[..:: خوفي أنسأل عنك وتفضح عيني دمعاتي وإذا قالوا حبيبك وين ؟ يضيع الرد بشفاتي ::..]
عنوان الموضوع : [..:: خوفي أنسأل عنك وتفضح عيني دمعاتي وإذا قالوا حبيبك وين ؟ يضيع الرد بشفاتي ::..]
مقدم من طرف منتديات نساء الجزائر
[..:: خوفي أنسأل عنك وتفضح عيني دمعاتي وإذا قالوا حبيبك وين ؟ يضيع الرد بشفاتي ::..]
السلام عليكم
بعد تفكير عميق في احداث روايه لم تتطرق لها باقي الروايات
احببت ان اضع بين ايديكم مولودتي الاولى
...................... blue rubies.....................
[..:: خوفي أنسأل عنك وتفضح عيني دمعاتي
وإذا قالوا حبيبك وين ؟ يضيع الرد بشفاتي ::..]
...................... blue rubies.....................
اتمنى انها تنال اعجابكم وارجو منكم التعليق في احداثها وفي
الاسلوب
:: البارت الأول ::
( 1 )
ـ قبل عشر سنوات ـ
جاء يركض لها وهو يلهث
......: راح امشي الحين بسافر مع اهلي امريكا
..: انا ابيك لاتروح عني منو يلعب معاي محد يحبني
( دمعت عيونه ) ..: اهلي بيسافرون لازم اروح معاهم لازم ودي اكون معك , العب معاك , اقص لك قصص
..: اجل ليش بتروح ( تصيح )
حضنها بقوه
..: صدقيني راح ارجع لك ، اوعدك راح ارجع
تركها ومشى بخطوات سريعه هي تطالعه وفي عيونها الدمووع ركب السياره من وراء مع اهله وجلس يطالعها من نافذة السياره اللي وراء
قامت تلحق السياره بعدين طاحت في الارض
...................... blue rubies.....................
وصلت السيارة للمطار نزل ونزلوا امه وابوه
دخلوا المطار وقدموا جوازاتهم وصعدوا الى الطياره
ركب الطياره وهو متأثر كيف يتركها هي حبيبته وروحه وحياته
هي حب الطفوله والشباب
هو اللي يأكلها هو اللي يلعبها هو اللي ينومها هو ابوها وامها
أمه ..: ليش سرحان ..؟ تفكر فيها
...: ( لا تعليق )
أمه ..: انساها انت راح تدرس في امريكا وهي راح تتزوج
..: بس انا راح ارجع لها وانا رجال وكلمتي في محلها
أبوه ..: اكيد رجال عمرك 15 أنت اللي بتساندني
( يصارخ ) ..: كله منك وشغلك في هذي السفاره .. تكفى يبه خلنا نرجع ما نبيك تكون سفير مانبي شي منك بس نبي نرجع
أمه ..: خلاص عاد مصختها
........ صمت ........
...................... blue rubies.....................
أمها ..: قومي اكلي
..: مابي لو هو هنا كان اكلني بإيده
أمها ..: حرام عليش لاتسوين في عمرش كذا
..: مابي , مابي منكم شي
ابي ترجعون لي يوووووووووووسف
قامت راحت لغرفتها وهي تصيح انبطحت ع السرير وهي تشاهق
في صياحها
جلست تصيح ما نامت الا بعد ماتعبت من الصياح
...................... blue rubies.....................
في الصباح
دخلت امها الغرفه علشان تصحيها للمدرسه لانها في ثالث ابتدائي
مو راضيه تروووووح
صار لها اسبوع وهي على هذي الحاله لا اكل لا شرب لا نوم عدل وكله صياااااح
...................... blue rubies.....................
ـ بعد عشر سنوات ـ
رنا منبطحه على بطنها وحاطه سماعات الاستيريو في اذنها وقامت تهز يمين ويسار
دخل خالد وهو يتحمد : الحمد لله على نعمة العقل
طالعت فيه قامت سحبته وجلست تحرك يده علشان يرقص معاها
قام يضحك على هبالها
شال سماعه وحده من اذانها وقال : انتي متى بتعقلين وتكبرين
قرصته في خده وقالت : لمن انت تعقل
وانحاشت
دخل المطبخ وشاف اخته ريهام تذوق بالملعقه الشوربه
ريهام مانتبهت فيه : اممممم لذيذه بس مو كأنه يبي لها شوية ملح
خالد من وراها ( كاتم الضحكه ) : أي يبي لها
ريهام طاحت الملعقه على رجلها وقالت : احححح تعور
يمه ايش جابك خرعتني
خالد ( يتميلق ) : جابتني رجولي منو جابني يعني
ريهام ( دفته بقوه ) : وخر عني بس وخر
...................... blue rubies.....................
أم تركي و أبو تركي جالسين في الصاله يشربون شاي وقهوه ويسولفون
دخلت عليهم دلع
دلع : هااااي
أبو تركي عطاها نظره وقال : وعليكم السلام والرحمة
دلع : باباتي يابعد قلبي لاتطالعني كذا تراني اخاف موت
ام تركي : اتركي عنك هالدلع واجلسي
دلع ( بوزت ) : طيب وهذا انا جلست
بو تركي : حبيبتي ايش سويتي اليوم بالمدرسه ..؟
دلع : عادي مثل كل يوم مافي شي جديد بس ..
بو تركي : بس شنو ..؟
دلع ( ضربت راسها ) : كيف راح عن بالي الحين بتعصب علي
ام تركي ( خافت ) : الله يهداش شفيش خوفتينا
دلع ( تتكلم بغنج ) : بس هموووس عازمتني اليوم انا وبنات عمتي عاد نسيت مدري كيف راح عن بالي
بو تركي : لك الحمد يارب خوفتينا على شي مايستاهل روحي يمهم محد قالش لا
ام تركي : لا تخليها تروح كافي عليها هالدلع
دلع ( تتمسكن ) : يمه
ام تركي ( عصبت ) : وصمه
دلع : يبه شوفها
بو تركي : كلش ولا دلع خلاص روحي تجهزي يابنتي وخلي تركي يوديش , تركي هاه مو السواق
دخل عليهم تركي
تركي : السلام عليكم
الكل : وعليكم السلام
دلع ( بضحكه ) : ذكرنا القط جانا ينط
تركي ( طالعها بنظره ) : خير
ام تركي ( تضحك ) : كل خير
بو تركي : بس كنا نقول انك بتودي دلع لبيت عمك
تركي : تامر يبه بس هذي لما تتأدب راح اوديها
دلع : يبه ماقلت شي انا
تركي : اعتذري اول وراح اوديش
دلع : ماراح اعتذر واذا انت ماراح توديني السواق يوديني
بو تركي : وهذا يمي تقولين كذا شقلنا , خلاص اعتذري من اخوش
دلع : راح اعتذر بس ( تطالع تركي ) مو علشانك انت ( تطالع ابوها ) علشان ابوي حبيبي ( لفت على تركي ) اسفه تركي
وجلسوا يكملون سوالفهم اما دلع راحت غرفتها تتجهز
...................... blue rubies.....................
..: ميرياتي ميرياتي , ميرياتي وصمخ
نزلت من الدرج ( تتحلطم ) : اووووووووف
وقفت عن الدرج من تحت : ميريااااااااااااتي ماتسمعين
ميرياتي جات لها تركض : نعم ماما ايش في يبي
همسه : بخرتي غرفة الضيوف ..؟
ميرياتي : لا ماما مابعد في الحين بخر
.. رن الجرس ..
همسه ( ضربت رجلها بالارض ) : اووووف الحين اهم جاوا وانتي بارده روحي فتحي الباب
راحت ميرياتي تفتح الباب وهمسه واقفه تطالع نفسها في المرايه وتعدل شعرها
دخلت ميرياتي ودخل وراها حمد
همسه : حمد حبيبي, فكرت انا جاوا ضيوفي ( ومشت عنه )
حمد ( بوز مسوي نفسه زعلان ) : حبيبك بالكلام وين الحلى والشاي
همسه قربت منه ومسكته من كتفه : الحين اخلي ميرياتي تجيب لك اللي تبي
قالت لميرياتي تحط لحمد الحلى والشاي راحت اهي غرفة الضيوف تبخرها
...................... blue rubies.....................
ريهام ورنا في السياره مع خالد وصلوا بيت خالهم بو سعود
خالد : سلمي على خالي وزوجة خالي وعلى البنات
ريهام : ان شاء الله
رنا ( غمزت له ) : البنات .؟ مافي الا بنت وحده
خالد ( بحده ) : يعني همسه ودلع
ريهام ( لفت على رنا ) : بس عاد ياللا نزلي ..
رنا نزلت من السياره مع ريهام
ورنوا الجرس
ميرياتي فتحت الباب ودخلوا
همسه ( بفرحه ) : هلا والله بالطش والرش مابغيتوا تجون
ريهام حضنت بنت خالها وباستها : هلا فيش يابعد قلبي اشتقت لش
رنا دزت اختها : خليني اسلم على بنت خالوو
هلا الله بهموووووووسه قلبي
همسه : هلا فيك حياتي , تفضلوا
دخلتهم غرفة الضيوف وجابت لهم ميرياتي الماي
ظلوا يسولفون شوي الا دخلت عليهم دلع
دلع : افاااا تسولفون بدوني
قامت لها همسه : ماتحلى الجلسه بدونش
قامت ريهام ورنا وسلموا عليها
وجلسوا يسولفون
...................... blue rubies.....................
بكاء طفله وهذي أول ثواني لها في هذي الحياة
...: لازم تتخلصين منها
....: لا هي حياتي هي قطعه من ابوها انه احبه
...: لكنها بنت حرام وهو اغتصبش ورماش
( تصيح ) ....: بسسسس تكفين لاتقولين كذا , تكفين
في جهة اخرى من المستشفى أم و أب يصيحون
وهي تمشي في ممرات المستشفى : شفيهم ليش يصيحون
سألت احد الدكاتره وقالها عن طفلتهم المريضه بالقلب واللي يمكن تموت بعد ساعات والام ماراح تقدر تجيب غيرها
فكرت فكرت وفي نفسها : لازم اتخلص من هالطفله لازم
راحت لهم وقالت لهم : بعطيكم بنت بنتي وعلمتهم السالفه وربوها كأنها بنتكم
وافقوا بسبب حبهم للاطفال وشغفهم وانتظارهم سبع سنوات
...................... blue rubies.....................
عند البنات حطت لهم همسه العشاء وجلسوا ياكلون
ريهام : محتاره اروح اشتغل في البنك الي قال عنه خالد ولا
دلع : لاتفوتين هالفرصه , منو تحصله وظيفة هالايام مافي وظايف
ريهام ( تفكر ) : اممممم صح كلامش , يعني خلاص اقول بسم الله
همسه : بدون ماتفكرين روحي قدمي اوراقش
رنا : الا صحيح مافي اخبار عن يوسف , ماتصل عمي ماقالوا متى بيرجعون
ريهام ودلع وهمسه تغيرت وجيهم
ريهام عطت نظره لاختها علشان تسكت
رنا تطالعم : ماقلت شي انا
...................... blue rubies.....................
تركي : يبه للحين دلع مادقت ان شاء الله بتطول اكثر من كذا ترى مصختها من المغرب وهي في بيت عمي
ام تركي ( ردت قبل ما يرد ابو تركي ) : ايش عليك منها خلها تنبسط
رد تركي : بس يمه .....
قاطعه ابوه : خلها اهي مو جالسه في بيت غريب هي في بيت عمها
تركي : بس
ابوتركي( قاطعه ) : وبس , قلت لك بس , خلاص سكر السالفه
تركي : امرك يبه
...................... blue rubies.....................
عائلة بو سعود
عنده ولدين وبنت
سعود : راح نتعرف عليه بعدين
حمد : طويل , اسمر , وسيم , يلفت الانتباه بسبب شخصيته المفرفشه
عمره 22 سنه
همسه : طولها متوسط تخاطيط وجها ناعمه وفيها جاذبيه كبيره من ناحية كلامها وشكلها شعرها لنص ظهرها لونه كستنائي حبوبه وطيبه دلوعه بس على معنى عمرها 18 سنه في ثالث ثانوي
...................... blue rubies.....................
عائلة بو تركي
عنده ولد وبنت
تركي : عصبي عنده اهم شي الاحترام , مملوح , ملامحه جذابه اذا ابتسم بس اذا عصب تخافين منه عمره 27 صديق مع ولد عمه سعود
دلع : شعرها لظهرها لونه اسود ناعمه جدا فيها دلع مو طبيعي على اسمها حبوبه تنحب بسرعه عمرها 18 سنه في ثالث ثانوي
...................... blue rubies.....................
عائلة هند
الأب والأم متوفيين في حادث
بس عندهم ولد وبنتين
خالد : ابيض , وسيم , حبوب مره خاصة مع خواته , طيب وحنون لدرجة كبيره مايقصر على خواته بشي عمره 26
ريهام : طولها متوسط , سمراء , بس مملوحه , شعرها طويل ثقيله وطيبه عمرها 22 توها مخلصه جامعه
رنا : ملامحها طفوليه , شعرها قصير , فيها رجه مو طبيعيه وغير اللقافه عمرها 19 سنه بس شكلها اصغر من عمرها
...................... blue rubies.....................
توقعاتكم ..
منو اللي يحبها يوسف .. ريهام , همسه , دلع ..؟
شنو قصة البنت المغتصبه , ومنو اغتصبها ..؟
...................... blue rubies.....................
اتمنى البارت الاول يعجبكم واذا عجبكم
راح اكمل
الكاتبه :: blue rubies
>>>>> ردود الأعضـــــــــــــــــــاء على الموضوع <<<<<
==================================
اتمنى تفاعل من الاعضاء
عشان احط البارت الثاني
واتمنى الرواية تنال اعجابكم
__________________________________________________ __________
؟؟؟؟؟؟؟؟؟؟؟؟
__________________________________________________ __________
:: البارت الثاني ::
( 2 )
الساعه 12 طلعت من الغرفه وهي تمشي شويه شويه بدون محد يحس دخلت الغرفه بشويش صقعت بالطاوله وطلع صوت خافت ان الممرضه تصحى من نومها صارت تتلفت يمين ويسار
في نفسها : الحمد لله انها ماصحت
بدلت بين الطفلتين وطلعت ولا احد يدري عن فعلتها
...................... blue rubies.....................
رن تلفون تركي
تركي : نعم
دلع ( بتكبر وغرور ) : الله ينعم عليك
تركي : وينك لهلوقت
دلع ( تتميلق ) : في جيبك , يعني وين,,؟
تركي : اخلصي ايش تبين ..؟
دلع : ابيك تمر علي بيت عمي
تركي ( بكل برود ) : وين السواق عنك خله يجيبك انا مو فاضي
دلع ( بثقه ) : متأكد
تركي ( بكل وثوق ) : متأكد ونص بعد
دلع : رنه وحده على ابوي ويجيك تهزيء محترم
تركي : احترمي نفسك وبعدين لو انا بجيك علشان ابوي مو علشانك
دلع ( بوزت ) : طيب
تركي : اي تعدلي وبعدين قوليلي اسفه تركي حبيبي تعالي بيت عمي
دلع في نفسها : اووووووف
بس ضغطت على نفسها وقالت : تروك بعد قلبي حياتي انت ممكن تجيني بيت عمي
تركي ( يبتسم ) : دام كذا اكيد راح اجي لش
...................... blue rubies.....................
جاء خالد لريهام ورنا سلموا على دلع وهمسه وطلعوا
ركبوا السياره
ريهام ورنا : السلام عليكم
خالد : وعليكم السلام , ها استانستوا معاهم
ريهام : أي ...
رنا ( قاطعتها ) : اكيد هذي همسه ودلع
...................... blue rubies.....................
جاء تركي لدلع وطلعت من بيت عمها
طلعت همسه من غرفة الضيوف ودخلت الصاله جلست شوي الا دخل حمد طالعت الساعه وقالت : لا كان جيت كان نمت مع ربعك
حمد ( عصب ) : ماني رايق لش وبعدين مالش دخل متى ماحبيت اجي بجي ( رفع صبعه لراسه ) كيفي
همسه قامت عنه : اكيد بكيفك خل انام احسن لي
صعدت غرفتها وبدلت ملابسها
...................... blue rubies.....................
جالسه تصيح وهي منبطحه ع السرير
وتقول : ليش يذكروني فيك , ليش ..؟ ليش يسألوني عنك انا ماعرف عنك شي انقطعت اخبارك
اه ياقلبي لي سنين وانا انتظرك , انتظر حبيبي , ابوي , امي
اشتقت لك , اشتقت لدلعك لي
آه يايوسف مرضي ماله علاج الا وجوودك
تشاهق في الصياح ليما نامت
كل ليله تذكره بس اذا احد سألها عنه ولا سمعت طاريه
يزيد عليها المها
...................... blue rubies.....................
مافي شي جديد يروحون المدرسه ويجون وريهام توظفت في البنك
وجات ايام الاختبارات وانتهت
نجحوا البنات
دلع , همسه
...................... blue rubies.....................
..: السلام يااهل البيت مافي احد هنا
همسه : سعووووووود هلا والله
سعود حضن اخته : هلا همسه اشتقت لش
همسه ( بوزت ) : ولا تقول لنا انك راح تجي
سعود ( ابتسم ) : حبيت اسوي لكم مفاجأه
همسه ( باسته في خده ) : واحلى مفاجأه
طلعت ام سعود من المطبخ
ام سعود : ياهلا بولدي بعد حيي اشتقنا لك يمه
سعود ( باس راس امه ) : وانا اشتقت لش يالغاليه
ام سعود مسكته من ايده وجلسته ع الكنب : اجلس يمه قولي عن اخبارك
جلس سعود معاها وجلست همسه وجلسوا يسولفون
...................... blue rubies.....................
خالد يدير شركته مع خواله بو سعود وبو تركي لان له نصيب هو وخواته منها مع خاله بو يوسف
خالد اتصل على الموظف : جيب الملفات حقت المناقصه
مهند : ان شاء الله
خالد : وبعد جيب الاوراق اللي تحتاج توقيعي
مهند : تامر خالد
خالد ( ضحك ) : قلنا استاذ
مهند ( يتميلق ) : طيب استاذ
خالد : طيب جيب اللي قلت لك
مهند : طيب
...................... blue rubies.....................
همسه : أي اقولش رجع سعود من دراسة الدكتوراه
..: جد ..؟!!!
همسه ( تضحك ) : أي جد ( صارت تغني ) اللي لقى احبابه , نسى اصحابه , يادنيا ياغرابه يادنيا ياغرابه
( ابتسمت ) ..: طيب باي
همسه : لا اختربتي من جاء سعود , لنا الله
ضحكت ..: مو على كذا , بس ....
همسه ( قاطعتها ) : لابس ولا شي , خلاص اخليش باي
..: طيب باي
...................... blue rubies.....................
..: مااااااااتت شلوووون ماتت هي بنتي حبيبتي ( قامت تصارخ بهستيريه )
امها ( تهديها ) : استهدي بالله هذا اللي الله كاتبه لها
..: مستحيل مستحيييييل كفايه عذااااابي وصدمتي الاولى بحبيبي
اقوم افقد البنت اللي حبيتها من وهي في بطني
جاوا الممرضات وعطوها ابره مهدأه
رخت أعصابها ليما نامت
خذت امها القرآن وجلست تقرا عليها
...................... blue rubies.....................
التلفون يرن
ام تركي : الو
..: السلام عليكم
ام تركي : وعليكم السلام
..: هلا خالتي اخبارش ..؟
ام تركي : الحمد لله !!
..: ماعرفتيني ياخاله
ام تركي : لا ماعرفتش
..: انا سمر
ام تركي : أييي ياهلا بسمر شلونش شلون امش
سمر : الحمد لله , ممكن تنادين لي دلع ...؟
ام تركي : طيب , لحظه
ام تركي تنادي دلع من تحت الدرج : دلع , دلع
دلع طلعت من غرفتها : نعم يمه
ام تركي : تبيش سمر ع التلفون
دلع ( بفرحه ) : ان شاء الله بجي
...................... blue rubies.....................
..: ممكن ريهام شوي في شغله بالكمبيوتر مو عارف لها
ريهام : طيب
راحت ريهام له وجلست تحورف في الكمبيوتر قرب زياد منها وباسها في خدها
وقفت ريهام بسرعه وابتعدت وهي معصبه : وبعدين معك تراك قمت تتمادى كثير , لا تخليني اخبر المدير عن فعايلك
زياد ( يغمز لها ) : افا وانا شسويت
ريهام : تبوسني وتقول شسويت ..؟
زياد جلس على الكرسي وهو يدور فيه : امووووت انا ع الثقل ياثقيل
...................... blue rubies.....................
سمر : عاد دلع تعالي يوم زورينا انتي وهمسه
دلع : ان شاء الله نشوف يوم
سمر : اوكي انتظرك يوم تتصلين علي وتقولين بجي
دلع ( بابتسامه ) : تامرين امر كم سموووره عندي
سمر ( بضحكه ) : وحده مالها ثاني , طيب دلع اخليش
دلع : اوكي باي
سمر : باي
...................... blue rubies.....................
بو سعود توه راجع من الشغل شاف ام سعود جالسه في الصاله
بو سعود : السلام عليكم
ام سعود : وعليكم السلام , ياهلا بأبو عيالي
بو سعود ( ابتسم ) : ياهلا فيك
نزل سعود من الدرج
سعود : السلام عليكم
بو سعود ( بفرحه ) : وعليكم السلام
قام وضم ولده وجلسوا يسولفون
شوي ودخلت عليهم همسه وشعرها كشه وصايره مبهدله
حطت يدها على فمها تتثاوب وقالت : السلام
الكل : وعليكم السلام
همسه : مجتمعين ولا تنادوني
ام سعود : انتي من جات هالعطله كله تسهرين
همسه : قالوها عطله
بو سعود : لازم نسوي عشاء بمناسبة رجوع ولدي سعود
ام سعود : أي اكيد رجع وهو حاصل على الدكتوراه
همسه : ياعيني ياعيني عشاء وصاير دكتور في الجامعه , احنا لنا الله
سعود ابتسم
بو سعود : خلاص حجزوا في الفندق اللي تبون وسووا الترتيبات اللازمه وكل شي علي
همسه : ياحظك
سعود : صلي ع النبي لاتعطينا عين
همسه : الصلاة والسلام عليه
بو سعود : ام سعود حطي الغداء
ام سعود : ان شاء الله
قامت تحط الغداء وقامت وراها همسه
حطوا الغداء ونادوا بو سعود وسعود علشان يتغدون
...................... blue rubies.....................
ريهام توها جايه من شغلها
شالت الغطايه وجلست تتحلطم : انا لازم اوقفه عند حده قام يتمادى اووووووف كرهني في شغلي
دخلت عليها رنا : منو اللي كرهش في شغلش
ريهام : موظف معاي قليل ادب مايستحي
رنا جلست وقالت بلقافه : ايش سوى ..؟
ريهام وهي تتذكر الموقف : باسني في خدي , بغيت اعطيه كف بس الله رحمه
رنا ضربت ريهام على رجلها بخفيف : ياعيني على الرومانسيه
ريهام ( بتأفف ) : فكيني الله يعافيش
دخل خالد
خالد : السلام عليكم
ريهام ورنا : وعليكم السلام
خالد جلس ع الكنب وسند راسه : اه تعبت
ريهام : اسم الله عليك حبيبي ماتشوف شر
خالد : الشر مايجيك
ريهام : ايش فيك
خالد : بس متعب الشغل
ريهام ( ابتسمت ) : مافي شي بدون تعب
ابتسم خالد وغمض عينه
رنا : بقوم انا احط لكم الغداء
ريهام : تسوين خير
خالد : أي والله انا حيل جيعان
راحت رنا تحط الغداء وراح خالد يبدل ملابسه وكذلك ريهام بعدين نادتهم علشان يتغدون
...................... blue rubies.....................
مرتاح ولا يتصنع قلبك الراحه
شايل في خاطرك ولا البال متهني
مجروح ولا شفى قلبك من جراحه
زعلان للحين والا راضيٍ عني
شخبار قلبك عسى ما فارق افراحه
ادري جرحتك وشلت بخاطرك مني
خسران بعدك وقلبي ضاعت ارباحه
غلطان ادري وابي منك تسامحني
تدري عيوني بغيابك ما هي مرتاحه
تبكي على فراق طيفك وانت ذابحني
ياللي ذبحني غلا شكرا على رماحه
اللي طعني بها وما يوم ريحني
جيتك من الشوق والاشواق ذباحه
اسال عيونك عسى للحين تذكرني
راضي بجرحك وانا ما اتصنع الراحه
تكفى عشاني ابي ترجع وتسمعني
جالس يطالع السقف وهو يتذكرها يتذكر ملامحها برائتها
يتذكر شعرها, عيونها , دلعها , كل شي فيها
يقول في نفسه : صدقيني ماكذبت عليك وراح ارجع لك مثل ماوعدتك مادري نسيتيني ولا ..؟
للحين زعلانه علي ولا ..؟
اه ياقلبي انا مو كذاب ماكذبت عليك ابد , ابد
متى يجي الوقت اللي اشوفك فيه , متى اضمك الى صدري واشيلك واكلك من ايدي
متى اقدر اوصلك
...................... blue rubies.....................
سعود : اسمر , جسمه عريض , ملامحه حاده مايضحك كثير ماغير يبتسم عمره 28 سنه
...................... blue rubies.....................
سمر : صديقة دلع وهمسه في المدرسه دايم تتمشى معاهم
...................... blue rubies.....................
زياد : موظف في البنك في نفس المكان اللي تشتغل فيه ريهام
مغازلجي بدرجه كبيره
مملوح , اسمر , شعره طويل شوي يوصل لرقبته
...................... blue rubies.....................
توقعاتكم
منو اللي بدلت بين الطفلتين ..؟
منو اللي تحب سعود ..؟
وايش قصة زياد وهل بتحبه ريهام ..؟
...................... blue rubies.....................
:: الكاتبه ::
blue rubies
__________________________________________________ __________
:: البارت الثالث ::
( 3 )
فندق انتركونتيننتال
عزمت ام سعود الاهل واللي يعز عليها
حاطين بوفيه طويل للحريم وطاولات وكراسي وبوفيه ثاني للرجال
كان العشاء ارتب مما يكون
همسه لابسه فستان كوكتيل اسود قصير وحاطه لها ميك اب خفيف ومستشوره شعرها الكستنائي ولافته في المشغل وحاطه ورده حمراء
دلع لابسه تنوره ضيقه ذهبيه لنص الفخذ وبلوزه كوكتيل حمراء مكتوب عليها بالذهبي وظهرها وبطنها يبين
ريهام لابسه برمودا رمادي وبلوزه لنص الفخذ ورديه ومستشوره شعرها
رنا لابسه فستان قصير منفوش شوي لونه ازرق مزركش بالفضي ومستشوره شعرها
...................... blue rubies.....................
البنات جالسين في طاوله وحده
دلع : طالعوا ذي شكلها تبي تخطب همسه مانزلت عينها من عليها
همسه : لا هذي شكل عيونها حاره ( صارت تهف على نفسها ) توف توف عليش من الحسد
دلع ( تضحك ) : يمه منش كله خايفه على نفسش
همسه ( بدلع ) : اكيد وحده بجمالي ورشاقتي بتخاف من الحساد ( وتأشر عليهم )
رنا : مالت ما اقول الا مالت ايش نحسدش عليه الله عطانا مثل ماعطاش
همسه ( بابتسامه تقهر ) : بس انا غير
دلع : شوفوا ذي ام البرتقالي شمسويه بحالها كأنها مهرج
ريهام : أي والله
رنا ( تضحك ) : الله يعين زوجها عليها
رن جوال همسه
همسه : هلا والله بقلبي , هلا والله بحياتي
سعود : هلا فيك
همسه : امر ياقلبي ايش تبي
سعود : تعالي برى بعطيش الحلى تعطينه امي
همسه : طيب الحين جايه , باي
سعود : مع السلامه
سكرت الجوال
همسه : عن اذنكم بروح اجيب الحلى من سعود
البنات : اذنك معك
راحت همسه برى وجلست تكلم سعود واخذت منه الحلى
من وراء الباب
( في نفسها ) ..: اشتقت لك حيل
وينك من زمان , والله انك حلويت ياليت انك تحبني
مثل ماانا احبك
...................... blue rubies.....................
في جهه اخرى من الفندق
..: تعرفت لك مع بنت اه محترمه
..: عطنا وحده من اللي تعرفهم انت مكوش على الكل
..: بعطيك اللي تبي بس هذي غير محد يقربها غيري لي انا وبس
..: لازم تعرفنا عليها
..: بس الينها شويه وخليك تتعرف عليها بس هاه مو تبوقها مني
..: افاااا شالكلام وانا اقدر ابوقها من صديقي حبيبي
..: بس اقولك يعني
...................... blue rubies.....................
دخلت همسه وعطت امها الحلى ورجعت يم البنات جلست
وصاروا يسولفون ويحشون في خلق الله
...................... blue rubies.....................
سعود : ايه ياتركي قولي اخبارك
تركي : الحمد لله كل شي ماشي تمام بس ياخوك اشتقنا لك ابد طولت في هذي الدراسه
سعود : شسوي بعد الزم ماعلي دراستي
تركي : أي اكيد , وانت ما شاء الله رفعت راسنا وحصلت ع الشهاده
سعود : ابشروا بس بعزكم
تركي : ماتقصر ياولد عمي
...................... blue rubies.....................
من جهه اخرى
بو تركي : ها ياخالد ان شاء الله كسبنا المناقصه
خالد : افاا عليك ياخالي انا قدها وقدود
بو تركي ( ربت على كتف خالد ) : الله يشهد انك قدها
بو سعود : أي والله هو اللي مكسبنا لاما اهو ولا كان شركتنا في القاع
خالد : شدعوه ياخالي انتوا الخير والبركه ولولاكم كان انا ماتعلمت ادير الشركه هو انا مادرتها الا تحت تصرفكم وبأذن منكم
بو تركي : لو ابوك موجود مع امك كان افتخروا فيك
اكتفى خالد بإبتسامه
...................... blue rubies.....................
نرجع للبنات
همسه : عن اذنكم بروح الحمام الله يكرمكم بعدل شعري
ريهام : اذنك معك حبيبتي
رنا : الله وياش لاترجعين
مدت همسه لسانها لرنا
ورنا مدت لسانها لهمسه
راحت همسه للحمامات وجلست ترتب من شكلها وتعدل من مكياجها طلعت من الحمام تمشي وترتب في فستانها الا تصقع في شخص
..: اسف اختي مو قصدي
همسه ( دمعت عيونها ) : طيب طيب
وبسرعه انحاشت ودخلت داخل
في قلبها : ايش دخله في مكان الحريم اوووووف فشله
راحت وجلست يم البنات ووجها متغير ومنقلب الف لون ولون
دلع : ايش فيش ..؟ ليش قالب وجهش كذا ..؟
همسه : ( لاتعليق )
دلع قامت تحرك يدها قريب من عين همسه : ياهووو ايش فيك ..؟ علامك ..؟
همسه : ولا شي , مافيني حاجه
رنا : ايه باين
ريهام : ماعليكم منها لو حبت تقول بتقول واحنا بنستمع لها
سكتوا البنات وهمسه للحين تفكر بالشخص اللي شافته انه من يكووون ..؟
...................... blue rubies.....................
مستشفى الأمراض النفسيه
وحده جالسه ع السرير وحاضنه مخدتها وتهزها
..: بس بس لاتصيحين تبين ماما , انا ماما , بس بس
وشالتها من حضنها وصارت تلعبها : هيه هيه بابا ماما , الحين بيجي بابا
حطت المخده ع السرير وصارت تمشط شعرها وهي تهز وتقول : احبك لاتبتعد عني هذي بنتك ( تأشر ع المخده )
وصارت تهز اكثر واكثر
...................... blue rubies.....................
اتصلوا ريهام ورنا لخالد علشان يروحون البيت لانهم اخلصوا
ركبوا السياره
ريهام : بصراحه العشاء حيل روعه والترتيب حلو كثير
رنا : ايي ولا الاكل من الذ مايكون عندهم ذوق بيت خالي
ريهام : من ناحية الذوق صج عندهم ذوق شفتي لبس همسه رهيب
رنا : ولا الورده اللي حاطتها على شعرها مطلعتها كيوت
ريهام : حتى دلع طالعه تجنن بالتنوره والبلوزه
رنا : أي بس احنا مو اقل منهم ولا شرايك ياخالد
خالد ( ابتسم ) : اكيد انتوا خوات خالد مو حيا الله
وصلوا للبيت صعدت كل وحده غرفتها وبدلوا ملابسهم وانبطحوا على اسرتهم وكذلك خالد بدل ملابسه وانبطح على سريره
...................... blue rubies.....................
وصل بو تركي وام تركي ودلع للبيت
دلع : والله استانسنا حيل احس فله ياليت كل مره عزايم مثل كذا
ام تركي : أي والله وبعد بيت عمش ماقصروا عشاء سنع وترتيبات حلوه
بو تركي : زين انبسطتوا اجل مافي سفر هذي السنه
دلع ( تتمسكن ) : افاا يبه ولو هالعزيمه ماتغنينا عن السفر
بو تركي : روحي بدلي ونامي وبعدين يصير خير
صعدوا الام والاب على غرفتهم ودلع على غرفتها
...................... blue rubies.....................
تركي : ياللا مع السلامه ياسعود وسفره دايمه
سعود : تسلم
تركي : الله يسلمك
سعود : شكرا انك وصلتني
تركي : ايش هالكلام احنا في الخدمه انت تامر لو من فجر الله تبيني اوصلك مكان اتصل وانا حاضر
سعود : تسلم والله من طيب اصلك ياولد العم , ياللا مع السلامه
تركي : الله يسلمك
...................... blue rubies.....................
وصل بو سعود وام سعود وهمسه في نفس وقت وصول سعود
همسه جلست ع الكنب وقالت بتعب : اه تعبت رجولي تألمني من التشيوط يمين ويسار
سعود : الله يعطيش العافيه
همسه ( ابتسمت ) : الله يعافيك تستاهل
بو سعود ( يطالع سعود ) : الا وين اخوك
سعود : مادري عنه
بو سعود : انا مادري وين يروح , شيسوي يهيت في هذي الشوراع
ام سعود : ماعليك منه قوم بس ريح
بو سعود : ان شاء الله
راح كل واحد على غرفته
...................... blue rubies.....................
جالس يطالع السقف ويفكر
ويقول في نفسه : منو اللي شفتها , والله انها رهيبه ياحظ من تكون له ياليتني اعرفها
يمكن همسه ايه هي اللي كذا مواصفتها وهي صغيره
اه ياهمسه والله انش ملاك على هيئة بشر
...................... blue rubies.....................
همسه جالسه تمسح المكياج من وجها
وتقول في نفسها : منو هذا يمكن احد اولاد عمي ولا عمتي ويمكن من ربع اخواني ايش لي دخل فيه انا مستحيل افكر بأحد ايه مستحيل
مسحت المكياج وبدلت ملابسها وراحت نامت
...................... blue rubies.....................
اسفه على التاخير
اتمنى البارت الثالث يعجبكم
__________________________________________________ __________
رد مع اقتباس
