عنوان الموضوع : مين سبق وحملت بأجنة مجمدة ؟ أو سمعت حدا زبطت معه مع الجواب
مقدم من طرف منتديات نساء الجزائر

مين سبق وحملت بأجنة مجمدة ؟ أو سمعت حدا زبطت معه



اسعد الله أوقاتكن جميعا ... وبارك فيكن جميعا
اسأل الله ان يرزق كل محرومة وكل مشتهية الحمل والأولاد ..قريبا يارب

مين منكن عملت عملية زراعة أطفال أنابيب من أجنة مجمدة و نجحت معها ؟
او سمعت عن حدا عملها ونجحت ؟؟؟
انا عم فكر فيها

...بس محتارة كل طبيب بقول نسبة نجاحها شكل واكيد اللي جربت اكبر دليل و اهم من توقعات الاطباء
بدي ارائكم ... حبيباتي

>>>>> ردود الأعضـــــــــــــــــــاء على الموضوع <<<<<
==================================


ايه يالغاليه انا سامعه كذا وحدة نجحت معاها بأجنة مجمدة . تصوري الاجنة الطازجة ما نجحت و المجمدة نجحت معاها ! انا قريت هالقصة في احد المنتديات من قبل . توكلي على ربي هو الوهاب و هو على كل شيء قدير .
انا عملت من 3 سنين اطفال انابيب بس ما نجحت . الله يكتبلي هالتلقيح الاصطناعي يااااااااااارب .


__________________________________________________ __________

تسلمي يا رب
ان شالله ينجح التلقيح معك ...
رح شوف اول شي بدي ضل حاول بلكي تزبط طبيعي بعدين بشوف ع الصيف ان شالله
لك ما في احلى من الطبيعي ... انا حملت عدة مرات طبيعي بس اخر مرة انانبيب ... عفت حالي بحمل الأنابيب كلشي فيه فوق العادة ههههه
يمكن لان انا حالتي هيك الحمد لله ع كلشي
طيب انتي يا زوجة لما عملتي الزراعة الأنابيب بعد ما فشلت ما بحث الدكتور سبب الفشل مشان يتداركها في المرات الجاية ؟؟؟
اكيد في سبب ..
الله يفرح قلبك يا رب و يصير عندك احلى ببو


__________________________________________________ __________

اييييييييييه يا فسحة جيتي عالجرح تمااااااما شو احكي و شو اخلي .
انا لما عملتها كل شي كان فوق الممتاز بشهادة الاطباء حتى الاجنة كلهمممممم من الدرجة الاولى ماشاءالله . و زرعولي 3 و الطبيبة قالت لي انت كل امورك تمام ميه ميه يعني اكييييد باذن الله نسبة الحمل كبيرة . خرجت من العياده و رحت للبيت نمت و زوجي المسكين طبخلي سمك و بيض اكلتهم و استعديت للراحه زي ما وصتني الطبيبة . بعدها بشوي رن جرس البيت . مين اجا ؟ تصوري جاتني اخت زوجي هي و زوجها و قال ايه جايين يتفسحو عندنا . لاني انا ساكنة في منطقة غير منطقتهم . و انا ماااااا قلت لبشر اني راح اعمل هالانابيب خليتها سر بيني و بين زوجي و فقططططط. و لذلك اضطريت انهض و استقبلهم و راحت عليا في المشمش . كنت اطبخ و دموعي على خدي من الحسرة . حملت الثقيل و مسحت الارض و على طول واقفة مع الضيوف . بكيت و بكيت خاصة ان زوجي لم يقف الى جانبي في ذلك الموقف . و بعد 15 يوم عملت تحليل لقيت حمل بس ضعيف يعني اتوقف في بدايته و نسبة الحمل كانت 26 . قالتلي الطبيبة استني يومين ممكن تطلع النسبة بس ما طلعت و انتهى كلش .
هالمرة حلفت لزوجي و قلت له لو يتكرر موقف زي هاذ احمل ملابسي فحقيبة و اروح بيتنا و ما يهمني اي شي . هو خاف من التجربة الاولى و قالي اطمني ولا احد راح ييجي هالفترة . و الحمد لله على كل حال .
حبيبتي كمان انا اعتبر من اسباب الفشل انني ما كنت متمسكة بربي زي هلأ . من قبل كنت معتمدة عالطب اكثر بس هلأ اعتمادي كاه على ربنا وحده . و هذا هو الفرق بين العملية الاولى و هذه .


__________________________________________________ __________

فسحة ضروووووري تشوفي ردي عليك في موضوع المسنجر . المثبت في قسم الحمل و الولادة انا سالتك كذا سؤال ارجو تجيبيني . بس قوليلي انت من قبل عملتي تلقيح اصطناعي ام اطفال انابيب ؟؟؟؟؟


__________________________________________________ __________

والله زعلتيني عليكي يا زوجة ....
عنجد معك شي بطقق
بس انتي الحق عليكي بصراحة الواحد مصلحته فوق كلشي ... خاصة الواحد بحط اللي فوقه واللي تحته ع العملية و اكيد اخت جوزك لو عرفت رح تتغير كل الموازين اما انها تروح وتتركك او تشتغل في البيت عنك وتخليكي ترتاحي الا اذا كانت ثقيلة دم وضلت وقتها الواحد بدو يكون عينو قوية ويحكي مباشر انك لازم ترتاحي وهي تصطفل تبلش بجوزها و أولادها ...

الله يعينك بعد التعب هاد بعد ما وصلت اللقمة ل تم متل ما بقولوا يصير هيك ... سبحان الله مع انوحمل وصار بس ضعيف
...
تعرفي زوجة ... بالنهاية خلي اتكالك ع الله هو رح يرزقك ان شالله ..
انا كمان كان الزراعة سرية ع الكل بس بعدين بعد الولادة انكشفت الموضوع بعض المقربين ... يلا المهم الواحد يوصل لحلمه

لو تعرفي شو صار فيني وقت عملت العملية كنتي قلتي شلون علقوا معها هي الأجنة هههه
صار معي مغامرات .... من اول يوم حتى اخر يوم ب الحمل كلشي كان غريب و فوق العادة حتى النفاس ... صار معي زلال و منعوني عن البيض واللحمة والحليب ...مع اني عاملة قيصرية
لكان في ولادة بلا لحمة وبيض شلون صارت هي هههههه ...
ابتسمي يا قلبي ... و قولي يا رب ....
انا وقت ولدت ما كان في أمل يعيشوا الاولاد بس ربنا كذب توقعات الاطباء وعاشوا الحمد لله
ربي لا يحرمك ويكرمك قريبا ياااارب