هو احنا بقينا كدة ليه ؟؟؟؟؟

[aksachli]

عنوان الموضوع : هو احنا بقينا كدة ليه ؟؟؟؟؟
مقدم من طرف منتديات نساء الجزائر

هو احنا بقينا كدة ليه ؟؟؟؟؟



السلام عليكم و رحمة الله

انا مش عارفة ليه التناقض اللى بقينا عايشين فيه و بيه و مش ممكن نعيش من غيره

الحكاية حكاية أخويا
كان خاطب بنت من 5 سنين و قبل ميعاد الزفاف لم يتم الموضوع بسبب أعتراض من والدها و انتهى الموضوع
تزوجت البنت بعدها بكام شهر بس . و اتفاجئنا لما عرفنا من شهر فات انها
اتطلقت ..و انها لم تتزوج فعليا الا شهرين و باقي المدة في المحاكم بتطلب الطلاق من زوجها لانه كان بيضربها و يهينها .....الخ
و لم تحصل على حريتها الا بعد قضية خلع .

أخويا لسة بيحبها و لم يتزوج من أي واحدة أخرى و فاتحنا في انه عايز يتجوزها
لم يمانع باباولا اختي و لا حتى انا بل على العكس رحبنا بالموضوع لانها كانت ذات خلق و بنت صالحة . اعترضت أمي شوية على الوضع الاجتماعي للبنت خاصة ان لديها طفلة عمرها 3 سنوات
بس اقنعناها . و هي كانت بتحبها فوافقت
المشكلة فيــــــــــــــــــــــــــن ؟؟؟؟
المشكلة في اراء من حولي من النساء
و لما اجي احكي ان اخويا هيخطب و يتجوز و احنا فرحانين قوي
يستغربوا من موقفي و موقف أهلي ..
و كأن المرأة المطلقة عار و ميصحش و مصيبة كمان دي معاها بنت
يعني الجوازة دي ما تنفعش .
أقوللهم هي لا نقصت ايد و لا رجل دي زي ما هيا
أقوللهم ما حدش مطلع على الغيب . حطي نفسك مكانها ترضي حد يقلل منك عشان حاجة انتي ما لكيش ذنب فيها
و بعدين أخويا بيحبها و شايف ان سعادته معاها و الغرض من الزواج هو السعادة . اللي كلنا بندور عليها عشان نعيش حياة مستقرة

واحدة رضت علياو قالت : انا احييكي على تفكيرك بس ده ما ينفعش في بلدنا انتي مش عايشة في الدنيا دي و لا ايه ؟؟

و واحدة تانية قالت :لا دي تروح تاخد واحد زيها زي ظروفها دي مطلقة و هو لسة عاذب

وقالولي ان الرجل المطلق ممكن يتجوز واحدة لم يسبق لها الزواج وده شئ عادي أما العكس فصعب أوي
اخواتــــــــــــــــــــــــي
اذا كان ده رأي السيدات في واحدة من جنسهم فما بالنا بالرجال و كيف ينظرون الى المطلقة في الحياة اللي الطلاق فيها بقى اكتر من الزواج

و الزاي بنحرم على أنفسنا حاجة ربنا حللها لنا

ولو انتي حصلك كده و ده نصيب من عند ربنا ترضي الناس تعاملك انك انسانة درجة تانية و كأنها بتقولك يا شيخة روحي موتي بقى !!!

يا ريت ترضوا عليا هو احنا بقينا كدة ليه ؟؟؟؟؟؟؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================

لااااااا حبيبتي ما تردي علي كلام الناس وخصوصا (النسواان)

لإنو النسوان بعشر لسانات يا لطييييييييييييف


بما إنو خيك بحبها ما يسمع كلام الناس لإنو الحب ما في حد بسيطر عليه



إخطبوها وخلهم يتجوزو ويعيشو حياتهم وإنسو كلام النسوان اللي لا بجيب ولا بودي


مع إحترامي

__________________________________________________ __________

ولو انتي حصلك كده و ده نصيب من عند ربنا ترضي الناس تعاملك انك انسانة درجة تانية و كأنها بتقولك يا شيخة روحي موتي بقى !!! يا ريت تردوا عليا هو احنا بقينا كدة ليه ؟؟؟؟؟؟؟؟؟؟؟؟؟

عزيزتي ,,,لو انا كنت مكانها ,,, لا يهمني سوى شرع الله وحدوده أما الناس فكل يتحدث عن سعة في
حياة الآخرين وقد لا ينفذ ما يقولة في حياتي الخاصة لم اخذ بكلام الناس وافكر بنفسي
وليس عيب على الشاب انه ياخذ مطلقه
بالعكس يمكن تكون حياته اكثر سعاده من الفتاه التى
لم تتزوج ,,,وانا اشوف ان البنت لا يعيقها شئ اذا كانت ملطقه
لكن بشرط ان تكون امرأه صاحبه اخلاق ودين
وما اتوقع انه يوجد اعتراض على االشاب
وخاصة اذا كان الحب يغطي كل هذة الاشياء
وما ذنب هذة الا نسانه التي حكم عليها الزوج بالطلاق لتعيش مع مجتمع ينبذ المطلقات
مو عيب ومو شرط الغلط منها مشان تطلق
وانا ارى المرأة المطلقة مهما كان سبب طلاقها . ستكون في نظر
المجتمع الذي لا يرحم .. نظرة مجحفة ..ويعتبرونها هي الغلطانة دائماً
لذلك اقول لها هذا حقك الشرعي وما يهمك كلام الناس او غيرة
عيشي حياتك ,,,,

تحياتي الك ,,,,

__________________________________________________ __________

متسمعيش كلام الناس ميهمهومش الا القيل والقال ولو واحدة فيهم كانت في نفس موقف خطيبة اخوكي كان ردها حيكون نفس الرد دلوقتي خلي كل واحدة تحط لسانها في فمها وتسكت لو كان حرام او مكروة معلش لكن دة شرع ربنا مقالش المطلقة متتجوزش تاني ولنا في رسول الله قدوة حسنة لم يتزوج بكر الا السيدة عائشة رضي الله عنها..............
ربنا يسعد اخوكي وزوجته ويعوض الطفلة عن ابوها

__________________________________________________ __________

السلام عليكم و رحمة الله

اخواتي فلسطينية دلوعة

تمــــــــــــــــــــارا

ms music

اشكركم على الرد
أخي فعلا حدد معها موعد للخطبة و الزواج في الصيف القادم ان شاء الله

و احنا مش هاممنا أحد من الناس لاننا لا نفعل شئ حرام
اللي مزعلني رأي السيدات!!! يا ريته كان رأي راجل أقول ما علش الرجالة قاسيين

ولكنه رأى ست في ست تانية و كل واحدة أفتكرت انها و العياذ بالله استحالة تكون في مكانها

دي عادات بالية و لازم نغيرها

يا رب كملها معانا بالستر يا ستار

__________________________________________________ __________

هو حد بيسمع كلام النــاس

لو حد بيسمع كلاهم ما راح أحد يعيش

ثانياً هو بيتزوجها ما بيتزوج الناس

ودام شايف سعادته معاها بس خلاص يتزوجها

والبنت مثل ما قلتي باين عليها بنت ناس ومحترمة وخلوقه

واذا على بنتها عادي والله انها تعيش معاها وهو كمان بيسوي خير

ولا تنسين الحياة قسمة ونصيب

خله يتوكل على الله وهذا أحسن شي يسويه

وبالتوفيق يا رب...