عنوان الموضوع : عادي طاح الحطب وحلوة الحياة
مقدم من طرف منتديات نساء الجزائر

عادي طاح الحطب وحلوة الحياة






المشهد الاول

وحدة مزيونة بالحيل و حبيبة
بس تخون !!
وش أسوي بجمالها ؟!
بيآخذها الزمان و تبقى عجوز ~
{ عادي طاح الحطب وحلوة الحياة ~


المشهد الثاني

ملتزم
يصلي كل الفروض ،
و إذا تعب ، فوت صلاة الفجر
وإذا شبع راحت صلاة العصر ~
و عنده دش ويكذب كثير
و إذا صحى الصبح ، مشط اللحية
{ عادي طاح الحطب وحلوة الحياة ~



المشهد ال ثالث

غني و ظالم ،
يطرد المساكين و يستغل الضعوف
مغرور و فاسق ،
و مجلسه عامر
كلٍ يبهر له ~
و مع ذلك يجمع حسنات من كثر اللي يسبونه
{ عادي طاح الحطب وحلوة الحياة ~


المشهد الرابع

يكد يدرس و يشتغل ..
لأجل يبني مستقبله ~
تزوج و جاب عيال ، ثم تقاعد
صار يسكن في مكان ، و أم عياله في مكان
والسبب العيال
صار دار المسنين بيتهم
{ عادي طاح الحطب وحلوة الحياة ~



المشهد الخامس

تغازل و تاخذ ارقام
و تطلع مع هذا و تواعد هذاك
و يوم طاح الفاس في الراس
بكت ~
و راحت تشكي لامها غدر الزمان
طبطبت عليها امها وقالت:
ولا يهمك سفرة لمصر وشوية سيولة
و ترجعين بنت
{ عادي طاح الحطب وحلوة الحياة ~

المشهد السادس

مرفوع الكفن أبيض ،
وصاحبه وسط البياض
بعضهم يبكي .. وبعضهم عادي
دفنوه و تبكبكوا شوي
و آخر الليل سكارى ~
{ عادي طاح الحطب وحلوة الحياة ~


المشهد السابع

سيارة مسرعة ~
و تدعس لها واحد
مسكين هندي
و العسكري صديق الطايش ~
والخطأ نصه على الهندي
والباقي على أبو الطايش
و في الليل ، الطايش يلعب بلوت
{ عادي طاح الحطب وحلوة الحياة ~


المشهد الثامن

قارورة مويه ~
ما تضره !! طايحة في السيارة
يناظرها بغضب ، زعلان منها ~
و يفتح الشباك و رماها وسط الطريق
واذا اجتمع مع الشباب قال :
متى بنتحضر؟!
{ عادي طاح الحطب وحلوة الحياة ~

المشهد التاسع

أهم شي الثوب نظيف ، و الشماغ مكوي
و القلم ماركة ، والساعة تضوي ~
و الجزمة جلد والسيارة عجب ..
و تلفونه ما يسكت
إما بنات
أو البنوك تبي فلوسها ~
{ عادي طاح الحطب وحلوة الحياة ~


المشهد العاشر

سطحية ، و مغرورة
غبية ، و متكبرة و يا ريتها حلوة
تبي زوج مواصفات ~
ما يقول لا !! ويكره الاستراحات
لازم وسيم ، وأنيق ، و متعلم و دخله ممتاز
و يحب السفر ~
و بعد سنين ، تلاقي نفسها في الإنترنت
تدور واحد يقبل بها
{ عادي طاح الحطب وحلوة الحياة ~



المشهد الحادي عشر

فتح الكمبيوتر ~
و دخل للمنتدى ، و كلامه ما يتعدى
{ أن الموضوع روعة و رهيب }
و هو ما قرآه و لا يعرف كاتبه ..
بس يبي يزيد المواضيع موضوع
ويزيد همومنا هم ~
علشان يصير صاحب الألف موضوع
و يتميز
والمشكلة إنه يتميز
{ عادي طاح الحطب وحلوة الحياة ~





المشهد الأخير

الكذب اثم ومع ذلك نستخدمه
و ندري ان هذا حرام و مع ذلك نجربه
نتذكر السهرة و الفرح و السفر
و ننسى الجالسين على كتوفنا ~
و نتناسى ان معهم كتاب يسجل افعالنا و نياتنا
كل شي محسوب
حتى النظر
نسينا ان ورانا يوم علاماته قربت
ومع ذلك كلنا ناسين
أن بقيت على حالك تتناسى لازم تعرف
إن ذاك اليوم مهوب عادي
وانت الحطب
و ما به حياة~

للشاعر عبدالرحمن بن مساعد

>>>>> ردود الأعضـــــــــــــــــــاء على الموضوع <<<<<
==================================


بارك الله فيك على النقل
مشاهد صحيحة مئة بالمئة
و واقعية جدااا .. للاسف
ننتظر جديدك القادم
تحياتي
دمت بسعآدة


__________________________________________________ __________


يسلموو لكن للأسف مكرر

طاح الحطب


__________________________________________________ __________


__________________________________________________ __________


__________________________________________________ __________