شعر مضحك باللهجة الجزائرية...ههههههههه
عنوان الموضوع : شعر مضحك باللهجة الجزائرية...ههههههههه
مقدم من طرف منتديات نساء الجزائر
شعر مضحك باللهجة الجزائرية...ههههههههه
السلام عليكم بنات
جتلكم قصيدة ضحكتني و أحببت أنكم تضحكو معاي
تفضلوووو
نصحوني مرة صحابي بالزواج ... و قالولي بركاك من التعواج
راهي رايحة تديك المواج ... إذا بقيت في العزوبية
بقيت نطلع في الحساب ... و لقيت كلامهم صواب
و في الغد بعثتهم نواب ... يطرحوا لأهلي القضية
بابا وافق في الحال ... و قال نجيبوا بنت الخال
و يما جاها في البال ... يخطبولي وحدة بدوية
تفاهمنا على بنت المدينة ... قالو فاهمة ورزينة
راهي تمخمخ في الكوزينة ... وتطبخ طبخات زينة
عولنا وقصدنا الدار ... حاملين في يدينا النوار
ودرنا وحنا زوار ... قاصدين بنت معينة
الخال في بنتو شكر ويزيد ... قارية وما تركتش المسيد
وصحيحة كي الحديد ... بنت العلم والتربية
قلت واش هي الشروط ... راني صرت ليكم مربوط
ومالي عندكم محطوط ... ونزيدلكم الشهرية
قالي يا وليدي سجل ... 20 صباط باش تبدل
و 50 سروال مفصل ... و يكونو ضيقين شوية
وزيد كيلو ذهب صافي ... تجيبو وانت زاهي
والشنتوف ما هو كافي ... راني درت فيكم مزية
بنتي راهي غاية وشريفة ... ما تتركش يدها خفيفة
20 خاتم في القفيفة ... تحطهم في يدها هي
وسلسله غاليه ما تنساش ... والمليون لازم يكون معاك
والحايك مرمة لازم تلقاه ... وتقدمو لبنتي هدية
قالي يا السي موووح ... بلاك تنسى خيط الروح
باش يزيد لبنتي الروح ... تبقالك ديما حية
تشريلها عشر كباش ... والدجاج مشوي ما تنساش
وزيدلها مترا قماش ... هادي حاجة رمزية
بنتي ما تضربش النشاف ... ومن الحمام تخرج بالتلحاف
وشعرها جيبلو حفاف ... وتزور sa mère كل عشية
الطفلة نطقت ملهيك ... يا بابا لازم تنهيه
يتركني نحكم فيه ... ويمشي معايا بالنية
قالي الشرط ما خلاص ... نقراو الفاتحة قدام الناس
قلتلو راني لباس ... ومنين نهرب يا خويا
درنا العرس نهار الخميس ... وكثر فيه الهراج والتهراس
المطرب يخلط على الناس ... والدرباكي يعفس تعفاس
والجمهور راهو نعاس ... والبراح يبرح شوية
جابو العروسة للبيت ... كي شفتها من الخوف بكيت
شعرها على الطابلة محطوط ... وراسها من الشعر مزبوط
رافدة معاها عشر قطوط ... تلعب لعبة هزلية
لقيتها مركبة قطع غيار ... شعرها وحواجبها ولشفار
و كي ضحكت كل شيء طار ... هادي ماركة عصرية
قالت لازم نبقى حرة ... ويماك لازم ترميها برة
وما تكثرش الهدرة ... أنا طفلة متحضرة
قلت يا امرة لازم تفهمي ... ترفدي حوايجك و اخطيني
منقوووول
>>>>> ردود الأعضـــــــــــــــــــاء على الموضوع <<<<<
==================================
رائع ماطرحته سلمت الاناامل الذهبيه ..
و استمر في البوح ... فبوحكِ له طعم مختلف
و لروحك جنائن الورد المحمدي
__________________________________________________ __________
شكرا يا اريومة على هذه الاسطر الجميلة تزيل عنا بعض الاكتئاب و تضحكنا شكرااااا حبيبتي
__________________________________________________ __________
ههههههههههه
والله الزواج صار تقريبا هكذا ينساو النسب المليح وا لشرف ويفكروا غير في المال
شكرا على الموضوع المميز
__________________________________________________ __________
خخخخخخخ تضحك بس ماافهمت اغلبهاا بس وربي ضحكت
تسلمي
__________________________________________________ __________
هه وشنو هااد مسكيين غادي يحرم و يديرلنا منظمة في الجزاائر لا للزواج السياار خطونا من الزوااج المصفااار ههه ها خطيينا غاادي نقعدو بايرااات في الداار هههه تحيا 5 ملايين عمامة و عرس القيطوون و فااتت شقها و عيشي مع العجووز سيقي و غسلي و بلعي ما تقولي ني اي ني باغي نخدم سينون تولي لداار باباك لعزيز هههه
مرسي ارياام حنونتي رب ييخليك
دمتي بحظف الله و رعايته
رد مع اقتباس
