تصــدقـــون أهلـي طلعوا موب أهلـــي !!!
عنوان الموضوع : تصــدقـــون أهلـي طلعوا موب أهلـــي !!!
مقدم من طرف منتديات نساء الجزائر
تصــدقـــون أهلـي طلعوا موب أهلـــي !!!
الــسلاااام عليكــــــم
ازيكـــــــــوا يــا ورعــــــااات << تمووون الاخت
هذا الله مير يسلمكم ذاك اليوم وانا جالسه على كنب بيتنا << يعنني عندنا كنب خخخ
واجلس اقلب في جريدة الرياض وكل شوي طايحه على الارض
واقرى ذاك الخبر حق الجيزاني الي بدلووه مع تركي
ومير جاني احساس وشعور والهام ومها ومنيره
وجلست افكر وافكر وافكر وغفيت شوي همن صحيت وكملت تفكير
وقلت لايكون انا بعد مبدله
واروح لاميمتي وهي في المطبخ ولاهيتن تزين مصابيب
انا : يمه يمه يمه يمه
مامي << يقالي كشخه هع00 وجعتين وشو<< حنونه امي
انا : انا بنتس ؟
اميمتي :
لا انتي بنت ام الدحمي جيرانا
ومير ارووح اركض لغرفتي وانا ابتسيودمعي اربع اربع واستلقي على سريري وامسك دبي واجلس ابتسي
لا صدز<صدق> ومير انقز واجيب شنطتي وحطيت فيها لاب توبي وقواطي تونه وفقس
وانزل و البس عباتي واكتب رساله وداع لاهلي واعلقها على الباب
(( إلى اهلي النصابين الي قالو اني بنتهم وانا منيب بنتهم
تراني برووح الى الابد
الى القاء
ابنتكم المخلصه ))
المهم واروح لبيت ام الدحمي
وادقدق الجرس عليهم
واسمع ذاك الصووت الي يوم سمعته يفز قلبي وحسيت فيه حنان امومه << امحق
خيرررررر وجع بلا وجع وشذا الازعاج
ويوم انفتح الباب ومير ارجفه
واجلس اصيح واضم الحرمه الي فتحت لي الباب يمه يمه اشتقت لتس وراتس تركتيني وش انا سويت لكم
ام الدحمي : قسم موب بيدي بس رجلي غصبني << تعيش الجو بسرعه
واجلس ابتسي صدز يعني انا بنتس صدز ؟
ام الدحمي : هااو وشو بنته الله يصلح حالتس اقول طسي بيت اهلتس بس
انا : بس انتي امي
ام الدحمي : من زينتس عشان اصير امتس انا بحلتن بذا الي عندي تجين تنشبين لي
انا : الله وعندي اخوان بعد <<< يعنني موب مسنتره عند جيرانهم 24 ساعه خخخخخ
ام الدحمي : اسووم قسم مالي خلقتس وخري من خشتي خليني اروح اكمل غسيل الحووش
انا : طيب اذا انتي موب امي من بتكون امي51: (( وتبدا خشتي تتعبر
ام الدحمي : انتي اصلا امتس خطفتس من ايطاليين ولا انتي منتب سعوديه
انا : وانا اقووول وراني احس اني اهبل وفيني زين مهوب في احد << مشكله الثقه
ام الدحمي : اقول صدز صدز شكل ماعندك مرايات في البيت تلايطي بس << اخلاق سياحيه
ومير ترقع في خشتي واتحطم واجلس اركض في الشارع ابتسي وشعري يتطاير <<< ودي دايم اسويها
المهم وقلت يابنت مالتس الا اهلتس
وارجع لبيتنا وانقز بدوون ماحد يشووفني واشقق الرساله << يعنني ما هجيت
وانقز لغرفتي واحط قواطي التونه تحت السرير واخمد
طبعا وبعد اسبوووع من المووضوع إلى كل الحاره دارين عن سالفتي
وام دحيم ماخلت احد ماقالت له وكل ما شفت احد قام يضحك علي
لا واثر اميمتي مصوره نسخ من الرساله وكل من قالت له ام الدحمي السالفه اميمتي ارسلت له نسخه من الرساله
وصارت سالفتي على كل لسان
ما يستفاااد :
1- ترى اهلك هم اهلك لاتفكر تتركهم
2- كل السالفه نصب << قولي قسم بس
3- لا فكرت ان اهلك مهوب اهلك لاتروح لام الدحمي وتقول لها انتي امي
(( بـــــــــــــانتظار الردود يـــــــا حلــــــــوين .... تحياااتي/ ســـــــلاااااام
اتمنى عجبتكم القصه المرحه
لطشته حتى ماتسوون مثله هعهع
>>>>> ردود الأعضـــــــــــــــــــاء على الموضوع <<<<<
==================================
مافي ردود ماعجبتكم..
__________________________________________________ __________
هههههههههههههههههههه لامابروح لام الدحمي بجي عندك هههههههههههههههههههههه
__________________________________________________ __________
شمعة شكراً على مرورك.. وأتوقع مافي ردود شكل الأخوات مافهموا اللهجة.. ترى مو مشكلة أترجم لأخواتي الأجانب اللي مايعرفون اللهجة السعودية..ياحبيلكم ياعضوات سيدتي لاتنسون تدعولي امتحاناتي قربت الإسبوع القادم بإذن الله وبنقطع عنكم تقريباً اسبوعين.. أحبكم والله
__________________________________________________ __________
هههههههههههه مرررررررررررره نااااااااااااااااااايس
يسلموووووووو
__________________________________________________ __________
هههههههههههههههههههههههههههههههههه
يسلمووو قلبي
رد مع اقتباس
