عنوان الموضوع : كيف حياتك قبل بعد مع نت <- شاركينا -تسلية
مقدم من طرف منتديات نساء الجزائر

كيف حياتك قبل بعد مع نت <- شاركينا



السلام عليكم ورحمة الله وبركاته

ودي اعرف وش كان هدف اللي اخترع النت اه لو يدري انه مضيع اوقتنا < امزح
طبعا النت جميل ويفيدك ببعض الامور لكن تحسينه عالم غامض ويبعدك عن الحياه الواقعيه ويلبس من يريد الزيف من الاقنعه مايشاء
وفيه تحسين انك تتواصلين مع الاغراب اكثر من الاقراب والاهل اللي هم اولى بصلتك لهم تخيلي لو ان كل حسابتك بالمنتديات والنت ك كل يعرفونها اهلك اخوانك بنات اقاربك وجيرانكم وصديقاتك وانتي نفس الشي تعرفين ومحد يخبي ع الثاني شي
بصراحه بيصير النت جماال ومحد بيحس انه يبعده عن حياته الواقعيه الا بيقويها ومحد بيشكي من حد بتصير الحياه فيه ظاهره < لحظة تخيل لا اكثر

-
خل نخش ب موضوعنا فكرته كل وحده تدخل تجاوب على هالاسئله وفيها تتكلم عن طريقة استخدامها نت او الالكترونيات ب صفه عامه عشان نستفيد من بعض خاصه اللي عندهم ادمان
__# طبعا بما اني فاضيه كتبت هالاسئله الزينه :
-احكي عن حياتك قليلا قبل النت ؟
-وش الشي اللي مسليك ومغنيك قبل النت ؟
-كيف ومتا كانت البدايه ؟ ماهو اول جهاز بديتي فيه ؟
-من الذي علمك عليه ؟
-تكلمي عن بداية استخدامك له وكيف تقبلك له والساعات اللي تقضينها عليه؟هل في احد شجعك ؟واى سنه تمكنتي منه وباي سنه بدا الادمان ؟هل اهلك يعاقبونك عندما تقضين ساعات طويله عليه؟
-هناك ناس من السهل انهم يدمنون ع النت والالكترونيات وناس لا ياثر في حياتهم تضنين من اي نوع انتي ؟
- تكلمي عن بدايه شعورك بعد التجربه ؟
-وين وصلتي كيف رحلتك معه وش رايك فيه الان؟

-هل تستخدمين جهازالالكتروني غير الابتوب والنت تكلمي عنه بما تريدين ؟
- بريك استراحه اكيد تعبتي من اسئله مم ترى النت موب شين لكن كثير مايسيء استخدامه لانه حبوب ويعطيك كل
شي تريدين منه وهالمشكله وع قول المثل اذ صاحبك عسل لاتلحسه كله<وش دخل
مادري هه بس يريد منا رقي بالاستخدام وحساب الوقت لنجعله جزء من حياتنا موب حياتنا كلها ولاننسى اننا ماحسبين عن اوقاتنا !
كملي هه بس طلبتك تروحين تشربين ماء وترددين ..
-كم لك وانتي تستخدمين النت ؟
-هل تقدرين تتركين النت للابد ؟
-هل تفكرين تقللين استخدامك له ؟ولماذا هل هو ماثر بحياتك ؟
-نصيحه او كلمه اخيره ؟
--
طبعا لك حرية التعبير ^^

ملاحظه : ممكن تحذفين السوال اللي ماتبينه
او تختارين الاسئله اللي تبين تجاوبين عليها حتى لو 2 موب مشكله اهم شي تشاركينا
وتشوفين مشاركات غيرك [/COLOR]

>>>>> ردود الأعضـــــــــــــــــــاء على الموضوع <<<<<
==================================


طبعا انا ببداء < عشان تشجعكم < ههه احلفي
احكي عن حياتك قليلا قبل النت ؟
جميله وفيها سكون وماحس ناقص شي وعايشين ببساطه لان ماعندنا الالكترونيات امي شوي ملتزمه حتى تلفزيون مافيه الا القناه الاولى والحمدالله
وش الشي اللي مسليك ومغنيك قبل النت ؟
الطفوله معروفه ب مرحها اما ايام متوسط وثنوي كنت منظمه وقتي مع الدراسه وبخصوص اخبار العالم والموضه اللي احبها مجلات كنت اشتري مجله مرا بالاسبوع واقرها وقت الفراغ ك تسليه واشوف الجديد والكريمات والاشياء اللي احبها الحمدالله مااحس ناقصني شي
مثل مجلة لها والجميله

وطبيعة المكان اللي ساكنه فيه مايشجع يعني محد يقول من اللي حولي وصديقاتي عندنا نت ولا استخدم نت الا قليل ..

كيف ومتى كانت البدايه ؟ ماهو اول جهاز بديتي فيه ؟
كانت البدايه بعد تخرجي من الثنوي لان هالفتره قعدت سنه بالبيت وحسيت بالفراغ
الجهاز احنا ماعندنا اجهزه بالبيت لكن اخوي اللي يدرس بثالث ثنوي عطوه المدرسه لابتوب تجريبي يعني كانو مسوين حمله انهم بيخلون لابتوب بدال الكتب وعطوهم كتب ها بس تجريبي ومايستخدمه الا مرا بالاسبوع واخوي ماهو من النوع اللي يدمن الالكترونيات
اول اسبوع كان يستخدمه بعدين تركه مايفتحه الا ساعه بالاسبوع وها عطاني فرصه اني استخدمه اكثر منه
من الذي علمك عليه ؟
محد علمني لكن سالت اخوي كيف يستخدمونه قال شوفي هذا قوقل اي شي تبينه اكتبي فيه
بس بعدها ابحرت فيه
-تكلمي عن بداي استخدامك له وكيف تقبلك له والساعات اللي تقضينها عليه؟ هل في احد شجعك ؟واى سنه تمكنتي منه وباي سنه بدا الادمان ؟هل اهلك يعاقبونك عندما تقضين ساعات طويله عليه ؟

البدايه مضحكه كنت اقرا الشعر العربي والجاهلي لاني احبه يعني ربع ساعه باليوم وكنت افرح كثير خاصه اني قريت لشاعر كنت احب اشعاره بمناهج الادب بالثنوي واستانس ب هالشي الوناسه تكفيني اسبوع ماافتحه ههه
عقب تتطور وصار اتصفح على المنتديات وانزل كتب واقرها خاصه حق علمنفس لان احب هالشي مجرد تصفح لساعه وكان منتدى ديني بس ساعه واقفله الساعات قليله جدا
نعم صديقتي ماشجعتني لكن لفتت انتباهي لشي ثاني يعني مرا وانا اكلمها قالت وش تسويني قلت على النت < هه كنت اشوف ان شي حلو ان اقول على النت قالت عندك ايميل ضيفني طبعا انا تحسرة ان ماعندي ايميل وببالي ان الايميل شي صعب وعقب بنت
خالي قالت عندك ايميل بعد قلت لا لان ها لابتوب اخوي وحق مدرسه قالت عادي تقدرين تسوين وتحطين رقم سري محد يدري عنه الا انتي عاد عجبتني فكرته وقلت ابا اجرب هالايميل اللي ازعجونا به وطبعا فتحته بصعوبه لان مااعرف ويوم شفت المتصلين قليل كان فيه
فيه ايقونه تقدرين تزيدين اصدقاك من النت ومابقيت حد ماضفته بس كلهم بنات واستانسة وياهم وحبيتهم وحبوني واكثر شي صار مسليني الايميل وهو السبب اللي خلا قعدتي تطول عند نت بس توصل ل 3 ساعات اربع لان امي تعصب علي فلازم اساعد امي واخلص مشاغلي بالبيت
عقب اسهر عليه بعد الساعه 12 يعني او بالظهر اتم عليه يعني هالوقتين كنت استخدمه
وبعد السنه سجلت بالكليه ماقبلوني الا انتساب بسبب نسبه ومعروف دوام الانتساب شهر حق محاظرات واسبوع ونص اختبارات يعني كلها شهر ونص بالترم وها مخلي فر اغ بحياتي
-هناك ناس من السهل انهم يدمنون ع النت وناس لا ياثر في حياتهم من اي نوع انتي ؟
نعم من السهل اني ادمن اي شي خاصه الالكترونيات

-تكلمي عن بداية شعورك بعد التجربه ؟
البدايه جميله وماكان فيه ادمان لمدة سنه تقريبا والحمدالله عرفت اشياء واجدات عن النت
-وين وصلتي كيف رحلتك معه وش رايك فيه الان؟
بعد رجع اخوي النت للمدرسه لانه تخرج حزنت شوي طبعا موب لان مااقدر اشتري لا لان تعودت على هالجهاز وكنت مخزنه اشياء فيه ك محدثاتي مع البنات وكذا طبعا اخوي صلح له فورمات ورده بعدها قعدت فترة 6شهور بدون نت بس احس اني ابي نت موب مثل قبل
مايهمني فكرت اشتري بس اخوي الثاني اللي هو كبير موب ساكن عندنا اشترى ايباد واعطاني الابتوب حقه بس موب مثل قبل اختلف الوضع خاصه بالايميل اللي هو اكثر شي حبيته حسيت ان ابي اتعرف على البنات من جديد لان راحت المحفوضات موب مثل قبل
كني حافظتهم وحافضيني طبعا هالشي يضايقني ويضايقهم ولانه كثيرات الخبط بينهم ف يزعلون مسرع انسيتني ليش نسيتني ومن هالكلام بس فتره ومشي الحال والاختلاف الثاني بعد اعتزلة شركة هوتميل حسيت اسكايب كريه بس عقب مليت من الايميل وصايرا ماافتحه
هارحلتي سنه ونص مع الهوتميل ولكن الادمان ماقل تحول للنت والمنتديات ..
-هل تستخدمين جهازالالكتروني غير الابتوب والنت تكلمي عنه ؟
ههه قبل على نوكيا ومعروف نوكيا مريح ومايخلي حد يدمنه , عقب دخلت الجامعه حسيت الببي حلو ومهم خاصه ان صديقاتي دوم يسالوني معك ببي نبي نضيفك ويحسسونك ان هالشي ناقصك واصلن من قبل انا خاطري ببلاك بيري لان اخوي كان عنده وصوت المسجات خبال
حبيته واخوي مشاء الله عنده مايوقف ليل نهر بثانيه الارسال واحسه شي حلو ووقتها كانو الناس طايحين فيه ف اول مادخلت الكليه قلت لامي تشتري لي طبعا مااقصرت عصبت علي بس قلت لها ان احتاجه للدراسه عشان صديقاتي يرسلون لي
ويعلموني باوقات المحاظرات والاشياء المهمه اخر شي اقتنعة واخوي مااقصر جاب لي احلى نوعيه اصلي وعليه ضمان وشكله حتى لما اشوف فونات صديقاتي احس حقي احلى مع انه كلنا كيرف ايامها في نوع ثاني وبولد بس الاكثر كيرف ههه
بالبدايه مادمنت عادي جدا بس ضفت صديقاتي وبنات الايميل اللي عندهم ببي وبعضهم ماعندهم وكان وناسه
مم بداء الادمان بعد سنه خاصه يوم راح الابتوب يعني العوض بالببي ادمان صايرا ارسل كثير واتابع كثير بس عقب صايرا الاثنين شوي على النت شوي على الببي لين كرهته اللحين هالسنه مبنده الخدمه عشان الادمان احس متعيجزه ومهمله بحياتي عشانه
بس احس مااستفدت شي لو خليته احسن لان النت مااقصر وماتغير شي ههه انشاء الله قريب افعل

كم لك وانتي تستخدمين النت ؟
للحين اربع سنين
-هل تقدرين تتركينه للابد ؟
طبعا مستحيل الا اذ اراد الله
هل تفكرين تقللين استخدامك له ؟ولماذا هل هو ماثر بحياتك ؟
ايه افكر ,نعم خاصه ان مستواي نازل بالدراسه ومقصره مع امي وتواصلي مع اهلي واكنسسل مواعيد واشياء مهمه عشان اقعد عليه
نصيحه او كلمه اخيره ؟
انصح كل وحده تقراء كلامي ان تسوي له جدول وتحدد الساعات المناسبه له للنت
والاشياء اللي تشوفها وتحتاجه والاشياء اللي ماله داعي تحذفها او تاجلها لوقت فراغها
اذ كان عندك اشيا مهمه بحياتك لازم تنفذينها خلي له الاولويه وخلي النت بعدين
لان موب مهم الا للضروره .
وسلامتكم أهم الشي الصراحه^^


__________________________________________________ __________

الحقيقه استمتعت وانا اقرء اجوبتك اختي
تقريبا مثل اجوبتك انا بخصوص الكسل والاهمال
ان شاء الله احاول اخذ بنصايحك
خصوصا اني متخرجه وماعندي وظيفه وكعدة البيت تملل
خلتني اتوجه للنت
شكرااا الك موضوعك مممتع


__________________________________________________ __________

ماهو اول جهاز بديتي فيه ؟ اللابتوب
كلمي عن بداية استخدامك له وكيف تقبلك له والساعات اللي تقضينها عليه؟ أقصى شيء ساعتين كبداية


__________________________________________________ __________

باختصار حياتي قبل النت طفشششششش


__________________________________________________ __________

بالتوفيق