عنوان الموضوع : مو قادرة انسى طليقي -تم الاجابة
مقدم من طرف منتديات نساء الجزائر

مو قادرة انسى طليقي



السلام عليكم
مدري من وين ابدى لكن
انا عمري 25 تزوجت قبل سنة تقريبا
صارت مشكله بيني وبين زوجي وطلقتي على طلبي
احس اني تسرعت بطلب الطلاق لكنه كان يكلم بنات !! والله قهر وخيانة
بعدها اشتقت له حيل وبديت اراقبه واتس بعدها طحت بحسابه بالانستقرام وانصدمت منزل صوره ومتكشخ ويرد على البنات ويتغزل بحسابتهم ويليك صورهم ويردون على صوره ( نايس ' جميل الخ...) غير كذا ينزل خواطر كانه يقصدني فيها وشوفي يافلانه ( انت اللي اخترت البعد الخ...) المهم انا انهبلت خاصه اني احبه حيل 💔😭 وصرت اروح لحسابات البنات وارسلهم دايركت واسبهم والعنهم بعدين جاني اخوي وكلمني وهو معصب جدا شوي ويضربني قالي خليه مالك شغل فيه وكلام طويل عريض محاضره وعرفت من اخوي انه قايله خليها توخر عني هالمريضه ! كذا مرسله ؟ انا مريضه ؟! الله يالدنيا ' حاولت اني انساه ومافكر فيه ومادخل حسابه بالانستقرام ولا شيء بس ماش مو قادرة اتحمل ابيه يرجع💔😭

اخاف اني اكلمه واتسامح يذلني او يكلم اخوي مره ثانيه 💔
والله مشتاقه له حيل 💔 لكن خايفه وابي طريقه ترجعنا مو عارفه شلون 💔

>>>>> ردود الأعضـــــــــــــــــــاء على الموضوع <<<<<
==================================


البسي الاشياء الي يحبها وسوي مكياج واكشخى وخليه يشوفك والله راح يحن لحاله


__________________________________________________ __________

المشاركة الأصلية كتبت بواسطة حلوة وانيقة
البسي الاشياء الي يحبها وسوي مكياج واكشخى وخليه يشوفك والله راح يحن لحاله

وش تلبس الله يهديج وهي طليقته!!!!
يعني ما تحرم له
اختي الغالي
دام انه قال لج وحدة مريضة وش تبين فيه
الي باعج بيعيه ودوسي على قلبج
شوفي حتى لو رجعتي له ما راح يتعدل لأن ذيل كلب عمره ما ينعدل
واسئل الله أن يرزقك بزوج صالح


__________________________________________________ __________

الله يكون بعونك
أقري سورة الشرح 92 مره بنية يرجع
كل بعد عشر مرات من القراءة قولي
يارب ببركة هذا السورة الكريمه أو الايه وبحق مافيها من السر والأسرار
والنور والأنوار وبحق سيدنا محمد أن تعطف وتؤلف وتلين قلب وعقل وروح فلان ابن فلانه لقلبي وروحي
كما لينت الحديد لداود عليه السلام. .
وتصلي عالرسول7مرات وهكذا إلى أن تنتهي من ال92 .
.
إن شاءالله تكوني فهمتي


__________________________________________________ __________

. حبيبتي اعرضي عليه الرجوع ابعثيلو شخص موثوق ويحفظ الأسرار دامك متاكدة انك تسرّعتي ولساتك تُحبيه واكيد ما خسرتي شيء من المحاولة ويمكن يحن لعشرتك ويرجعك ب


__________________________________________________ __________

المشاركة الأصلية كتبت بواسطة ~Romantic~
وش تلبس الله يهديج وهي طليقته!!!!
يعني ما تحرم له
اختي الغالي
دام انه قال لج وحدة مريضة وش تبين فيه
الي باعج بيعيه ودوسي على قلبج
شوفي حتى لو رجعتي له ما راح يتعدل لأن ذيل كلب عمره ما ينعدل
واسئل الله أن يرزقك بزوج صالح