مسابقة مدينتي تحت المجهر ...نابلس
عنوان الموضوع : مسابقة مدينتي تحت المجهر ...نابلس
مقدم من طرف منتديات نساء الجزائر
مشاركتي بمسابقة (مدينتي تحت المجهر ...نابلس)
لك في القلب حَرّة وفي الاحشاء جمرة ...يا من كنت مسقط رأسي
بين احشائك ولدت وعلى سفوح جبالك بكيت..... يا من كنت اما لي
حين عشقت كتمت عشقي بين جبليك عيبال....... وجرزيم....
لاغدوا تائهة بين سهولك وروابيك... التقط سنبلة قمح تارة
واحيانا حجرا من حجارك الشامخة القيه لاهش به على جندي
سلبني حرية الحياة في بلدي.
انها نابلس الفتية الصامدة احدى مدنك يا فلسطين:::::::: نورراية
نابلس يا زينة الدنيا
ليش بنحب نابلس
فيها فدوى طوقانابراهم طوقان
شاعرا فلسطين
قالت في شعرها
أوهام في الزيتون
في السفح الغربي من جبل
(جرزيم) حيث تملأ مغارس الزيتون
القلوب و العيون ، هناك ، ألفت
القعود في أصل كل يوم عند زيتونة
مباركة تحنو على نفسي ظلالها،و تمسح
على رأسي غذ بات أغصانها : و طالما
خيل الي أنها تبادلني الألفة و المحبة،
فتحس أحساسي و تشعر بشعوري.
و في ظلال هذه الزيتونة الشاعرة،
كم حلمت أحلاماً ، و وهمت أوهاماً
نابلس تعنى 'المدينة الجديدة'، في التوراة وبالعبرية الحديثة 'شخيم' وهي إحدى أكبر المدن الفلسطينية سكانًا وأهمها موقعًا. هي عاصمة فلسطين الاقتصادية ومقر أكبر الجامعات الفلسطينية. تعتبر نابلس عاصمة شمال الضفة الغربية إضافةً إلى كونها مركزاً لمحافظة نابلس التي تضم 56 قرية ويُقدر عدد سكانها بقرابة 321,000 نسمة حسب إحصاءات عام 2017.
بقايا جدران شكيم في الجزء الشرقي من نابلس
تُعرف أيضا بأسماء جبل النار ودمشق الصغرى وعش العلماء وملكة فلسطين غير المتوجة.
وأكبر المدن الفلسطينية مساحة.
صورة لنابلس باتجاه الغرب، حيث تظهر المدينة بين جبلي جرزيم إلى اليسار وعيبال إلى اليمين.
تاريخ المدينة
أسسها الكنعانيون قرابة 4000 ق.م، وأطلقوا عليها اسم (شكيم) بمعنى الأرض المرتفعة أو النجد [2] وهي اليوم قرية البلد الحديثة وورد هذا الاسم في نصوص رسائل تل العمارنة وتقارير تحتمس الثالث بالإضافة إلى النصوص التوراتية، مرت المدينة بعدة مراحل تاريخية تعاقبت على حكمها الإمبراطوريات والممالك الكبيرة. ففي سنة 72 م أسس تيتوس ملك الرومان مدينة نابلس الحالية وأطلق عليها اسم "فلافيا نيا بوليس" بمعنى المدينة الجديدة،
الإمبراطور الروماني فسبازيان، مؤسس "نيابوليس"
والتي تعرف حاليا نابلس.
وفي عهد هادريانوس أقام الرومان معبدا لجوبتر على جبل جرزيم مكان معبد السامرين، وبانتصار المسيحية في القرن الرابع الميلادي، إنتشرت المسيحية في نابلس وأصبحت المدينة مركزا للأسقفية. هناك عدة أماكن قريبة منها يوجد فيها مقدسات إسلامية، مسيحية، ويهودية. ومع دخول جيوش المسلمين إليها سنة 636 م بقيادة عمرو بن العاص في فترة حكم أبو بكر الصديق تحول اسمها إلى نابلس وأصبحت مدينة من مدن جند فلسطين الذي كانت عاصمته اللد ثم الرملة. بعد إن استولى عليها الصليبيون مرة أخرى (1099-1187) أعادوا تسميتها بـ"بوليس" وكانت مركزا مهما للملكة اللاتينية. أعيد بناء المدينة سنة 1202 على أنقاضها كمدينة عربية مرة أخرى.
خضعت نابلس لحكم العديد من الأباطرة الرومان على مدى 2,000 سنة. وفي القرنين الخامس والسادس للميلاد أدّى نزاع بين سكان المدينة من السامريين والمسيحيين إلى بروز عدد من الانتفاضات السامرية ضد الحكم البيزنطي، قبل أن تقوم الإمبراطورية بإخماد ثوراتهم هذه بعنف، مما أدى لاضمحلال عددهم في المدينة. فتح العرب المسلمون، في زمن خلافة أبي بكر الصديق، هذه المدينة وباقي فلسطين وبلاد الشام، وفي هذا العهد عُرّب اسمها ليصبح نابلس بدلاً من نيابوليس، وازداد عدد المسلمين من سكانها وأخذت البعض من كنائسها ومعابدها السامرية تتحول إلى مساجد شيئاً فشيئاً. سقطت نابلس تحت الحكم الصليبي عام 1099 قبل أن تعود لحكم المسلمين الأيوبيين والمماليك بعدهم.
أصبحت نابلس عاصمة سنجق جبل نابلس في العهد العثماني، وكانت في هذه الفترة سنجقا تابع لولاية دمشق ومن ثم تبعت لمتصرفية البلقاء. خضعت المدينة للحكم المصري الذي دام تسع سنوات في بلاد الشام، في العقد الثالث من القرن التاسع عشر، قبل أن تعود للحكم العثماني، فالبريطاني، عندما انهزمت الدولة العثمانية في الحرب العالمية الأولى وخضعت فلسطين للانتداب البريطاني. سقطت نابلس تحت الاحتلال الإسرائيلي عام 1967 حين سقطت الضفة الغربية بأكملها.
تُشتهر المدينة بصناعة الصابون القديمة، وبالكنافة النابلسية، التي تعتبر من أشهر الحلويات الشرقية في بلاد الشام، بالإضافة إلى بعض المنتجات الزراعية مثل الزعتر النابلسي والجبن النابلسي.
خصائص جغرافية
المساحة (كم²) 85 كم2 (32.8 ميل مربّع)
السكان
التعداد السكاني قرابة 321,000 نسمة
الكثافة السكانية 540 نسمة/كم2 (1,398.59 نسمة/ميل مربّع) (تعداد سنة 2017[2])
معلومات أخرى
خط العرض 32.21667
خط الطول 35.26667
التوقيت EET (توقيت شرق أوروبا +2 غرينتش)
التوقيت الصيفي +3 غرينتش
الرمز الهاتفي 00970
صورة من الجو
فصلي الشتاء والربيع في نابلس
ليش بنحب نابلس
من نهفات اهل نابلس أو كما
يقولون النوابلسة ..........الاتي
1. لانه كل المحلات في البلد والقهاوي والتكسيات لازم بسمعوا ام كلثوم اخر النهار.وصحاب المحلات حتى اصحاب البسطات بكونو حاطين نفس تمباك باب المحلات وقاعدين اخر النهار
2. لانه وانتا ماشي بالخان كل صحاب المحلات بقولولك اتفضلو عمي. او تفضل عالمؤسسة
صورة للخان يعني السوق القديم
3. لانه في نابلس بتقدر تعيش نهار كامل (تفطر حمص وتتغدا عجه وتتعشا فلافل وتميل عقهوه وتسحب نفس تمباك او معسل ) بس حركة 15 شيكل
4. لانه في نابلس شو ما يصير اجتياحات ويدخلو اليهود بتلاقي انه الناس بعدها بدها تعيش وبعد ما يطلعو اليهود بتلاقيهم عبو البلد والشوارع. وكل واحد بحكي عن بطولاته مع الجيش.
5. لانه في نابلس بسرعه بتنتشر الاشاعات والاخبار فش اشي مخبا يابا !
لانه في نابلس كل الناس بقربو لبعض وكل الناس بتعرف بعض وكل الناس بعرفو اخبار بعض.
6. لانه في نابلس كل الناس بتكون بتكزدر في البلد ليلة وقفة العيد ومعجوقين .ومش شارين اشي.
يا ليلة العيد انستينا .......... ليلة العيد
7. لانه في نابلس في كنافه ومدلوئه وكلاج وعوامه وقطايف و نواشف و بلوريه وكل الحلويات الزاكيه.
المدلوقة النابلسية من الحلويات المشهورة
[الكنافة النابلسية]
اكبر سدر كنافة بالعالم دخل موسوعة جينز
8. لانه في نابلس بتكون مصاحب تنين ما الهم علاقه في بعض بعد مده طويله بتكتشف يا انهم قرايب يا انهم بعرفو بعض من زمان يعني البلد شبكة.
9. لانه في نابلس في عكوب والزلام قبل النسوان بعكبو لما يبلش موسم العكوب .وكل الناس بتخزن ابصر اكم كيلو لطول السنه.
10. لانه في نابلس اللبن 3 "تلت" انواع نعاج وسمار وبقر. وبيجي في مرتبانات قزاز ولازم تاخد معك الفاضي لما بدك تشتري لبن لانه ما برضى يعطيك اياه صاحب المحل بدون الفاضي او بحطلك اياه بكيس.
11. لانه في نابلس كل الناس في النهار بتكون تكزدر وتلفلف في البلد وفي الليل نفس الشباب والبنات بتلاقيهم بكزدرو في رفيديا.!
اخذت من عمارة الرحاب من فيروزيات نابلس
12. لانه في نابلس اول ما تتعرف على حد جديد يا بشبه عليك يا بسألك عن واحد من عيلتك شو بقربلك يا بقولك "شو بئربولك دار فلان الي فاتحين ابصر وين"
13.. لانه كل شوارع نابلس مفتوحه ع بعض يعني مستحيل تضيع بنابلس ولو تضيع وتسأل واحد في الشارع عن المكان الي رايح عليه بتلاقي كل الي في الشارع صارو يدلوك ومن كل قلبهم بكونو نفسهم ما تضيع وتوصل للمكان الي بدك اياه.
14. لانه في نابلس لما تصير طوشه بتلاقي نص مليون واحد متجمعين. وكل واحد بسأل التاني شو في؟
[جامعة النجاح الوطنية ]
15. لانه من نابلس ابراهيم طوقان وفدوى طوقان ولانه كتير ناس مشاهير عيلتهم النابلسي او عيلتهم بتلاقي اصلها من نابلس ولانه في نابلس مكتبة البلديه وجامعة النجاح وفي نابلس كمان حارة الاريون وحارة الياسميه والحمام التركي وحمام السمرا و في الصابونه النابلسية ولانه نابلس من المدن العريقه في الوطن العربي.
حارة القصبة في البلد القديمة
اهم ما تشتهر به نابلس صناعة الصابون
ترى هل هي قطع من الفسيفساء ام ماذا ؟؟؟؟؟؟؟؟؟
انها قطع صابون رسم بها فنان لوحة جميلة جدا ليشير الى اهم صناعات المدينة
16. لانه نابلس من اول المدن الي كان فيها سينما يعني سيدي الي عمره 70 سنه لحق السينما بايام شبابه .
17. لانه عند كل الناس غدا العرس يوم العرس الا عند اهل نابلس تاني يوم العرس .
و لإنه بس أهل نابلس بغنوا إمه يا إمه في العرس و المباركة و بدونها ما بنفع العرس
18. لانه في نابلس تالت يوم العزا بعملو دلايل وبجيبو كنافه .
19. لانه كل اهل نابلس بحبو نابلس وما بحبو يطلعو منها .
20. لانه في نابلس دايما بتلاقي تنين صحاب واحد نابلسي والتاني فلاح ودايما متناقرين بس عن مزح
21. لانه في نابلس اغلب شفيرة التكاسي بسمعو لمصطفى كامل ولحمادة هلال !
22. لانه لهجة اهل نابلس فش زيها و في مصطلحات فش زيها " الله يزلك " ،كتل ما بدك وابوصوروش "ومووتيي" وابصر شو !
23. لانه في نابلس في ناس من 3 اديان عايشين ومبسوطين وعمره ما صار بينهم مشاكل(مسلمين ومسيحيه وسمرا)
[حمام السمرا]
وايضا من الحمامات القديمة والمطورة
24. لانه في نابلس لما تشتريلك لبسه وتفكر حالك جايب اشي جديد تاني يوم بتلاقي نص شباب البلد لابسين نفس اللبسه.
25. لانه في نابلس ما بدفي الدنيا شوي الا بتلاقي كل اهل نابلس يوم الجمعه نزلو عالباذان
26. لانه في نابلس ما بفتح مطعم جديد او قهوه جديده بتلاقي كل الشباب راحو عليه . وبعد شهر ببطل يفوت عليه حد .
27. لانه في نابلس اذا فتح محل اشي جديد ومشيت معه كلها شهر زمان وبتلاقي نص اهل البلد فتحو محلات متله.
28. لانه كل شباب نابلس يا بشجعو ريال مدريد يا برشلونه .ودايما متناقرين.
لإنه في نابلس البنت بتاخد كل حقها من الميراث إلا إزا اتخلت
عنه برضاها
ولانه لما تمشي بالبلده القديمة بنابلس بتشوف بتحس كانك ماشي في الحميدية او البلدة القديمة بالشام
ولانه في نابلس فيها التمرية السخنة وحلاوة بزلابية وقرس الثوم وكمان بتلاقي الغني والفقير بياكلوها
ولان في نابلس لما كان يصير منع تجول بتلاقي التكافل على اصوله وبتشوف خبز الطابون والزيت والزيتون اللي بيرسلوه
اهل القرى المحيطة بالمدينة عبر الجبال والطرق الوعره
ولانه في نابلس من زمان صوت الاذان موحد في كل الجوامع
يعني اللي بياذن شيخ واحد
من اهم العادات والتقاليد التى يتمسك بها اهل مدينة نابلس
فى شهر رمضان المبارك
ولانه في نابلس ازكى حمص وفلافل وفول في العالم ولما تروح على المطعم بحطلك صاحب المطعم زيت زيتون وتصليحة بدون ما تتطلب
ولانه بنابلس كتير عادات كويسة ما بتلائيها باي مدينة ثانية
وسط المدينة
نابلس الجديدة
ليل نابلس
ههنا نابلُسْ
ههنا الواقفونَ الرماة ْ
ههنا العابرونَ القساة ْ
ههنا الساحراتْ
أجملُ العاشقاتِ التي وهبت عشقها
واستردَّت من شفاهِ الموتِ ناراً للحياة ْ
في كتابِ الخالدات ْ
ههنا نابلسْ ...
شعر
أيمن اللبدي
هذه مدينتي بأهلها وناسها وعاداتها وتقاليدها
هذه بلدي ومدينتي تحت المجهر وان كانت الكلمات لا تسعها السطور
ربي يحماها وجميع الدول العربية
>>>>> ردود الأعضـــــــــــــــــــاء على الموضوع <<<<<
==================================
مشكوره تجنن ربي يحررك ياالارض المباركه عاجلا غير اجل
__________________________________________________ __________
آمين يا رب
بوركت حبيبتي
__________________________________________________ __________
__________________________________________________ __________
تسلمي يا صفصف الحلوة
سعيدة بمرورك حبيبتي لك ودي
__________________________________________________ __________
ما شاء الله والله نابلس وكل المدن الفلسطينية اكثر من رائعة يارب حررها عن قريب
مشاركة رائعة نورراية
تقيميي لك
رد مع اقتباس
