عنوان الموضوع : تخطيط رجيم + تجربتي , شرفينا يالغالية ~ -للحمية و الرشاقة
مقدم من طرف منتديات نساء الجزائر

تخطيط رجيم + تجربتي , شرفينا يالغالية ~



السلام عليكم ورحمة الله وبركاته

صباح / مساء الورد للجميع ~

أول موضوع لي واول مشاركة

كنت أبحث عن رجيمات وعن تطبيق وتجارب
وطحت على الموقع بالصدفة

والله يخلي لنا العم قوقل

الموهيم ممكن أحد منكم يعرف الرجيم
الصاروخي أو مايسمى بيفرلي هيلز المطور

طبعا أقولكم تجربتي بالأول

اليوم الحمد لله إنتهيت منه أنا وثنتين من أخواتي
يعني مشينا عليه 29 يوم بالتمام ,
وبإذن الله راح أعيده ثانيه

والحمد لله نقصت عليه 9 كيلو ,
وأختي 11 كيلو , وأختي الثانية 7 كيلو !



عموما المفروض ننقص بمعدل أكبر لكن

انا كنت ألعب شوي بالرجيم
والأيام المفتوحة أخذتي راحتي بقوة

وأختي اللي ناقصة 11 كيلو منتظمة مع رياضة
وأختي ام 7 كيلو ما كانت تسوي رياضه أبدا !
وهذا اللي خلاها ماتنحف أكثر

عموما 9 كيلو في شهر أحسها حلوة
خصوصا إن النظام روعة وفيه معادلة للأكل اللي يحتاجة الجسم
والحمد لله البشرات طلعت حلوة
والجسم احس فيه بخفة مره
والملابس صارت وسيعة

مثلا / أول كنت أفتح دولابي وأكشر !

هذا ضيق وهذا يتكتك على الجسم
وهذا مادري شلون وهكذا

والحين ! ادور شي ماسك على جسمي عشان
الناس يشوفون وش كثر نحفت
وش رايكم ؟


//

خلوني أعلمكم الرجيم اللي إتبعناه بطريقة مختصره ,
طبعا لخصته لكم بشكل أفضل على حسب الأيام
وكل رقم يعني اليوم الاول , اليوم الثاني إلخ

والفواصل يعني الوجبات , فطور - غداء -عشاء

طبعا بتقولون صعب الرجيم برمضان بالعكس !
قاومنا الاكل والسمبوسة واللقيمات
والتوووووت والفطاير وكل حاجة والحمد لله النتايج روعة
يعني أول اسبوع 5 كيلو
بعده الأسبوع الثاني كيلو واحد , طبعا لان الجسم فقد بالأسبوع الأول
كمية كبيرة من السوائل والأسبوع الثاني قاعد يذيب الدهون فطولوا بالكم عليه


//
الرجيم ~

[1 ] الأسبوع الأول

1- اناناس - ذرة مع سلطة
2-خوخ - فراولة - بطاطس بالفرن
3- عنب
4-مشمش جاف - سلطة- معكرونة
5- اناناس - منقا -اناناس
6-منقا - مشاوي (دجاج أو لحم أو روبيان )
7- اناناس - سلطة

,,,

[2] الأسبوع الثاني

1-عنب
2-خوخ - فراولة - دجاج
3-مشمش جاف -منقا - أناناس
4-جح
5- مشمش جاف - ساندويتش الافوكادو - ثلاث خضروات مع رز
6- عنب - اصبعين موز
7-اناناس - فراولة -مفتوح

,,,

[3] الأسبوع الثالث

1-اناناس - سلطة
2-مشمش مجفف - منقا - اناناس
3 -بطيخ
4-تين -حلو ( ايسكريم أو كريم كرمل أو تشيز كيك) - لحم او دجاج او مصدر بروتيني
5-منقا - اناناس-بطاطس
6-كيوي - مفتوح - مصدر بروتيني
7-اناناس - 2 موز

,,,

[4 ] الأسبوع الرابع

1- عنب او كرز - مكافأة قبل النوم
2- خوخ - سندويتش من اختياري - بحري او بروتين
3-انانس - منقا - اناناس
4-بطيخ
5-مفتوح
6-مفتوح
7-اناناس - منقا - اناناس

واليوم الأخير بطيخ


عموما هذا الرجيم بصورة سريعة
أنا حابة اعيده بإذن الله السبت هذا تاريخ 20 / 9 / 1429 هـ

وودي أحد يشاركني من بنات المنتدى
عشان نشجع بعضنا


بإذن الله إن كان هناك أكثر من وحدة معي نزلت يوميات الرجيم
كل يوم بيومه ,


طبعا الرجيم ماخذته من عالم حواء
للأخت الغمامة الله يجزاها خير هي اللي مترجمة كتاب الرجيم
وأنا أختصرته لكم ,


عموما يالغاليات اللي ودها تمشي معي بالرجيم من السبت
لين نخلصه

وكل شي راح أوضحة بيومه
وصدقوني غير متعب وبالعكس يعطي نظاره للبشرة
وخفة للجسم مع نقصان للوزن وشد للجسم وش رايكم
باللهـي مب اغراءات



أستناكم يالغاليات

>>>>> ردود الأعضـــــــــــــــــــاء على الموضوع <<<<<
==================================


نسيت اقولكم ,
كان وزني 102 كيلو
وصار 93 كيلو
والحمد لله جسمي مقبول
لاني طويلة ,
وودي أوصل للسبعين !
ليه لا ؟

الدعاء + الإرادة كل شي راح يكون تمام
وتذكري إن الأكل ماراح يطير !
يعني الأكل اللي منعنا أنفسنا منه
راج يظل موجود على الكرة الأرضية ماراح ينقرض




وبإذن الله اشكالنا بالعيد غير
نيو لوك
ومن هنا للعيد ممكن 5 إلى 7 كيلو !



__________________________________________________ __________

مشكوره ومشاءالله
سؤال كيف أقدر أطبقه برمضان وانتي تعرفين في فطور وسحور فاكيف أبد الطريقه لوتكرمتي؟


__________________________________________________ __________

يعطيكي العافية غاليتي
انشالله البنات تستفيد عليه


__________________________________________________ __________

سالمة معتز

أهلين يالغالية ~
عادي أول شي افطري على تمرة وفنجان قهوه
وخلي الفطور مكان الفطور
والغداء مكان العشاء
والعشاء مكان السحور

وإذا ماتبين الفاكهه الموجودة مكان الفطور إستبدليها بـ 3 تمرات


يعني مثلا أول يوم اناناس
تاكلين اناناس بالكمية اللي تبينها
وكل ما أكلتي أكثر أحرقتي سعرات حراريه ودهون اكثر
وتكملين أناناس كل اليوم لين يجي وقت العشاء او السحور

تتوقفين ساعتين بين الاناناس والسلطة

يعني بين الفاكهه والفاكهة الثانية تنتنظرين ساعة إذا كان النوع مختلف
وإذا كان بين فاكهه وبين نوع ثاني من الأكل تنتظرين ساعتين
وإذا قطعتي الفاكهه ماترجعين لها

أول يوم هو اللي شوي متعب
لكن باقي الايام حلوة مره
فيه مكرونة سباقيتي وفيه تشيز كيك وفيه رز
يعني مش حرمان

نورتي يالغلا ,
وإذا بتبدين معي علميني =)


__________________________________________________ __________

مزوحية~

الله يعافيتس
ونورتي يابعدي ,