السلام عليكم ورحمة الله وبركاته
حبيت أفيدكم حبيباتي وأشارككم تجربة ولادتي مع الدكتور أنس محمد المرزوقي.
أولا نبذة بسيطة جدا عن الدكتور,, استشاري النساء والتوليد بمستشفى الأطباء المتحدون,, ورئيس قسم النساء والولادة بمستشفى جامعة الملك عبدالعزيز,, وكمان النقطه اللي تهم الكثير من النساء خبرة في عمليات التجميل اللي تخص الولاده طبعا ,,
وبالنسبة لرحلة متابعة الحمل مع الدكتور بدأت اراجع معاه من شهري الثاني ووالله ماأبالغ في كلامي من أهم الامور اللي لاحظظتها وكانت سبب في استمراري معاه حرييص جدا على سلامة الحامل وصحتها انا كان عندي سكر حمل وشااايله همه وكان الدكتور يتابع التحاليل أول بأول عكس حملي الاول مع دكتوره الله يسامحها بهدلتني وخلت السكر يلعب فيني لعب,,
وماشاء الله على الدكتور أنس إنسان في قمة الاحترام ومريح في التعامل وباله طويل ويجاوبك على كل استفساراتك ,, ونجي للنقطه الأهم وقت الولاده يكون الدكتور حاضر وهو اللي يولد بنفسه والدليل على حرصه يكون متواصل مع زوجي على الجوال وكان زوجي لو اتصل في اي وقت يجاوب عكس الدكاتره الثانين تتابعي معاهم طول تسعه شهور وفي الاخير تولدك اخصائيه مناوبه في المستشفى
انا كانت ولادتي قيصري في الحملتين ولو اقارن بينهم والله العظيم الفرق زي السما والارض في الاولى تعبت جدا وكانت الام الخياطه تقققققتل وبا الاخص بعد مافك البنج يالطيف وحتى حركتي ومشيتي كانت مره بصعوبه,,
اما ولادتي الثانيه مع الدكتور أنس الله يعطيه العافيه ماشاء الله تبارك الله قمت امشي بعد العمليه بست ساعات تقريبا او خمسه وكنت مرتاحه وقدرت اوقف ماشاء الله وامشي وحتى سبحان الله الخياطه كانت مرتاحه بصراحه كان فيه فرق للأفضل طبعا وهذا دليل طبعا على نجاح العمليه ولله الحمد ودليل على مدى تمكن الدكتور وامتيازه ,, ويارب لك الحمد ماعانيت في الخياطه وكانت نظيفه ولانزل منها دم او اي شي يخوفني والخياطه تجميليه بالليزر ولا كأنه انفتحت المنطقه ,,
جزاه الله الف خير والله يباركله في عمله وبيته واولده لانه انسان يستحق الشكر والثناء من بعد الله عز وجل,,
وأنا حبيت افيد كل حامل محتاره مثل ماكنت في حيره من امري وربي سخرلي الدكتور أنس المرزوقي ,,
وفي الاخير الله يكتب لكل حامل الساعه الطيبه وتقوم بصحه وعافيه ويقر عينها بمولودها .واي استفسار انا حاضره حبيباتي ,,
الدكتور أنس المرزوقي وولادتي ... -الجمل و الولادة
رد مع اقتباس
