تريد هم ارجع احبك من جديد؟ -همس القوافي
عنوان الموضوع : تريد هم ارجع احبك من جديد؟ -همس القوافي
مقدم من طرف منتديات نساء الجزائر
تريد هم ارجع احبك من جديد؟
ما يفيدك الندم لا ما يفيد
تريد هم ارجع احبك من جديد؟
صفحه سوده انته بحياتي وانطويت
مات كَـلبي الجان يحبك وانتهيت
انته تدري جروحي تنزف ما شفيت
لا يظالم بشر آني مو حديد
تريد هم ارجع احبك من جديد؟
جنت ابجي من رحت خاطر رجوعك
مايهزني الشوكَـ هسه آنه بدموعك
يلي طفيت بأديك انته شموعك
من عفتني بليله تمطر وبرعيد
تريد هم ارجع احبك من جديد؟
ما شفت منك ابد بس الحزن
والدمع بعيوني وبليلي اون
اعليك ما تستاهل آنه انوب احن
دخذ مني القهر ودموع وكَـهيد
تريد هم ارجع احبك من جديد؟
لا تُبالي من جنت وراك اصيح
من عرفتك انته مغرور اي صحيح
يل تركت اكَـليبي من بعدك جريح
اتضوكَـ آلام الجرح هذا اكيد
تريد هم ارجع احبك من جديد؟
بعيني شفت الموت من شفته معاك
وجايني هسه تكَـول اطلب رضاك
ما تغرني لو كَـلت عمري فداك
املم انته تخون روح ابعد بعيد
تريد هم ارجع احبك من جديد؟
انته مو صادكَـ شعث مكروه انته
تخون يلي ماوفيت الحب وخنته
آااه منك كَـلبي صاح بكل نبضته
يل غرورك خله اعصابك جليد
تريد هم ارجع احبك من جديد؟
لا تكَـلي هاي الك ماي العيون
ولا تظن آني الك اظل حنون
ادري لو ارجع اسامح هم تخون
هاي لعباتك عليه مو جديد
تريد هم ارجع احبك من جديد؟
انته ما تستاهل مني ابتسامه
×
راح اضرب عليك الف علامه
اخسرت حبي عمي شيفيد الندامه
وما يفيدك الندم لا ما يفيد
تريد هم ارجع احبك من جديد؟
>>>>> ردود الأعضـــــــــــــــــــاء على الموضوع <<<<<
==================================
جنت ابجي من رحت خاطر رجوعك
مايهزني الشوكَـ هسه آنه بدموعك
يلي طفيت بأديك انته شموعك
من عفتني بليله تمطر وبرعيد
تريد هم ارجع احبك من جديد؟
الله عليك إنتقاء جمييييييل يالغلا.,,,,
سلمت أناملك ع هاي القصيده,,,
ننتظر جديدك,,,
مودتي لكٍ,,,
__________________________________________________ __________
شكرا جزيلا بارك الله فيكي..
__________________________________________________ __________
__________________________________________________ __________
__________________________________________________ __________
رد مع اقتباس
