عنوان الموضوع : فلسفتها !! قوافي
مقدم من طرف منتديات نساء الجزائر

فلسفتها !!



فضفضت لي عن سواليف امها اللي كدّرتها
والحزن مثل الحسن لا مر .. لازم ينوقف له
جت تفلسف .. طفلةٍ مكياجها من فلسفتها
كمّلت عشرين عام و لا تزال اليوم طفله
يشبع الخلخال .. و السلسال جايع برقبتها
خيزران ٍ لينها بين انتباه و بين غفله
ودّي ادري لا مشت بشعور الارض اللي تحتها
و ان تثنّت قلت : وين اللي يقول ان الترف له
آه .. لولا خصرها قلت : اسرفوا في تغذيتها
ما افقره بين النعيم .. ولا يبي من ينتصف له !
حاجة ٍ تطري عليها .. جايبتها جايبتها
نسمةٍ ما تعترف بالباب و الحارس و قفله
قلت وش ذا اللي خفق بين الضلوع من اوّلتها
قبل اقول ( الضيف جاك ) .. اثره فتح كل الغرف له
يوم قدّمته لها ليلة سرت بي سلهمتها
قالت : اتشرّف بقلبك يا فتى قلت : الشرف له
و طرت مع سرب الحمام اللي طلع من حنجرتها
ساعتين وهي تسوق الرمش و ابصم و اعترف له
تجدل انفاسي و الى حسّت دفاها كسّرتها
و اطلقتها للهبوب بكل طيش ٍ تنجرف له
لين بآخر طيشها قصّيت اظافر شيطنتها
لا تشح بكيدها اللي كيدها ابن آدم ضعف له
نسنست عصرية الجمعه و هي تقرا بختها
بين جمع من العذارى كل شي ٍ منكشف له
كل ما جن يمشطن شرطانها اللي تعّبتها
سمّعوها من قصايد خلّها آخر ما انعرف له
و لدّت لحلم ٍ تدوّر له و تنشد منظرتها
لدّت لبرواز ٍ اسود .. دمعها ياما ذرف له
لدّت توصّي مكاتيب ٍ قبل ما زرّفتها ضمّنتها
الغاليـــــــه دمعة وداع و عطـــــر حفـــــــله
قلت : اراضيها و جيت و جات و الدنيا ملتها
والغزل دار و لقى المشتاق .. مشتاق يعزف له
كل ما زوّدت .. وردّي السواليف اخجلتها
وكل ما زاد الحيا قلت : الحلو وش ينكسف له
قالت : امي تفتكرني طفله و تظلم بختها
صح انا ماني بطفله ؟ .. صح انا ماني بطفله ؟

>>>>> ردود الأعضـــــــــــــــــــاء على الموضوع <<<<<
==================================


سلمت يمنآك غاليتي شموخ ,,


كلمات رائعه لاعدمنا هالذائقه ..



بأنتظار جديدك



مودتي


__________________________________________________ __________

المشاركة الأصلية كتبت بواسطة أحسس حساسه
سلمت يمنآك غاليتي شموخ ,,


كلمات رائعه لاعدمنا هالذائقه ..



بأنتظار جديدك



مودتي


يسلم راسك أحسس حساسه ،،، كلماتك وسام أفتخر فيه


__________________________________________________ __________


__________________________________________________ __________


__________________________________________________ __________