عنوان الموضوع : يوميات رشيقات المستقبل هخس يعني هخس اللي عاوز يجي معايا انا جوا للرشاقة
مقدم من طرف منتديات نساء الجزائر

يوميات رشيقات المستقبل هخس يعني هخس اللي عاوز يجي معايا انا جوا



هاي يا جماعه انا عندي 23 سنه و وزني مش عارفه دلوقتي كام بس هو من شهر كان 106 و اخر مره قسته من اسبوع كان 98 و طبعا زي ما انتو عارفين اي دايت لازم يكون فيه تشجيع و انا مش لاقيه التشجيع ده من اللي حوليا خالص للاسف و مش قايله لحد من صحابي اني بعمل دايت عشان الموضوع مش هيكون مهم بالنسبالهم اوي ده غير ان اهلي شافوني عملت دايتس كتيير قبل كده و بخس فعلا يعني مره وصلت 79 كيلو ورجعت تاني 110 كيلو و لما رجعت و الكل كانو بيقولولي يا بنتي عادي في ناس بيبقى اجسامهم كده مهما عملتي هتفضلي كده مع اني متاكده من جوايا ان شاء الله اني مش هفضل كده و مش هكون كده و ان شاء الله المره دي هوصل للي انا عاوزاه عشان انا زهقت و تعبت من الشكل ده و من التخن انا الحمد لله شكلي حلو و اكيد كتييير مننا كده بس كل اللي يشوفك يقول وشها حلو بس لو تخس شويه و انا عارفه ان اللي مضيعني التخن.
ده غير العرسان مامتي كل ما يجي حد حتى لو مش كويس عاوزاني ارضى باي حد عشان انا المفروض اقبل باي حاجه تجيلي بدل ما القطر يفوتني مش المفروض اني اختار و بالنسبه للبس انا اصلا عندي ميول فنيه و بلبس كل صحابي و انا اللي بختار لاخواتي لبسهم و مع كده مش بعرف البس اللي انا بتمناه يعني بقالي كتييير مشوفتش نفسي في بنطلون جينز نضيف و شكلي حلو عشان كده انا المره دي قافشه و انا ان شاء الله ناويه 2017 دي اخر سنه هكون فيها بالشكل ده لازم اتغير فلو حد عاوز يفضل معايا هنا مع بعض نتكلم عن دايت كل واحده و نشجع بعض اوك طبعا عشان انا الحمد لله بقالي شهرين عزيمتي قويه و عندي اراده بس في اوقات بكون مدايقه او بضعف فباكل و لازم يكون حد معايا

كل واحده تقول اسمها وسنها ووزنهاو ايه الهدف اللي عاوزه توصلو

و هبتدي بنفسي انا ساره 23 سنه وزني 98 و ان شاء الله اوصل لل60

مستنيه ردودكو متتاخروش عليا لاحسن اروح اكل 10 بيج ماك و 4 كنتاكي ناجتس و زنبي هيبقى في رقبتكو

>>>>> ردود الأعضـــــــــــــــــــاء على الموضوع <<<<<
==================================


انا بعمل دلوقتي ريجيم بيخسس 7 كيلو في سبع ايام و خلصت دايت تاني بيخسس 5 كيلو في 5 ايام و هو فعلا دايت سحري و بيقفل المعده مووووت و يقلل الشهيه اللي عاوزاه تقولي و انا اكتبهولها


__________________________________________________ __________

srs.com
حبيبتي ارجو منك كتابته حتى نستفيد منه
وان راح ابدا معاك ا ن شاء الله انا زهرة الباحه
عمري 26 وزني 70 وابغى اصير 55 ويلا نزلي الرجيم علشان نبداء سوى
وراح نبدا من يوم السبت ان شاء الله ونقيس الوزن بعد كل اسبوع
ايش رايك عاد اكتبي الرجيم قبل يوم السبت


__________________________________________________ __________

المشاركة الأصلية كتبت بواسطة زهرة الباحة
srs.com
حبيبتي ارجو منك كتابته حتى نستفيد منه
وان راح ابدا معاك ا ن شاء الله انا زهرة الباحه
عمري 26 وزني 70 وابغى اصير 55 ويلا نزلي الرجيم علشان نبداء سوى
وراح نبدا من يوم السبت ان شاء الله ونقيس الوزن بعد كل اسبوع
ايش رايك عاد اكتبي الرجيم قبل يوم السبت


ميرسي على التشجيع و الرد انا هكتبلك الدايت اللي بيخسس ال5 كيلو في 5 ايام عشان الدايت اللي بيخسس 7 كيلو في 7 ايام اصعب منه شويه و لازم تعملي ده الاول عشان معدتك تكون قافله و متلخبطيش في التاني بس تابعيني كل يوم و قوليلي اكلتي ايه و مشيتي و لا لأ و انا كمان هبلغك بالتقرير اليومي بتاعي


الدايت السحري
اللي بيخسس 5 كيلو في 5 ايام هو



اليوم الأول : زبادى
اليوم الثانى : بطاطس مسلوقه بدون ملح
اليوم الثالث : فرخه مشوية
اليوم الرابع : جزر
اليوم الخامس : برتقال ويوسفى او تفاح

اعملوه و ادعولي و ان شاء الله بيجيب نتيجه هايله هتشوفو بس فيه شروط:

1.شرب ماء على الاقل 3 لتر في اليوم.
2.المشي على الاقل نص ساعه في اليوم.
3.اخر ميعاد للاكل الساعه9 بالكتيير و متناميش غير بعدها بساعتين.
4.تقسيم الوجبات على الاقل 5 وجبات في اليوم.
5.اوعي تاكلي في كل مره لحد الشبع بتاكلي في كل واحده حاجات صغيره يعني مثلا في الزبادي ممكن زبديه من غير وش طبعا كل 3 ساعات او ساعتين.


__________________________________________________ __________

مشكورة حبيبتي خلاص نبدا يوم السبت وان عمري 30 مو 29
والفرخه لازم تكون مشويه ومسلوقه ما يمشي حالها


__________________________________________________ __________

المشاركة الأصلية كتبت بواسطة زهرة الباحة
مشكورة حبيبتي خلاص نبدا يوم السبت وان عمري 30 مو 29
والفرخه لازم تكون مشويه ومسلوقه ما يمشي حالها


اوك ابدأي من السبت بس لو قدرتي تمشي معاه كمان يبقى تمام و الفراخ ممكن مشويه طبعا بس خدي بالك من الملح بالكتييييييييييير اوي ملعقه صغيره اللي هي بتاعت التوابل و انا لما عملت الدايت ده محطتش ملح اصلا