض..
قولوا ما شاء الله ......... و صلوا على النبي ........ عليه الصلاة و السلاااام
لكن هذه الثلاث سنوات مو بس تلفونات لا كأننا زوج و زوجته .....
يعني كل شي كان و لازال بيننا كزوجين و انا مره احبه و اموت فيه و ما ابغىى احد يقولي سيبيه لنه في هذا الموقف ما اقدر اسيبه .
و بالنسبة للزواااج هو واعدني باننا راح نتزوج بس فيه مشاكل مع اهله يعني اهله ما يرضوا يزوجه لوحده كان يعرفها حاول مره و اتنين و ثلاثه لكن بدون فايده .
و المصيبة الادهى و الامر ماما دحين فكرة تزوجني السنة هذه كل يوم و التاني جايبه ليا عريس شكل تبغاني اتزوجليش دحين ما ادري فينك من اول يا ماما
توك جايه تبغي تزوجيني توكم صحيته انه انا انسانه و نفسي اتزوج و اعيش حياه كريمة زيي زي غيري صحباتي كلهم اتزوجوا خلصت جامعة و جلست في البيت من تاني ايش اسوي ما ادري بدور على وظيفة عشااان انسى همي و اضيع وقتي .
طبعا سامر لما عرف بحكاية العرسان الي كل يوم و التاني اخواتي و اهلي جايبينهم ليا بيزعل و يعصب و يصرخ فيا
و بعد كدا يرجع يتاسف و يقول ما اتصور الي هي بتكون اغلى من روحي عليا بيزوجوها لواحد تاني
طبعا انا ما اعقدر اتزوج غيره مو عشان بس مسألة البكاره و بس
لا انا ما اقدر اتصور كل الي صار بيني و بينه انا باسويه مع واحد غيره مو قادره اتصور اعيش و اخلف مع انسان تاني غير سامر
كل ما ماما كلمتني عن الزواج و انه انا كبيرت , بعد 25 سنه توها تلاحظ انه انا كبيرت اجلس بيني و بين نفسي اقول توك توك يا ماما مره بدري فينك من زمااان فينك قبل سنتين بس لو قبلت سنتين كان ممكن اقدر اسيبه و اتزوج غيره لكن هذا الوقت مستحيل .
قلت لازم احد من اهلي يدري في الموضوع قلت اكلم مين مالي غير اختي الكبيرة هي العاقله و اكيد راح تحاول تحللي الموضوع
قلت لها على كل شي من البداية لنهاية لكنما ساعدتني بشي لا مسكتها عليا ذله كل شويا التانية تذلني فيها
لا و كمان راحت قالت لماما انه انا بكلم واحد وبس كان كملتي جميلك و قلتي لها كل شي لا طبعا ماما كدا اصرت على موضوع الزوج و انها لازم تزوجني
و انا طبعا امااااطل و ما ادري ايش الحل
رجااااءا لا احد يقول الي سويته حرااااااام انا عارفه المصيبة الي سويتها و مستعده انا و هو نصلحها لكن كل ما قلنا المور تتصلح بتتعقد من تاني
>>>>> ردود الأعضـــــــــــــــــــاء على الموضوع <<<<<
==================================
وش بنقول طالما انك عارفه انه حرام وماهو هامك
الله يهديك
__________________________________________________ __________
الله يهدييييييييييييييك وشلون كاانكم زوجين انتي مو خايفة ان اهلك
مراح يوافقو عليه وكمان اهلة يمكن مايوافقو ع الزواج خير شر
حبيبتي انا مراح الومك واقولك ليش تحبينة لا دام حب وفي الاخير زواج
الله يوفقك بس توصل لدرجة كل شي يصير بينكم كاانكم زوجين
والله حراااااااااااااااااااااام
شوفي دام انك بايعتها من اول واختك مو راضيه تساعدك تروووووووحي
الحين تقولي لاامك كل شي لان امك الي بتوقف معاكي مو احد ثاني
والله يستر عليك يارب
__________________________________________________ __________
المشاركة الأصلية كتبت بواسطة ام البدر 
وش بنقول طالما انك عارفه انه حرام وماهو هامك
الله يهديك
لا ياغلا اكيد هامني و كم مره حاولت انه ينتهي هذا الشي بس انا بخاف اجلس كدا طول عمري من غير زوج و حتى لو فيه امل اني اتزوجه باخاف افقد هذا الامل اذا انهيت الي بيننا
لا تحاولي تصعبي الامر
خليكي في محلي
اصلا انت كمان ما اعطيتيني حل دعيتي لي بالهداية كمان انا ابغاها و ربنا ان شاء الله بيهديني
صدقيني انا بنفسي ماكنت كدا كنت لما اسمع هذا الكلام استغرب و اقول اعوذ بالله احنا عربو مسلمين و يصير معنا كدا ايش خلينا للكفر الاجانب
لكن صدقيني هذا وضع من جد محير انا مو قادره اخذ فيه قرار عشان كدا ابغى احد يساعدني
__________________________________________________ __________
المشاركة الأصلية كتبت بواسطة منااوي
الله يهدييييييييييييييك وشلون كاانكم زوجين انتي مو خايفة ان اهلك
مراح يوافقو عليه وكمان اهلة يمكن مايوافقو ع الزواج خير شر
حبيبتي انا مراح الومك واقولك ليش تحبينة لا دام حب وفي الاخير زواج
الله يوفقك بس توصل لدرجة كل شي يصير بينكم كاانكم زوجين
والله حراااااااااااااااااااااام
شوفي دام انك بايعتها من اول واختك مو راضيه تساعدك تروووووووحي
الحين تقولي لاامك كل شي لان امك الي بتوقف معاكي مو احد ثاني
والله يستر عليك يارب
مو هذه هي مشكلتي اهله مو راضين يقولوا له وحده تعرفها قبل الزوااااااج لا
لكن اهلي ما ادري ممكن بيرضوا و ممكن لا
تاني شي انا مو بايعتها لكن اهم شي عندي كابنت رااااح و انا دحين باحاول اداااري على مصيبتي و مو قادره
و اخر شي ماما لا ماما ماراح تستحمل لو قلتلها راح تروح فيها و اكون انا السبب
و ما ابغى ثقة ماما تهتز فيا مره تانيه ابدا
__________________________________________________ __________
شوفي اختي مادام مافيه امل انكم تتزوجون انتي وسامر روحي عند الطبيب ويعملك عملية ترقيع بكارة
في كثير مثل قصتك عملو عملية ترقيع وتزوجو ولكن صار شي هذا من رايي انك تسوين عملية والعملية ماتكلف
رد مع اقتباس
