عنوان الموضوع : لكل القبايل........................
مقدم من طرف منتديات نساء الجزائر

لكل القبايل........................









...السلام عليكم ورحمة الله وبركاته...

تحياتي وإحترامي لكم...
قريت هالقصيده الرائعه..وحبيت أنقلها لكم..
وإللي عجبني فيها..
أول شي إنها تتكلم عن كل القبايل..والنعم فيهم على راسي
وثاني شي..عن آل سعود حكام المملكه والنعم فيهم والله..
أخليكم مع هذه الابيات الرائعه..


يالله يـاخالق اراضيــن وابـحار...الواحد المعــبود رازق عبـيده

الخـالق الغــفار علام الاسـرار...وفرق شعوب الارض في كل يده

وابدي واسولف من عذيبات الاشعار...ابــيات شعر والمعـاني وكيده

اشري وابيع واعرف كيـف بـختار...واختار من جزل البيوت الـفريده

واذكر تـراث وعز وامـجاد وافخار...قبائل تومن بديــن و عـقيده

وصلت حضارتنا على سطح الاقمار...ابنا الجزيرة والجزيره مــجيده

في ظل حكام لهــم فعل واشـوار... (آل السـعود) الـلي تفك الضهيده

نسل الزعيم الحاكم العادل البار...مجدد امجـاد الجــزيره بجيده

حتى اصبحت حره وحنا له انصار...في ظل اخو نوره هنوف سعيده

وصارت لابو تركي بطوله وتذكار...والفخر والامجاد تبقى شهيده

وخلف لنا املوك لهم فعل واخبار...الشعب واحد والقياده رشيده

والامن بانينه على ساس وجدار...وقرو على العابث عقوبه شديده

وحنا حماة الدار من كل غدار...وما همنا بطشه وخبثه وكيده

قبائل مالحقناهم اوعار...وعشنا بهذي الدار عيشه رغيده

والحمد لله نحمده سر واجهار...شعب تكاتف من سنين مديده

ودون الوطن جيش على كل معبار... لارفرف البيرق ونادى عقيده

بشرق البلاد وغربها دوم حضار...وارض الشمال اللي نفوده مديده

وارض الجنوب اللي تخيضر بالاشجار...جزيرة فيها القبايل عديده

ارض بها (قحطــان) وافين الاشبار...وياعز منهم بالشدايد بسيده

واذكر (عتيبــه) يوم للطيب مغوار...لا ثارت الهيجا وقرب ضديده

و(شمــر )هل الطولات والجود مقدار...اهل الكرم واهل الفعول الحميده

وقوم (اعنــــزه) مروين الاخصام الامرار...اولاد وايل من عصور عهيده

و(مطيـــر) قوم تكرم الضيف لا زرار... وياويل خصم في حراهم وعيده

واذكر (قبيلة حرب) يانعم الاخيار...وتاريخهم يحكي سطور مجيده

و(سبيــع) نعم القوم ووجيه الاسفار...زبن الدخيل ليا زبن من طريده

واذكر (قبيلة يــام) والطيب يندار...اهل العلوم الوافيه والرشيده

ثم (الدواسر) تجعل الخصم منهار...عيال زايد عز منهم سنيده

ثم (السهول) اللي لها الطيب مدرار... وعن منهج العادات ماهي محيده

ثم اذكر (العجمــان) حماية الجار...والمرجله والجاه فيهم عتيده

واذكر (بني مــره) طويلين الاعمار...ما ينقد المري ولا له نقيده

ثم (الهواجر) لابة تقدح النار...اهل الركاب اللي خطاها بعيده

واذكر (بني خـالد) قبيلة وامار...قوم لهم في المجد قول ورصيده

و(بني تميـم) اللي لها الطيب مصدار...بني تميم وكل فعل تجيده

ثم (الزعـوب) اللي بها الخصم يحتار...شجعان ماترضى سوا ماتريده

(العــازمي) وافي وفي الطيب بيطار...روحه على كل المصاعب صميده

ثم (الظفيــري) في المصاعيب جبار... والطيب والامداح باصله وطيده

ثم اذكر (الاشراف) بجلال واكبار...(اهل الحجاز) اللي تفك الزهيده

ثم (الهذيلي) له مواقف ومندار...راعي الفخر راعي العلوم السديده

ثم (البقوم) اللي لهم جيش وامهار...ريف الضيوف ليا لفاهم وليده

واذكر (ثقيـف) اللي لهم مجد وآثار...ومهما حسبنا من كلام نعيده

و(بلحارث) اهل العز بشهود واقرار... (الحارثي) ياطيب فعله وجيده

و(المالكي) معروف لا صار ما صار...في موقف اهل الطيب يبذل جهيده

واثني تحياتي عدد وبل الامطار...على (سليم) وكل خصم تكيده

واذكر (جهينه) هل مواقيف وادوار... تلقى الجهيني راسم الطيب بيده

واذكر (بلي) والمجدله فعل واظهار...وتاريخهم يحكي فعول فريده

و(بني عطيه) في المواجيب حضار...قوم بوقت الجد قوم عنيده

ثم (الحويطي) والكرامه له اشعار...ثم الشراري له فعول مفيده

ثم (الرشيدي) في الصعيبات صبار...على علوم الطيب فعله يزيده

وباقي جنوب الدار والقاف مادار...باقي على قلبي كلام واشيده


(زهران) نعم القوم في وقت الاضرار...والخصم عينه من لقاها سهيده

و(الغامدي) معروف له عزم واصرار...راعي المراجل والعلوم المفيده

و(شمران) قوم والجمايل لها اطوار...وبلقرن سم للقلوب النكيده

و(الاكلبي والمحلفي) مابعد بار...و(الحارثي) طيبه وفعله يشيده

و(بني شهر) و(بني عمر) سيف بتار...قوم على الاخصام نار وقيده

و(الاسمري) و(الاحمري) صيتهم سار...بين القبايل والمواقف شهيده

واذكر (عسير) الهول ذربين الاذكار...و(ابها) احتموها فالسنين الشديده

و(ادهم) و(الصيعر) على حد الاقطار...يحمون حد الدار من اللي يريده

وامشي مع (الساحل) مع جمله افكار...رسمتها والطير زان اتغريده

وانزل على (جيزان) تاريخ واديار...ورجال فيفا والقبايل عديده

وارجوا العذر واهل المواجيب عذار...الي نسيته مانذكر في القصيده

الواهبي عدد ابيوته بالادوار...من شاعر ماشل قلبه حقيده

(شهران) ربعي هم هل المدح والكار...واهل الكند واهل السيوف الجديده

يوم البلد مايامن الزند لاثار...زيزومنا ابن مشيط نعم الوليده

فالجهل شجعان وفي السلم تجار...من بطن بيشه للتهم لارفيده

حبيت ابين موقفي بين شعار...وارجوا سموحتكم على ذا النشيده

ماحب انافق واتعنصر تعنصار...ولا ني باطيع اهل العقول البليده

ما كل من طب البحر قيل بحار... وما كل من شل الفشق جاب صيده

فالشعر بستان به ورد وازهار...واللي تعداها بيوته فقيده

واقولها في الشعر تكرار وامرار...ضرف بلا عنوان يلغى بريده

وبعض السوالف له مواقف ومحضار...وشعر بلا معنى لزوم نبيده

وصلوا على المرسول شفاع الابرار...محمد الهادي وقدوة عبيده

>>>>> ردود الأعضـــــــــــــــــــاء على الموضوع <<<<<
==================================


مكرر يالغلا..


أنتظر جديدكــــ



جنـ وـوـون


__________________________________________________ __________


__________________________________________________ __________


__________________________________________________ __________


__________________________________________________ __________