عنوان الموضوع : فضيحه آمـآرآتـي ف ستار بوكس للفكاهة
مقدم من طرف منتديات نساء الجزائر

فضيحه آمـآرآتـي ف ستار بوكس



فضيحه آمـآرآتـي ف ستار بوكس
للعلـم هي قصـه آمـآرآتيـه واقعيه


يوم الخميس كان عبد الرحمن وشلته (حوالي 10 شباب ) يالسين في "ستار بوكس " يتذكرون ايام المراهقة في الثانوية والتقنية الي يشوفهم من بعيد بيقول" شو بلاهم ها الميانين" من كثر الضحك الي كانو يضحكونه

كان عبد الرحمن وشلته يالسن بطاولة ع اليمين وفي كم من طاولة فاضية حذالهم وبعدين في طاولة يالسات عليها بنتين واحدة عاطتنهم الظهر ووحدة مجابلتنهم .... وهاي البنتين ما يخصهم بالدنيا ياسات يضحكن و يسولفن روحهم

جان ايي واحد كااااااااشخ ... ماسك موبايل ولا احلى .... والغترة الله يخليكم ما شي ارتب منها .... ويمشي ذيج المشية مال كبارية
باختصار الريال خطيييييييييييييييييييييييييييير بكل شي

الحبيب مر على عبد الرحمن جان يطالعهم بنظرة خايسة نظرة خبيثة ومتكبرة كانه يقول " شو ها ... فشلتونا صدق غجر ... عافانا الله منكم " وكمل طريجه فشاف البنتين فيلس بطاولة بين طاولة الشلة و بين طاولة البنات ... يبى يغازل البنات خخخخخخ

بعد ما يلس الخقاق كانت الشلة معصبة فقامت الشلة تبى تسوي ضرابة وياه اكيد بعصبون اهان شرفهم وكرامتهم بذيج النظرة ... جان يهديهم عبد الرحمن وقالهم انا عندي طريقة احلى عشان ننتقم منه
قالوله شو هي ... فطلع موبايله ودخل البلوتوث باسم " بنت " خخخخخخخخ .... وتم يدور ع ها الخقاق لين ما حصلاه

عبد الرحمن " كلي دلع " حق الخقاق : انت وسيم

الخقاق انشق ويه ما صدق جان يضحك ويعدل غترته ... من جهة ثانية الشلة منفجرة ضحك

الخقاق حق " كلي دلع " : شفتي هايل المهابيل يتحرون عمرهم كشخة

جان تعصب الشلة وصلو حدهم لكن عبد الرحمن قالهم " ما اكون عبد الرحمن جان ما فشلته جدام كل الموجودين "

عبد الرحمن " كلي دلع " حق الخقاق : تعال ايلس عدنا

الخقاق بقر عيونه مب مصدق ومتوهق بنفس الوقت

الخقاق حق " كلي دلع " :اخاف ها الشباب يغارون

عبد الرحمن " كلي دلع " حق الخقاق :لا تعال انا اباهم يغارون

الخقاق حق " كلي دلع " :يعني ايي الحين

عبد الرحمن " كلي دلع " حق الخقاق : هي تعال الله يخليك

جان يقوم الخقاق ويدخل كرسيه مكانه وطالع الشله بنظرة تقول " منو قدي انا بيلس ويا البنات " وعدل غترته مره ثانية ... عبد الرحمن وشلته كل واحد حالته حاله ماسك نفسه من الضحك

والخقاق وحليله ما يدري مشى ومشى لين ما وصل حذال طاولة البنات يضحكلهم .... وهن مستغربات شو يبى ها ... فقام وسحب الكرسي ويلس وياهم

جان يقومن البنات ويصرخن عليه وصوتهن هز المكان " انت ما تستحي ... جليل الادب .... انت مب ريال و و و و و الــخ

والريال من كثر الخوف قام والكرسي طاح وعينه مبقرة من الخوف مب مصدق شو الي استوى

والشلة ماتو من الضحك عليه طاحو ع الارض من كثر الضحك خخخخخخخ

والناس الي في المركز مب فاهمين شو السالفة يشوفون جهة اليمين من ستار بوكس شباب ميتيين من الضحك وجهة اليسار بنتين يصرخن ع الفقير
طبعا الخقاق توهق ما عرف شو يسوي غير انه يذلف من المكان

شو رايكم بالقصة ... تراها صدق استوت
فاحذرو يا الشباب لا تغازلون ترى بطيح ع راسكم شرات ها الفقير
خخخخخخخخخخخخخخخخخخخ

>>>>> ردود الأعضـــــــــــــــــــاء على الموضوع <<<<<
==================================


ههههههههههههههههههه بحد تحفة ههههههه
مسكين


__________________________________________________ __________

هههههههههههههههه يستاهل


__________________________________________________ __________


__________________________________________________ __________


__________________________________________________ __________