عنوان الموضوع : يبقى انت اكيد المصرى
مقدم من طرف منتديات نساء الجزائر

يبقى انت اكيد المصرى






ازاى تعــرف المصـــرى من بين 1000 واحـــد ...... ؟
.
.
.

... - لو سألت سواق تاكس على عنوان وبدل ما يدلك قالك امشي ورايا .. يبقى مصري.
وعلى فكرة ساعات بيغير اتجاهه عشان عنده رغبة صادقة يوصلك وخايف تتوه

- لو صليت في مكان وبعد الصلاة اللي جنبك مد ايده وقالك تقبل الله.. يبقى مصري

- إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري ...

- لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري

- لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا

- لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات

-و لما عربية تعمل حادثة فى الطريق الصحراوى أو الزراعى , و فى ثوانى تقف
لها خمسين عربية ينقذوا المصابين و يعدلوا العربيات و لو اضطروا يشيلوهم من
على الأرض .. هم دول المصريين

- لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر

- لما تلاقي سيدة في الرايحة والجاية عمالة تدعي لأولادها وتخلى الدنيا
تدعيلهم... تبقى دي أم مصرية وطموحاتها وأحلامها الشخصية فى الحياة إن
ولادها يبقوا مبسوطين

- لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام رافعها لراسه قبل مايحطها جنب
الرصيف... يبقى ده مصرى.

- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

-لو اديت لواحد فلوس وبدأ يعدها بصوت عالي وبدأ بقوله الله واحد .. ومع
الورقة الثانية : مالوش تاني، ومع الورقة الثالثة: العدد ثلاثة .. يبقي
أكيد مصري ابن مصري

- لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

- لما تلاقي خناقة فى الميكروباص والأصوات عليت كل واحد فيهم بيحلف إنه يدفع للتاني ثمن التذكرة

-. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية

- لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصريين مصريين

- لما تلاقى اننا شايلين اكياس من جميع الاشكال والالوان تحت المرتبه نبقى مصريين

- ولما تلاقى شعب فى اكبر ازمه بيمر بيها ... مابينساش يضحك ويطلع افيهاااات
ويضحك اللى حواليه وكل العالم يتكلم عليه وعلى خفته

يبقى مــــــــــــصـــــــــرى

>>>>> ردود الأعضـــــــــــــــــــاء على الموضوع <<<<<
==================================


يبقى انت اكيد اكيد فى مصر فعلا دة صفات الانسان المصرى صدقتى ولو انتى شكلك مصرية ميةمية
تسلمى ياغاليا


__________________________________________________ __________

هي دي صفات المصريين الجميله شكر ربنا في كل وقت والجدعنه وعدم التكلف
يا حبيبتي يامصر فيكي الخير ليوم الدين ان شاء الرحمن
موضوع جمييييييييييل تسلم الايادي


__________________________________________________ __________

اسعدنى مروركم الكريم
انا فعلا مصريه وافتخر طبعا


__________________________________________________ __________

تحية من القلب الى القلب للشعب المصري بحبكم كثير و معجبة فيكم و الله
بس الجزائريين كمان جدعان و لا ايه ههه


تقبلي مروري و تحيتي و يفرحني اوي اني ارد عليكي
بنت المليون و النصف مليون شهيد
الامل جزء من الحياة


__________________________________________________ __________

يبقى انت اكيد فى مصر

تحية واحترام لاخواتي المصريات

ولكن اعتذر بشدة الموضوع مكرر