عنوان الموضوع : اكتبوا يومكم مع الرجيم حمية و رشاقة
مقدم من طرف منتديات نساء الجزائر

اكتبوا يومكم مع الرجيم



اهلين بناات
كيفكون ؟
اكتبوا اليوم ايش كتبتوا وكيف كان يومكن مع الرجيم :
طيب
شوفوا انا اليوم الصبح شربت 3 اكواب ماء
وتغديت سلطة
والعشا انشالله راح يكون شاي اخضر
بس يا خساره كنت راح امشي بس محد فالبيت واخاف امشي لحالي
ايش الحل؟

>>>>> ردود الأعضـــــــــــــــــــاء على الموضوع <<<<<
==================================


اشتري جهاز سير امشي في البيت احسن


__________________________________________________ __________

خلاص انشالله راح اشتري ..
مشكوره اختي خط احمر


__________________________________________________ __________

يا حبيبتي المشي برع موضه قديمه

جهاز السير حل كل شيء الجهد والوقت والطلوع والنزول واللبس

فوق هذا متى ما تبين تسوين رياضة اول الصبح اخر الليل

وتقدري تشترين كل كم شهر جهاز جديد لين تصير عندج

غرفة رياضة وانا حالياً كذا اسوي

ومرتاحة متى ما ابي اروح اسوي رياضة مرات الساعه 12 فليل

بعدين انتي فاتحه كم موضوع عن القروب هههههه

وهذا الموضوع بخصوص القروب ولله اي حد يعني يحط يومياته من الي مسويين رجيم

الله يوفقج يالغلا


__________________________________________________ __________

شوفي انا بتكلم عن تجربتي ولاحظت كثير اللي تجرب رجيم قاسي
وبطريقة ان همها تنزل وزنها بأي طريقه لو غلط والله لها أضرار كثيره
غير الشعر يتساقط والوجه اصفر وحالاتهم حاله شالفايده أضعف وأخسر
صحتي وجمالي وبشرتي وأزيدك بعد من تترك الرجيم وإلا تخربط فيه
شوي ترد مثل قبل وأزيد أحسن حل والله شي ينزل وزني بطريقه صح
ويستمر فتره طويله بقولك نظام الأكل اللي أسويه وربي كنت مرتاحه عليه

شوفي من تقومي من النوم اشربي ماي دافئ وفيه شرائح ليمون اخضر
مقطعه لاحظي قلت شرائح ليمون وغلط نعصرالليمون عصره يكون قوي
على المعده بعدها اذا تحبين اشربي كأس ماي عادي
وبعدها بساعه أو ساعتين الريوق اهم شي عندي التنويع بأصناف الأكل
عشان ماتمل النفس يعني يوم اكل جبن قليل الدسم أو منزوع الدسم مع
قطعة توست بر واحيان بيضه وحده مسلوقة واقطع معها شرائح خيار
واشرب عصير أناناس أو رمان أو كوب لبن قليل الدسم

الغداء
صنف مشوي صدر دجاج أواي نوع تحبينه السلطة أكلها قبل بعدين ابتدئ
بالصنف الأساسي إذ كانت مشتهيه مرا عيش احط لي ملعقتين بس
الثلاث بالصحن واترس الصحن سلطه واشرب عصير أناناس
بعد الغداء اشرب (شاي اخضر حاطه فيه شوية دراسين وزنجبيل. مطحون)

العصاري امشي ساعه وبقول لك شي مفيد شفته بعيني والله وحده اعرفها
كان لها كرشه وتفاجات بشكلها متغير حيل سألتها عن السبب قالت والله
لأني مع المشي ارقص بعدها عشر دقائق واحرك خصري وسالت مدربة رياضه
لبنانيه اعرفها قالت ان الرقص السريع لمده عشر دقائق أوأكثر يعادل خمسين
حركة شد للبطن واللي ما تسمع موسيقى على الأقل تتحرك الخصر
بصوره سريعة كل يوم لمدة عشر دقائق وبصراحة انا اكره تمارين شد البطن
وتعبني فالرقص حل حلو والله

العشاء احبه فواكه واحيان سلطة زبادي بالخيار أو كوب لبن

نصيحه مهمه اذا اشتهت نفسك شي ذوقي منه لا تخلينه بنفسك
أقول ذوقية مؤ ضرب بالخمس وتخرب كل شي
مثل كنتي مشتهيه ورق عنب كلي حبتين عن النفس لأني مجرب هاالشي
إذ خليت النفس مشتهيه وماكلتي تصير ردة فعل عكسية وممكن تخربون
رجميك كله

وإدري طولت عليكم بس حبيت افيدكم بشي ويارب نوصل للي نبيه
ويستمر معاك اول بأول واكتب يومياتي

أختكم بسمة الشووق


__________________________________________________ __________

موفقه حبيبتي
ازا حاليا مابتمشي برى او ماعندك جهاز احسن شي اعملي سويدي