عنوان الموضوع : عنــــوانها بيــن السطـــــور -همس القوافي
مقدم من طرف منتديات نساء الجزائر

عنــــوانها بيــن السطـــــور






مساء الخير والورد
ها انا ابحث عن الشرف بما اضع بين ايديكم
عندما تغيرت علي ضحكته وعلمت ان وراءها شيئا ما !!!


يابو حمد .. لاشفت عينك وش اشوف
عينٍ تشوف الدمع ماهوب كافي

فيها عناوين الذي كنّ بالجوف
مدلولها .. متى نهاية مطافي ؟

الياس فيها بيّنٍ كنه حروف
على عديم العلم ماهوب خافي

لك سجةٍ تنبي عن الحزن والخوف
حزنٍ غشاك ومن دوامه تخافي

حتى عدوك لو يشوفك بك يروف
لو كان ماياوي . ولا يوم رافي

وش غيَّرَ النسناس ثم صار عاصوف
ونغّص على اهل الكيف ماكان صافي

العام قلبك شرح لو كنت مصدوف
ماصار فيه من الصدوف اختلافي

ماقد خنع يومِ ولا جزع لظروف
حتى ولو عادت سمانه عجافي

واليوم يلقى نزعة الشوك بالصوف
من كل مايطري صوابه يشافي

والخوف لاتفرح ليا صار مكشوف
ناسٍ تباشر باكتشاف الخوافي

اخفيت علمك عني بوسط مظروف
يابوحمد بالله شق الغلافي

مانيب يوم انشد عن الحال ملقوف
انا الرفيق اللي برفقتك وافي

وانا الذي لو صابك الوقت بصدوف
كنه قسمها بيننا بالنصافي

عيني ليا ضاق الفضا ليّك تطوف
جفنٍ لك فراشٍ وجفنٍ لحافي

الا ليا صار البلا حب غطروف
اعذر ترى مااقدر ولا نيب شافي

حيث ان قلبي من هوى البيض مخطوف
وما يعطي الحذيان من سار حافي

والا الردي يقول مانيب مكلوف
لاشاف ماتشكي ويعطيك قافي


تم الكلام اللي من الماس مصروف
غالي ولو هو من حمول خفافي

ختمه صلاة الله على خير معروف
بالدين ماصلى المصلي وطافي


وسلامتكم




منقول من الاخ: سلطان القوافي

>>>>> ردود الأعضـــــــــــــــــــاء على الموضوع <<<<<
==================================


بسم الله الرحمن الرحيم

أختي / بلبله .

السلام عليكم ورحمة الله وبركاته .

مساك الله بالخير والعافيه .

قصيده رائعه تسلم اناملك ويسلم رأس قائلها وفي إنتظار جديدك .

وتقبلي مروري على صفحتك الرائعه .

ولكي مني التحيه والتقدير .

أختك

( إحساس طفله )


__________________________________________________ __________

اللهم صلي وسلم على نبيك محمد ..

نص جميل تجلى فيه روح الاخاء .. الله يعطيك العافيه على الانتقاء الجميل ..


__________________________________________________ __________

احساس طفلة

مرووورك هو الرائع يالغلا

مشكووورة حببتي


__________________________________________________ __________

غلا الدنيا


مشكووورة حببتي على المرور الجميل

تسلمين


__________________________________________________ __________

الله يعطيك العافيه