عنوان الموضوع : قصيدة شاب تعرض هو وامه لحادث وتوفيت....
مقدم من طرف منتديات نساء الجزائر

قصيدة شاب تعرض هو وامه لحادث وتوفيت....






هذا قصه شاب متهور تعرض إلى حادث وكانت معه أمه فتوفيت
وبقي هو علي قيد الحياه وكتب هذه القصيده ...




يواسوني وانا الميت وحالي يجبر الدمعات

تسيل من الذي فيني ويبكي وهو يواسيني


وانا ابكي واتنهد وارسم بالحزن لوحات

يجبروني عشان امشي ورجلي ما تمشيني


قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني


وكنه حلم قدامي يقيدني من الصرخات

ابي اصحى ولكني عجزت القى اللي يصحيني


فداك القلب يايمه ومهما قلت من كلمات

صغيره في كبر حقك بس اتمنى تعذريني


نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني


تجول عيونهم فيني ....تفصل مني قياسات

وتشيح وجوهــــهم عني وكني غيرت ديني


يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني


نقص قدري بعد موتك وغابت نشوة اللذات

وصار الهم عكازي...... ابـــــاكيه ويباكيني


عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني


يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني


يايمه ما تــــحملهم يقولــــوا فات ما قد مات

تعالي غيري هالقول واطيعك باقي سنيني


واترك عادة التدخين وانفــــذ ما تبي بسكات

واصلي الفجر في المسجد قبل منتي تصحيني


يايمه ارجعي تكفين وطفي شمعة الآهات

ابيك انتــــي ولا غيرك على موتك تـــــعزيني


وضميني وداويني مثل ما كانت الهقوات

ما ابي احدن يواسيني ابيك انتي تواسيني


دخيلك بس لا تبكي اذا شفتي بي الدمعات

انا مقوى ابكيك ................اذا انتي تبكيني



(( اش رايكم ؟؟))

يارب ارحم موتانا وموتى المسلمين

>>>>> ردود الأعضـــــــــــــــــــاء على الموضوع <<<<<
==================================




__________________________________________________ __________


__________________________________________________ __________


__________________________________________________ __________


__________________________________________________ __________