عنوان الموضوع : حنّا بنات الوطن وشموع ديجوره=وحناّ بنات الوطن وأحلى سعوديه
مقدم من طرف منتديات نساء الجزائر

حنّا بنات الوطن وشموع ديجوره=وحناّ بنات الوطن وأحلى سعوديه



حنّا بنات الوطن وشموع ديجوره=وحناّ بنات الوطن وأحلى سعوديه
منابت المجد وأصل المجد والصوره=مرابط العز وسبوق النداويه
منابت الملح وأصل الورد وزهوره=مكاسر العود والنفحه سماويه
عذبات الانفاس وأغلى المسك وعطوره=نفحات الاشجان والنسمه ربيعيه
فوح الخزامى بروض ٍ قيل ممطوره=قدِ علّها مع بكور الوسم وسميه
حنّا بنات الوطن سكناه وخدوره=حنّا بنات الوطن والثقل ماريّه
ياللي تعذرب بنا يمناك مكسوره=ماكن فينا لك أم وبنت وأخيه
أفكارك السود مشبوهه ومبتوره=وعلومك العوج ملفوفه وملويه
تلف وإلا تزيد اللف لك دوره=العلم بالهون والحاجات مقضيه
خذها على نور والرايات منشوره=بالعدل والميز مكتوبه ومقريه
خذها وباقي بها وقفات مذخوره=تجيك من فوق وإن حبيّت رديه
بنت الوطن ياضعيف الرأي مذكوره=بالخير والطيب مذكوره سنافيه
من أول الوقت يالمسكين مشهوره=بالفكر وأحلى التواصيف النسائيه
بنت الوطن ياقصير الشوف معموره=بالعطف واللين وتزيده بحنيه
إن كان بالكون قالوا عينه وحوره=بنت الوطن من عظيم الشان حوريه
بنت الوطن من جمال الخلق مستوره=الطبع هادي ووقت الجد جديّه
ممكن تقوّم بوجه المعتدي ثوره=والأصل تكوينها ثابت حياويه
شيهانة اللحظ بنت الريح منثوره=ملمومة الخصر بنت الذيب ريميه
يعني حجازية العينين مخبوره=نجدية الخصر واللمحه خليجيه
ريحانة الفل بأرض الفل مبذوره=يعني عسير وعبير أحلى عسيريه

>>>>> ردود الأعضـــــــــــــــــــاء على الموضوع <<<<<
==================================


تسلمين على هالكلمات الرائعه


__________________________________________________ __________

جميلة جداً }...

الله يعطيكـــ العافية ,..

أنتظر جديدكـــ ’’’


جنـ وـوـون


__________________________________________________ __________



__________________________________________________ __________

اشكرك ع الردود العسل


__________________________________________________ __________

بنت الوطن من جمال الخلق مستوره=الطبع هادي ووقت الجد جديّه

تسلمين يالورد الجوري عالكلام الجميل حثينا بالمزيد ننتظر ماهو جديد
أختك عشقت غامدية