يمكن صارلك -تم الرد

[aksachli]

عنوان الموضوع : يمكن صارلك -تم الرد
مقدم من طرف منتديات نساء الجزائر

يمكن صارلك





السلام عليكم ورحمة الله وبركاته


اليوم بقول لكم قصة وحدة من البنات
بس هذي القصه انا متأكده انها حاصله في كل بيت فيه بنت في سن الزواج
و اخوانا الشباب ما حسو لا فينا ولا في خواتهم
و كل ام حاسه ببناتها بس احساسهم مايغير شي بالموضوع
مابي أطول عليكم بدخل بالقصه على طول
ام عبير اتصلت عليها حرمه تخطب لولدها خالد
و تمدح فيه و تمجده كأنه أحسن ولد في العالم
وتسئل عن عبير تقول :
والله يا ام عبير يقولون بنتك عبير حلوه صدق؟؟
ام عبير ترد :الحمدالله بنتي جميله و مايعيبها شي
ام خالد : عساها طويله ؟ عساها بيضاء؟ شعرها ناعم ؟
كيف جسمها
بالله وصفيها لي
ام عبير تحاول تجامل وتمسك اعصابها
ام خالد : ها يا ام عبير متى يناسبكم نجي نشوف البنت !!
ام عبير: والله يا ام خالد عبير تفضل ان الولد يجي وبعد مانسئل عنه هو يشوفها
ام خالد : وشوووووووو من جدك اصلا البنت مالها راي الشور شور اهلها وانا لازم اشوف الي ولدي بياخذها يناسبكم باتسر؟؟
ام عبير برد لك بكرا
تنتهي المكالمه وتنادي الأم بنتها وتقولها ها وش رايك موافقه
عبير : على ايش؟
الأم :على الولد
عبير : لا شفته ولا عرفت عنه شي وشلون اوافق
الأم :خلاص بواعد اهله وشوفيهم
عبير : وش ابي بأهله باخذه هو ولا اهله
و بعدين فكينا من سالفة الأهل احنا اتفقنا اي موضوع يكون بينا وبين الولد على طول
انا ماابي اعرض نفسي على الحريم انا انسانه مو ناقه مميزه جايين يشترون و البيع ل أعلى سوم
كم مره دخلت على حرمه و حرمه يجووون ساحبين خواتهم و بناتهم وقهوه وشاهي و معجنات وحلا وكركره والفرجه بلاش
وبعدها يروحون ولا نعرف ردهم
خلاص انا مليت انا انسانه عندي كرامه و مشاعر و احاسيس مابي هذا الوضع يمه خلاص
الأم مصر على انهم يجوون وش تسوي تبي الستر لبنتها !!
عبير تستسلم زي العاده
بعد ماقالت لها امها جهزي لبسك مانبي لا بنطلون زي اول مره يمكن كان هو السبب
ولا تنوره قصيره زي ثاني مره
و شعرك لاتخلينه كيرلي هذولي يحبون الناعم
و دهني بفكس خلي لونك يفتح تراهم يحبون البياض !!!
عبير جوابها !!لاتعليق
تاخذ عبير جوالها وتكلم صاحبتها ساره
و تطلب منها لبس يناسب اصحاب المعالي لأن ملابسها ماتتوافق مع المقاييس العالميه للأم السعوديه
و يعلنون حالة استنفار في البيت لأستقبال الضيوف الموعودين
الأطفال يرسلونهم لخوالهم و صياني الحلا و الموالح تتجهز و البخور يتولع
و يجون الضيوف و تستقبلهم الأم
طبعا ام الولد و توابعها اختها بنتها بنت خالتها اللي يجي
ماهي الفرجه بلاش
بعد السوالف و القهاوي
تدخل عبير
و العيون تراقب
داخله وهي كأنها تقول شوفوني عساني عاجبتكم
عساني مطابقه للمواصفات و المقاييس !!
تطلع و يطلعون وراها

من ذلك منزل الذي احتفاء بهم وكرمهم وعرض لهم سلعه من سلعه والابن ينتظر هاه عساهم جازتلكم
(( و ((اه بس يامخفه لو بتشتري سياره انت اول من يحددها
يمر يوم يومين ثلاث اربع ولاحولك احد
محد دق ولاحد اتصل وبنت تقول خلاص ميئوس منهم
وتمر الاشهر والبحث جاري مابين بيوت خلق الله مافيه بيت ماطقوه ولافيه عائله ماشوفوا منها
والابن في انتظار
و البحث جاري و المشاعر مالها حساب عندهم
البنت تبدا توسوس وش فيني
انا شينه؟
طيب الكل يقول عني حلوه؟
ياربيه
معقوله اعنس؟
معقوله محد يبيني!!
طيب ليه ما ردو !!
ويبقى السبب مجهول
و عبير خاطرها مكسور
مين يواسيها !!
امها الي ضايق صدرها اكثر منها على كسرة خاطر بنتها ولا الخطيب المجهول !!الي يمكن حتى هو مايدري ان اهله جايين يشوفون له
طبعا محد رح يواسيها
صديقاتها مثلها ماهما سعوديات بعد و النظام ماشي عليهم
يعني لا تشكيلي واشكيلك ولا تبكيلي و ابكيلك
ولا صاحبتها اللبنانيه عشان تضحك عليها و تقولها لك شو هالتخلف
..............
يا ناس حرام عليكم
الله و رسوله ما قالو كذا
ليه أجازو النظره الشرعيه لأن الولد نظرته غير عن امه
مره حريم رايحين يشوفون وحده لولدهم و والولد هو الي موديهم
لمى شافه الأبو عند الباب سلم عليه و دخله
واعجب بأسلوبه
وقاله بنادي لك بنتي
و شافها وشافته
طلعو اهله من بيت البنت وهم يقولون
البنت ما تصلح شينه
الولد قال الا تصلح و انا شفتها و اعجبتني
و تزوجو و انسترو
ياناس احنا اسئلو عنا وبتجيكم مواصفاتنا
بعدين يجي هو وشووله تجون
انا باخذكم واالا باخذ ولدكم
ياعالم متى تحسون بهالوضع تراه جدا مزري ومدمر نفسيا وغير لائق اخلاقيا
ياناس حسووووا
ليش مانعالج هاالمشكله
لو كل بنت ترفض ان الأهل يجون و تشرط ان الولد بس الي يشوفها رح يتغير الوضع
التعارف بين الأهل يتم ان شاءالله اذا تمت موافقة البنت و الولد وشافو بعض
كل وحده لازم تفكر في غيرها اخوك اذا جاء يخطب حاولي تفتحين مخ اهلك
الي يبغاك يجي يشوفك هذا الجاد والي شاريك وشاري اخلاقك ونسبك
واذا شافك ولد كملت وصارت لمظهرك ولو ماصار شئ فخلاص القرار صدر من صاحب الشان مو من 3 الوكلاء الي يجون
وانت ياعريس الغفله ليه ما تقرر بنفسك كم وحده ووحده راحت عليك وكان ممكن تسعدك و تسعدها و تعجبك و تعجبها بس ذوق خالتك ولا امك ما كان نفس ذوقك
انت الي بتتزوج ولا اهل البيت !!
ماخذين السالفه تمشي وسعة صدر وطلطله على بيوت وبنات الناس
حسبي الله ونعم الوكيل على كل وحده ما تفكر بشعور البنت الي خاطبتها
حسبي الله على كل من تسول له نفسه العبث بنفسيات و مشاعر الفتيات المسلمات
الموضوع منقوووووووووووول بصراحة كانها قالت الي بداخلي

السلام عليكم ورحمة الله وبركاته


من جد شي يحز بالخاطر ودايما نحط ببالنا اليوم انسات بكرة القريب ان شالله امهات فابنت الناس بنتي والي ما ارضاه لبنتي كمان لبنت الناس لا
ربنا يرزق انساتنا الكريمات الازواج الي يرضى عنهم ربنا والدرية الصالحة والحياة الكريمة في الدارين ربنا اتنا في الدنيا حسنة وفي الاخره حسنة وقنا من عدابك
امييييييييييييييييييييييييييييييييين

>>>>> ردود الأعضـــــــــــــــــــاء على الموضوع <<<<<
==================================

هلا حبيبتي
بصراحه كلامك كله ذهــــب لان هذا الجد هذا اللي صاير اللحين
اهم شي تعجب الاهل كأن الاهل هم اللي بتزوجون
وبصراحه احس اهانه للبنت وكأنها قطعة قماش بس يشوفونها اذا عجبتهم بياخذونها واذا شافو في عيب واحد لو خشمها بس فيه كسر خفيف قالو لا شينه اووووف وربي بتتعبين مع هالاشكال

انا من رايي ان الولد هو يختار من يبي بنته اذا كان يعرفها من وهي صغيره او شافها بالغلط او سامع عن اخلاقها يشوفها واذا عجبته الله يوفقهم واذا ماعجبته بعد الله يوفق كل واحد مع شخص ثاني
واذا ماكان يعرف بنات ابد يتدخلون الاهل بس بعقل مو لازم وحده كامله المواصفات لازم تكون بيضاء وطويله وشعرها ناعم



وابشرك موضات هالايام يطلبون البنت انها تدخل على الولد وهي بدون لا كريم اساس ولا حتى كحل بالعين وشعرها مو مستشور عشان يشوفها على الطبيعه ... وربي ناس متخلفه اصلا من طبايع البنت ماتحب احد يشوفها وهي مثلا مو حاطه مكياج خفيف ولا شعرها منفوش لازم انها بتترتب وتبرز جمالها

مشكوره حبيبتي على موضوعك بصراحه موضوع يناقش حياتنا واللي صاير اليوم يعطيك الف عافيه

__________________________________________________ __________

المشاركة الأصلية كتبت بواسطة احساس ثاني هلا حبيبتي بصراحه كلامك كله ذهــــب لان هذا الجد هذا اللي صاير اللحين اهم شي تعجب الاهل كأن الاهل هم اللي بتزوجون وبصراحه احس اهانه للبنت وكأنها قطعة قماش بس يشوفونها اذا عجبتهم بياخذونها واذا شافو في عيب واحد لو خشمها بس فيه كسر خفيف قالو لا شينه اووووف وربي بتتعبين مع هالاشكال انا من رايي ان الولد هو يختار من يبي بنته اذا كان يعرفها من وهي صغيره او شافها بالغلط او سامع عن اخلاقها يشوفها واذا عجبته الله يوفقهم واذا ماعجبته بعد الله يوفق كل واحد مع شخص ثاني واذا ماكان يعرف بنات ابد يتدخلون الاهل بس بعقل مو لازم وحده كامله المواصفات لازم تكون بيضاء وطويله وشعرها ناعم وابشرك موضات هالايام يطلبون البنت انها تدخل على الولد وهي بدون لا كريم اساس ولا حتى كحل بالعين وشعرها مو مستشور عشان يشوفها على الطبيعه ... وربي ناس متخلفه اصلا من طبايع البنت ماتحب احد يشوفها وهي مثلا مو حاطه مكياج خفيف ولا شعرها منفوش لازم انها بتترتب وتبرز جمالها مشكوره حبيبتي على موضوعك بصراحه موضوع يناقش حياتنا واللي صاير اليوم يعطيك الف عافيه

والله برتي خاطري هدا الي ودي اقوله
الله يسعدك ويعطيك اكتر نم الي ترجينه
كلامك بالمررررررررررررررة اسعدني
الله لا يبلانا بمثل هالاوادم
اميييييييييين

__________________________________________________ __________

كلامك صح الصح ودى الحقيقه مشكوره حبيبتى على المجهود الرائع

__________________________________________________ __________

المشاركة الأصلية كتبت بواسطة انثى المطر كلامك صح الصح ودى الحقيقه مشكوره حبيبتى على المجهود الرائع

الله يسعدك للاسف الي غالبا صاير

__________________________________________________ __________

يعطيك الف عافيه ع الموضوع ...
وبصرااااحه احنا عندنا ولله الحمد اشوفه ويشوفني وعند كل جماعتنا ..
بس الصراحه ومن غير زعل ((الاعتراف بالحق فضيله))
ان هذا التخلف مايكون الا من البدووو ..او من قبايل .. وهذي الحقيقه ..
لاني اشوف صديقاتي واسإألهم انتم عندكم شوفه شرعيه يضحكون ويقلون عيب وماادري ايش ..
فـ الله يعين اللي عند اهله هـ التخلف .. والله يغير الحال ..