عنوان الموضوع : عسى من لامنى حسيرن كسير سياحة و سفر
مقدم من طرف منتديات نساء الجزائر

عسى من لامنى حسيرن كسير



اي والله جعله حسيرن كسير صح لسانتس يالحصي هههه..
بالله يالحصي وجهي الكيمره علي خليني ابدى اقووص عليهم من قصصي والا اقول لتس شفريني احسن عشان يعدي الموضوع على خير ..!
مسهم بالخير حيى الله الوجيه الطيبه شلونكن عساكن بخيراات ان شاء الله المهم يومن من الايام كالعاده وهو الخميس احن واطن على اهلي لين يطلعوني مايجون هم من انفسهم يقولونه من المستحيلات هذي يطلعون البر والا غيره هااو بس منتيب صاحيه نطلع في ذا البرود تبينا نموت من البرد وان جا الصيف تبين تجينا ضربه شمس ربع اهلتس ياهيلوه واجد .. والا عاد جدتي تقول اصلا وشوله تطلعون مايطلع الا اللي بيته صغير واللي بيته كبير وشوله يطلع الله لا يعاقبكم بس تروحون تضايقون على المسلمين ياحليلتس ياجدتي بس ماشفتي الناس اللي يدوجون في كل مكان تقل نمل والله ان يرتفع ضغطتس وسكرتس لو تشوفينهم .. اخ بس متى اجي لسيدتي وانا فاقتن خشتي معي تقرير لباريس والا جنيف واجي اقص عليكم بذا صدق من قال حلم بليس بالجنه لو اشبر شبر صورته لكم ياصبركم علي بس ..
المهم اكيد من شفتو وجهي اللي مليان مشقات محشي بالتراب ومشهب وحالته حاله بتدرون ان الصور صور كشته عبنده واضح انهم طالعين طلعه ماخططو لها جت في يوم وليله من نشبتي في الهيس الاربد وهالطلعه فيها عين تسلب غرزت سيارتنا مالومها والله يوم تغرز بلاه من الحموله اللي عليه .. والدباب انقلب بااخوي عاد هذي عيني فيه من ركب وانا اقول هب عليك تفحط وموسع صدرك وانا قاعده انزل العفش .. ويوم مشينا نسم الكفر اللي انا قاعده عليه هههههههههههههههههههههه الله يغربلني تساني عقوبه على اهلي ..
المهم مالكم بالطويله اخليكم مع الصور ..



هذي عفوشنا والعزبه وفروتي احسبه برد بيلشطنا طلع الجو زوين ..



وصلنا على خير وفتح اخوي السياره وقال يالله نزلي العفوش مهيب شغلي وانا ادعي عليه اقول قل امين جعل مرتك ما تجي السنه الجايه الا وهي معنا واكرفها ههههههههه ماسمينا حموله عبث ..



فرشنا الزوليه ونثرنا الترامس وقعدنا نتقهوى بتلاحظون ان فنجال القهوه هو الوحيد اللي سلم من الذبابين اللي يحومون حولي ,,


هههههههههههه تمر بالذبابين لحول بس والله وانا اعلج احس بجناح ناشب بضروسي ..



اصب وانا عيني فيهم خاف تطب وحده وتسبح عاد وش بيقومني اغسل البياله لوها لي شربتها بس فشيله لخالتي هههههه ..


ياذا الذبان اللي ملاحقني بكل رقعه --> والله من الوصاخه ..! حليب نياق قصصدي ابو قوس هههههههه ..



بدى اخوي يفسر ذرعانه بيطبخ لنا كبيسه عاد متحمس بيورينا طبخه ..



في هالشنطه المطبخ بكبره ..



الكبيسه وهي تطبخ وانا سعابيلي تقوطر من الجوع ..



حطب ابي اشبه وعيو علي حتى في البر قيود ..
بعد انا منيب صاحيه الجو زين وبشب والله اني بعد فيني فتسره بس ابي ريحته تعطعط وتدخل بخشمي يقولون زين للجيوب الخشميه ..



قضىىىىىىى الغدى مابغى ..


عاد انا متوقعه في ذا الكبسه اي شي شين ياشين التحطيم بس بس اشوى طلعت زوينه الله يعافيك ياخوي الحقنه ماقصرت وانت تعرج تطبخ ..



أفرغنا الغدى اللي لونه مدري وش يبي بس يقولون اهم شي الطعم والجوع كافر مع الجوع تاكل لو حصى --> الله يمكر بتس منيب كفو انتي هههههههههه ..



حطو الغدى وراحو يغسلون بااخو تايد اللي هو بونكس ..



نكمل الصور ..






بدينا في الزرط .. ههههههههههههههههههه اهم شي البصله الواقفه منظر خورافي .. --> جعلتس تخرفين استغفر الله !



لبينه ناوين نجيب كريمه دانيت بس قال اخوي وينا فيه شايفتني حمودي !! --> فيس يطالع هيله ومتمزع ضحك ..


زلطه قطعتها امي في ثواني ..



بووووع الحمد لله يالله من فضلك



للتسلابه .. واقد الحيوانات البريه<< ياكبرها يوم طلعت تقولون اني مثقفتن الا شوي..


عاد يوم قضيت وعبيت كرشتي بديت ادور واخذ زوم واصور اخ بس قهر ليتنا مطعسين ..













ذي اخر صوره كشته شباب يوسعون الصدر لعب كوره وفله .. --> متاكده انتس بنت ؟



يالله عاد مع السلامه ونشوفكم ان شاء الله بالمخيم مثل تخييم العام اللي راح على اني داريه انه مب حاصل الا بطلعه الروح بالمحايل سنين ومنين مير الله يلين روس الكبار ..

ملاحظتن مهمة مهمة مهمة..
رجائن لوسمحتن
ردن علي ياللي دخلتن
ترى الواحد يتعب ويحط
وان تسانت كسولة اختاري صورة من اللي ع جنب وحطيها
وقيموني بعد
تراه الميزان اللي تحت اسمي اخر شي جنب التوقيع يمين<< وصفت من قلب عشان مااحد يتعذر..

>>>>> ردود الأعضـــــــــــــــــــاء على الموضوع <<<<<
==================================


ههههههههههههههههههههههه اثاري عينك قويه اللي طرحت اخوك من الدباب
وش ذنبها حرمة اخوك علشان تشغلينها شغلي اخوك يا وخيتي هي ما لها ذنب
وليه ما صورتي من اللي قطع البصل وكشن الغداء
وبعدين شكل غداكم محترق صح والا لا اما عاد الزلط رووووووووووووووعه
وراك ما صورتي نفسك كان ودي اشوفك ولك احلى تقيييم ولا تزعلين


__________________________________________________ __________

خخخخخخخخخخخخخخخخخخ دووووووبا يا زرووووووووووعتي \يسلمو


__________________________________________________ __________

الله يعطيك العافيه


__________________________________________________ __________

هلا وغلا ويا مسهلا ياحيا الله الغالية موضوعك حلو مره وكبستكم شكلها لذيذ ياعله مداخيل العافية وتستاهلي النقاط يا حياتي
تقبلي مروري وتحياتي
اوراد


__________________________________________________ __________

ههههههههههخخخخخخخههههههههههههخخخخخهههههه


موتيني ضحك والله قمت اشاهق من الضحك


طلعتن ما فيه زيها واتوقع اللي مزينها الحصي امزح انتي اللي منوره بهالعيله 00000الله يخليهم لك

اما الفروه حاطتها مع عزبه الطبخ ليش؟

بالله عليك الخال ما قال علامك بس تصورين والا عارف المساله ههههههه

اقول قمت انشدتس كانتس على كرسي الاعتراف خخخخخخخ

مشاء الله تبارك الله اعجبني ترتيبكم ومكانكم الزين000000000000000خبره طلعات

والزلطه شكلها مشهي شكلي ابي اقوم اقطعلي زلطه اشتهيتها 00000

وحليب النياق قصدي ابو قوس واشك في هذا احسه مغري

الله لا يغير عليكم ويزيدكم طلعات ووناسه ويخليلك الوالد والوالده يارب

لك مني احلى تقييم تستاهلي على هالتعب اللي تعبتيه0000000000

استفسار بسيط

الدعايه على بونكس صحيحه انه زين وريحته طيبه بحكم تجربتكم0000


تقبلي مروري00000000