تحذير للي يشقرون في المشاغل 00!
عنوان الموضوع : تحذير للي يشقرون في المشاغل 00!
مقدم من طرف منتديات نساء الجزائر
تحذير للي يشقرون في المشاغل 00!
تحذير للي يشقرون في المشاغل
تحذير للي يصبغون حواجبهم في الصالونات
السلآم عليكم ورحمة الله وبركاته
من كم يوم رحت الصالون اقص شعري، و هذا الصالون يحف الحواجب و يشقرها و يصبغها بشكل حلو ومشهور ان شغله حلو.
ولما نسألهم عن صبغة الحواجب يقولون هالصبغه احنا نسويها بالصالون وطبعاً انسوا يقولون لكم شنو هالصبغه . .
ولما رحت اقص شعري كان موسم عيد و الصالون مليان مافيه مكان!!
قالوا لي انتظري شوي في قسم غسيل الشعر لين يي دورج . .
قعدت انتظر في قاعة غسيل الشعر وكان فيها خزانه يخزنون فيها صبغات الشعر و كل شي يحتاجونه بالصالون . .
وأنا أنتظر شفت اللي تصبغ الحواجب دخلت و فتحت هالخزانه و طلعت منها علبة صبغة طلعت منها البودرة وحطتها بعلبه و حطت عليها شوي ماي ورجعت قاعة صبغ الحواجب علشان تصبغ للزبونات بعد ما قطت العلبه . .
انا استانست وأخيراً راح أعرف سر الصبغة اللي يصبغونها للحواجب!!
رحت وأخذت العلبه و صورتها عشان اشتري مثلها واصبغ بروحي في البيت . .
وهذي الصبغة اللي يصبغون فيها حواجبنا
رحت الجمعيه و شريت الصبغه بعد ما دورت عليها عدل . .
وهذي هي بعد ماجهزتها علشان اصبغ فيها
بس قبل لا اصبغ حبيت أقرا ورقة التعليمات ، وتفاجأت بتحذير من صبغ الحواجب و الرموش لأن هذا الشي يسبب العمى!!!
يعني تخيلوا طول هالمده قاعدين يصبغون حواجبنا بصبغه تسبب العمى بعيد الشر!!!
والله ان الصبغه انا مصورتها بالصالون يعني هي نفسها نفسها وفيها تحذير!!
حبيت احذركم خواتي عشان ما تسبب لكم العمى بعيد الشر
والله يكافيكم شر هذي الصبغات!!
>>>>> ردود الأعضـــــــــــــــــــاء على الموضوع <<<<<
==================================
ااااااااااااااااب
__________________________________________________ __________
الحمدلله ماصبغ ولا اشقر الا بالبيت
يعطيك العافيه
__________________________________________________ __________
__________________________________________________ __________
والله حاولت انزل الصور بس ما أعرف ممكن وحده تقولي كيف 
__________________________________________________ __________
جزاك الله خير على التحذير اختي
لكن ياليت كنتي نزلتي لنا الصور عشان نحذر منها..مشششششششكورة.
رد مع اقتباس
