عنوان الموضوع : زوجي ومعاناتي معاه مجابة
مقدم من طرف منتديات نساء الجزائر

زوجي ومعاناتي معاه



اهلا خواتي ..
من شهر كنت الاعب بنتي لان النوم ماطبها وزوجي ازعجه صوت ضحك بنتي
وكنت الاعبها ووعيت على كف رن اذاني رن التفت جفت زوجي صافعني
على خدي ويصرخ لمتى بتمين تلاعبينها انا ابي انام اذا تبين تلاعبينها طلعي برع انا
فيني رقاد وبنتي جافت ابوها يصصرخ جذي وصاحت وقال لي قومي ذلفي المجلس ونامي فيه
انه ماتحملت الاهانة ذي وعلى طول هجيت من الغرفة وبس تميت طول الليل اصيح
يعني زوجي اللحين مافيه يتحمل بنته لو دقيقة والادهى من هذا جفته الصبح وقال لي
لما تفكرين تعدلين نومة بنتج تعالي الغرفة سكت عنه حسيت اني وبنتي مانعني له ششي
قاهرني والله العظيم انه احبه واخدمه ليل ونهار واتحمل كلامه الجارح على ان انه ماجبت
له الا بنت وحدة انه ششسوي ذا الا مقدرنه رب العالمين وحتى معاملته جاافة مع بنته
يعني قليل يلعب معاها وخصوصا لما مع اهله يلاحظون ان اهو مايبي بنت من الاساس
وهالطريقة تجرحني ولا حماتي ماتقصر في كلامها الا يجرحني دائما تعايرني وتقول
ان اني جبت بنت ووقفت واهو من بدل مايسكتها يقعد يطالعني بنظرات كأنه يعاتبني
والله ان حماتي مو طاايقتني ولا طاايقة بنتي كل بنات اخوانها تلاعبهم الا بنتي يعني
بنتي بعدين بتكبر وبتحس انه مابيها تحبها ابيها على الاقل تتقبلها وزوجي ماعمره فكر
ان بنته بكرة بتكبر ولين تم مايواطنها بتحسس من هذا والله انه ماادري شسوي بعد
ماطردني من الحجرة لما اقول بروح بيت ابوي اقول مو انه الا اهد بيتي وزوجي
لازم اههتم فيه وجذي لكن بعد ماقول هالكلام يجي يضربني ويزف فيني بس علشان
ان انه انجبت له بنت واحاول افهمه ان هذا الله كاتبه ويرجع يزفني والله تعقدت من حماتي
ومنه دائما زف فيني كأن هذا الشي بيدي وصلت حدي من حماتي وخصوصا كلامها
كله قدام زوجات اخوانها وزوجات اخوانها يزيدونها علي لما يطالعوني بنظرات شفقة
يحسسوني اني خلاص مابنجب عقب بنتي معنها توها ياهلة وزوجي احيانا لما ياخذذني
على بيت اهلي يوم الجمعة يخليني هناك بالثلاثة الايام واضطر اجذب على اهلي
حتى لو بنته تمرض لو ما اعاتبه ماياخذها المستشفى الا ان احبه واعامله بطيبة
اهو يضربني دائما لكن امس لما صفقني في وجهي حسيتها طالعة من قلبه حتى اصابيعه طبعت
واهو معنه غلط وضربني لكن مافكر مجرد تففكير ان يجي يراضيني تعبت وانه اخدمه
وما اخلي شي الا اسويه حقه واهو بالمقابل زف فيني وضرب بالهبل اهو دائما يهاوشني
لكن ماعمره طردني من الغرفة وحتى لو يزعل مني اروح اراضيه اعطييه اهتمام كزوج
عمري مافكرت اضره او اجرحه بكلامي او اهاوشه لكن اهو ماادري معاملته مو عدلة حقي
حتى لو نمت في حضنه نمت معااه احس مثل الششي مايفرق الشي عنده مااختربت معاملته
معي الا يوم عرف اني حامل ببنت نفسيتي صصارت دممار لا آكل ولا اشرب الا امه
اهي الا تلومه وتقول له يعتني فيني والله من حملت ماحسسني انه مهتم فيني ودائما مكشر
في وجهي والله حسسيت ان البيبي بيطيح من المعاناة الا عشتها معاه في فترة حملي
مادري ليش كاارهني معنه معااملتي له عدل ولا عمري فكرت ان اتركه واروح بيت اهلي
حتى صديقاتي حرمني منهم اول ماعرف ان انه حاامل ببنت معقولة كل ذا علششان ان انه
انجبت بنت مهما كاان ذي بنته من لحمه ودمه انه مابيه يكره بنته بالعكس ابيه يحسسها
ان اهو ابوها ويحبها ويخاف عليها حتى من نسمه الهواء بنته تححبه واهو كلش مو معبرنها
من تجوفه تستاانس والله انه وبنتي على الهامش تكسر خاطري بنتي لما اجوفها تزحف له
وتصارخ بابا بابا واهو عااطنها السين الا احيانا لين حس معدتها بتطلع شالها ولعب معاها
الا ان اهو حتى ماايعبرها لما جبتها الحليب ماايجيب حقها تتم اسبوع بدون حليب بس ارضعها
طبيعي احس اهو ظاالم بنته اكثر من ما اهو ظاالمني ما كنت اتوقع كل هالقسسوة تتطلع منه
وحماتي تعاتبني وتحملني المسوؤلية اني جبت بنت ولا جبت بعدها بيبي وشللون احمل واخوج
من انجبت بنت مالمسني ولا قرب مني اقول لها طاردني من الحجرة؟ مايلمسني ولايقرب مني
ولايحسسني ان اني زووجته؟ ومن كم يوم رحت وطلعت كل الا في قلبي قلت له شلون تباني
انجب لك وانت ماتلمسني الكل يفكر المشكلة مني صاار لي فترة اتحمل كلام اختك واهاناتها
لي وانت مااتفكر توقفها عند حدها المششكلة مو مني المشكلة منك انت مو طاايقني ولامتحملني بنتك صاار عمرها اللحين اربع سنووات ولا معبرنها ولا عمرك حسستها انك
ابووها الا اذا جتك اهي وقعدت في حضنك تلعب معاها لمتى اني تعبت منك ومن معاملتك
وصرخ في وجهي وقالي تبين اقرب منج علششان بكرة تنجبين لي بنت بعد والله حسيت
كلامه خنااجر احياانا الكلام يعور اكثر من الضضرب في ذيك اللحظة تمنييت انه يطقني
ولايقول هالكلام الجاارح والله تعبت منه احبه وهو مهشمني ولا عليه مني وبنته ولا شي
عنده تكسر خااطري بنتي لما تناديه بابا وهو مايعبرها تعبت منه والله تعبت
ومن معاملته الجااافة لي ومن قسسوته مع بنته تععععععععععبت خلالاص وصلت حدي

>>>>> ردود الأعضـــــــــــــــــــاء على الموضوع <<<<<
==================================


ياحبيبتي انتي والله العظيم حاسة بيج حسبي الله ونعم الوكيل على كل ظالم مفتري الله ينتقم من اللي ظلموج وظلموني انا مثلج تعرضت لظلم بحياتي بس من غير نوع


__________________________________________________ __________

لاحول ولاقوه الا بالله العلي العظيم !
بعتذر بس بقول شيء وربي من حرتي واحس اني لو ما كتبته بصير فيني شيء من الحر ولوعه الجبذ
زوجج يا قلبي انسان جاهل
بعتذر !
جاهل لانه ما يدري ان البنت او الولد من الرجل
يعني العيب مو منج , العيب من ريلج , اهو الي ممكن يحدد نوعيه الجنس سواء ذكر أو انثي ! حطي ذي المعلومه براسه وبراس امه حسبي الله عليها من حرمه
ثاني شيء
المفروض انج توقفينه عن حد , لمتي بتتحملي يمد ايده عليج ؟ اهو مفكر نفسه شنو ؟
تري الضرب مو من شيم الريايل !
اهو لو رجال من صج ما بتجرأ الا ما يفكر يمد ايده علي حرمه ضعيفه
وبعدين لازم تدافعي عن نفسج وغلطااااااااااااااان من راسج لي ريولج وانتي ساكته ومتحمله ومنكسره جذي !
تري لازم علي الاقل يحترمك وايده هذي ما يمدها علييييج لانه مب متزوج طوفه ما بتحس !
وبعدين اذا بحس ببنته او لا ذي غلطه بحاسبه عليه الزمن
خلي الزمن يمر وباجر بنته الله يحفظها تكبر و شوفي وش بتسوي فيه
يعني مالج دخل خليه يعاملها مثل ما يبغي وكله بترمي في راسه , انتي بس خليج قريبه منها وحنينه عليها ولا تحرميها منج ,
مثل ما قلتح كلميه ان الغلط مو منج الغلط منه اهو
صج جاهل اهو و امه !
وبلنسبه لاخواته وامه لازم تردي وتفهميم لاي مدي اهم جاهلين مبفاهمين شيء !
لا تسوي مسكينه ومقهوره وحقج ضايع بينهم ! شخصيتج لا تطفيها ولي يرحمج ان شاءالله
و
اوصيــــــــــــــــــــج انج
تستغفرين
قيمي الليل واكثري الدعاء
وان شاءالله كل امورك تنعدل مثل ما تحبي واكثــــــــــــــــــــــر بأذن الله العظيم .
تحياتي لك .


__________________________________________________ __________

اذا جو عندك خواته او امه قوليلهم انا مو المشكله ولدكم هو الي عنده المشكله !! وقولي انا الحمد الله ماني عقيم ولافيني مشكله لكن ايش دراني بالطرف الاخر ... اظن هالشي يوصل المعلومه ... واذا ضربك بعد ، روحي لبيت اهلك واقعدي عندهم ، زوجك انسان حقير لا تتذللي له ..


__________________________________________________ __________

اسمعي ياقلبي انا والله مااتمنى لك الاكل خير
ياختي والله لو اني منك اني بعد الكلام اللي قلتيه له اخر مره
ادق على اهلي يجون ياخذوني ولما يوصلو اروح عند امه واقولها انتقادكم لاني جبت له بنت هذا اعتراض على خلقه الله واذا فيه حد خسران في هذي الزيجه هو ابنك وانته لانكم معترضين على رب العالمين
وترين انا ماحملت من بعدها العيب من ابنك مو مني انا موعقيم واقدر اجيب بدل الابن عشره العيب مو مني من ابنك اللي من يوم ماولدت مالمسني حارمني من حقي الشرعي قال ايش قال خايف اجيب له بنت ثانيه انا مومستعده اتحمل اكثر تحملت اربع سنوات علشان بنتي مابغاها تعيش بعيد عن ابوها لكن هو مستغني عني وعنها وماقول الا حسبي الله ونعم الوكيل
وياليت توصلي له هذا الكلام ايييه صح تذكرت انك ماتقصرين في نقل الكلام مع السلامه
وروحي لبيت اهلك ابدن لاتتنازلي عن حقوقك هو معتقد انك ماتستغني عنه حتى لو مقصر عليك خليه يعرف انه مجرد اضافه في حياتك ومو عاجبك هذي الاضافه وحابه تتخلصي منها
يمكن الله يهديه ويحس بقيمتك ويرجعك ونفس الكلام لامه قوليه له وقولي له كل اللي في قلبك المهم بيني له انك مو بدون اهل يسوي كذا
هذا رايي يااختي لواني مكانك راح اسوي كذا
وانتي حره سوي اللي شايفاه مناسب انتي ادرئ بزوجك واهلك
الله يفرج كربتك
ولو صارت مشاكل ووصلت للقاضي لاسمح الله لاتنسين تقولين انه حارمك من حقك الشرعي والقاضي راح يوقف معاك باذن الله
الله يسعدك دنيا واخره


__________________________________________________ __________

ابي اعرف ليه تذلين نفسك ماعندك كرامه كل يوم يضربك والحين يصفعك عشان بنتك تضحك ..!! وفوق هذا انتي ساكته وعادي عندك خذي منه موقف ازعلي روحي بيت ابوك حسسيه انك انسانه ولك كرامتك وحقوقك

تدرين ليه هو يسوي كذا ؟؟.. لان شافك راضيه وعادي عندك هالشي فصار سهل بالنسبه له حبيبتي اذا ماقدرتي نفسك ماحد بيقدرك

وزوجك هذا متخلف يعني واذا جبتي بنت وش هالعقليه المتحجره ....!!

اكثري من الاستغفار وقيام الليل والدعااء في الثلث الاخير من الليل واوقات الاستجابه

الله يفر همك ويسخر لك قلبه ويصلح حالكم ياارب