عنوان الموضوع : قصيده عراقيه اهداء لكل العراقيات الي بالمنتدى فكاهة
مقدم من طرف منتديات نساء الجزائر

قصيده عراقيه اهداء لكل العراقيات الي بالمنتدى



اصيرن شمعة وضويلك

بعد شتريد اسويلك

ابوك أبشوش* واشويلك

نسيت شچنت اطبخلك وشچنت آنة احشيلك
آنة اللي چنت البخلك ومن كل الالوان اخليلك

وبالصالون اذب آلاف حتى بتسريحة حلوة اجيلك


اثاري الطبخ واللبخ ميفيد شسويلك بعد يمعود دخيلك

ابن الاوادم نسيت شچنت اسويلك
من جنت تعطش وينكطع بوري الماي اگل لعيوني تبچيلك


واشربك من دموع العين ماي عذب يصفيلك
وك نسيت شچنت اسويلك
من چنت تتگلب وماتنام الليل آني اسهر وألوليلك*
والظهرية من تطفي الكهرباء أني اعرگ واهفيلك*
واذا بليلة مسج دزيت
ألم فلوس الكارت واعبيلك
ومن چنت تزعل علي جيش مشاية اوديلك
نسيت شجنت اسويلك
من اجيتني بطرگ دكان تبيع بي مصاصك ومساقيلك*
گلت رجلي وراعي بيتي
واجب علي لو ينكسر ظهري اشيلك

وحتى افتحلك محل بي خير ابيع بذهبي وابنيلك
وما كفت فلوس الذهب رحت تداينت وما جيت بيوم اشكيلك
وتسالني شجنت اسويلك !!!!!
ومن صارت عندك فليسات
صرت آني وجهالي كلشي مانعنيلك

ومن اطلع اشتري خضورات تغافلني وتروح تلعب بذيلك

رصيدك خلص من المسجات يوم سمسم يوم نمنم تقشمرهن بمراسيلك
وبكل ليلة تجي سكران وريحة نسائية تعط من مناديلك


واليوم....اجيت إلي ندمان تطلب سماحي وتتوسل اجيلك

تقشمرني بكلمة احبچ
من حبتك حية بعد ما يعبر علي فيلك*

شحسبالك احنة بالمكسيك؟
لو انتة بمدبلج وتتفنن بتمثيلك

ما ارجع الك لو حتى تبني قصور روح بعيد انتة وكفشتك* وتواسيلك
تگلي بحقچ چنت آنه غلطان
من گبر اللي لفك ووجعة التشيلك
وانشالله التاج محل رحلتي تكون
وانت لأبو غريب يصير ترحيلك
وحق ذهباتي البعتهن
مول لفتح يم محلك واشرد كل معاميلك
وحق شيباتي اللي من القهر طلعن
لاصير اصالة بت نصري واغنيلك
اسفة شوفلك غيري تكنسلك وتطبخلك وتكويلك
وتسويلك ولو ذرة من الچنت آنة اسويلك

*بشوش : ومفردها بشّة وهي البطة او الوزة
*الوليلك:وهي عملية الغناء للطفل حتى ينچب وينام
*اهفيلك:كلمة قديمة ولم يعد لها استعمال بسبب توفر الكهرباء
*مساقيلك: ومفردها مسقولة وهو ماكنتوش عراقي
*فيلك : وهو الفيل , كائن يطير عندما يبدأ الانسان بالكذب
*كفشتك : وهي تسريحة غير قانونية يعني فاول

للامانه منقوووووووووووول من كل كلبي

>>>>> ردود الأعضـــــــــــــــــــاء على الموضوع <<<<<
==================================


مشكورة اختي ..

على الموضوع (المميز)


تقبلي مروري


اختك:
ميمي*


__________________________________________________ __________

ههههههههههاي والله حلوة يا مريم

شكرا

وين يلكه مثلنه احنه


__________________________________________________ __________

تسلمين حبيبتي مريم البغدادي

يا بنت بلدي الحر

صح لسانج وعاشت ايدج

يعطيج العافيه يا رب

هههههههههههههههههه هههههههههههههههه


__________________________________________________ __________

هههههههههههههههههههههههههههه
ابوك ابشوش واشويلك ياحلاتك ياعراقية
وربي عسل بجد لهجة احبها مووووووت
ابشوش يعني بط
خخخخخخخخخخخخخخخخخخخخخخخخ
يقطع ابليسك تحياتي


__________________________________________________ __________

صح اللسانج حبيبتي
فديت قلبج