بيتزا ايطاليه من مطبخي -من مطبخي
عنوان الموضوع : بيتزا ايطاليه من مطبخي -من مطبخي
مقدم من طرف منتديات نساء الجزائر
بيتزا ايطاليه من مطبخي
كيفكم يا أحلى صبايا وسيدات
اليوم في مطبخي موجود بيتزا
بس مش أي بيتزا بيتزا ايطاليه على اصولها
يلا نشوف طريقتها
اول شي المقادير:-
3أكواب طحين
كوب ماء دافئ
2ملعقه صغيرة سكر
ملعقه وربع صغيرة ملح
2ملعقه طعام زيت زيتون
2ملعقه طعام نشأ
6 ملاعق طعام حليب بودرة
ملعقه صغيرة ب ب ( بينكغ باودر)
ربع ملعقه ثوم بودرة
ربع ملقعه صغيرة بصل بوردة
2ملعقه صغيرة خميرة
وهلأ الطريقة:-
نخلط كل المواد الجافه مع بعض واذا كانت الخميرة مو فوريه تترك مع كوب الماء الدافئ والسكر 10 دقائق حتى تتخمر
ثم تعجن مع باقي المكونات
وتترك حتى تتخمر ساعه الى ساعه ونص
وهلأ مقادير الحشوة:-
(طبعا الحشوة مو لازم تكون هي بالزبط بسير انك تنوعي وتحطي الي على زوئك)
كوب فطر
كوب سجق مقطع
كوب زيتون مقطع
نص كوب شرائح فلفل رومي
وجبنه لحشي الاطراف
وجبنه موزيريلا
الصلصه:-
ممكن تجيبيها جاهزة او انتي تعمليها في البيت متلي
حمري بصله مع ملعقتين كبيره رب بندورة (صلصه بندورة) وضيفي 1كأس عصير بندورة وضيفي توابل بتحبيها متل فلفل اسود وبهارات وشويه ملح وكتري من بهارات البيتزا وازا عندك اوريغانو الجيران رح ييجوا يتغدوا عندك لانه الريحه بتكون كتير طيبه
بتخليها على النار حتى تتسبك يعني تتماسك وتسير جامده
متل هيك
افردي العجينه صينيه الخبز وطلعي اطراف زايده من العجين لحتى تحشيها بالجنه طبعا اختياري وبعد ما تحطي الجبنه اطوي الاطراف الزايده عليها
وبعدين بنحط الصلصه
ونحط الحشويه ونبرش عليها الجبنه بس انا نسيت اصور الجبنه مع الحشوه
بندخلها الفرن على دجه 180 مئويه لمدة ربع ساعه
وبعدين بنحمرها من فوق
وصحه وهنا
يارب تكون اعجبتكم
>>>>> ردود الأعضـــــــــــــــــــاء على الموضوع <<<<<
==================================
واااااااااااو روعه
سلمت الأيادي
بيتزا رائعه يمي يمي
__________________________________________________ __________
يسلموا يسلموا آلام الروح
وشكله البيتزا كانت من نصيبك
صحه وهنا
__________________________________________________ __________
لا انا بلحق على الباقى الآم لا تكمليها
يسلمو حبيبتى شهية ولذيدة
ولعيونك احلى تقيم
__________________________________________________ __________
لا لا لا اتركن لي ولو قطعة هههه لأنني أحبها جدا.
أحلى تقييم لك بوسي على البيتزا الرائعة.
__________________________________________________ __________
يؤؤيؤيؤيؤ انا وصلت اخر وحدة...يعني ماضللي اهيييئ
يسلمو بوسي..على البيتزا الحلوة...محبوبة الجماهير
والصور حلوين شو هل التطورات الحلوة
أحلى نجووووووم ياعسل
رد مع اقتباس
