عنوان الموضوع : المضروبة
مقدم من طرف منتديات نساء الجزائر

المضروبة



المقادير : :205:
اربع اكواب ارز
دجاجة وزن 1000 غرام
حزمة اشبنت
حزمة كزبرة خضراء
حزمة سلك ،، هي عبارة عن اوراق خضراء تشبه السبانخ ،، لو ماوجدت تقدرين تستغنين عنها
ست حبات طماطم حمرا ء
علبة معجون طماطم
بصلتان كبيرتان مفرومين
ملعقة ونص طعام ثوم وزنجبيل مطحونين
البهارات:
قرنفل ثلاث حبات ، هيل اربع حبات ، فلفل اسود ، دارسين عودين متوسطين ، ورق غار حبه وحده ، ليمون ابيض او اسود حبتين
ومن هالبهارات حطي تقريبا من كل نوع ملعقة شاي يكفي
ملح ، كركم ، فلفل احمر ، فلفل اسود مطحون ، بزار ، سنوت وجلجلان ، (كمون + كزبرة ناشفة)

نجي للطريقة : :206:

اسلقي الدجاج في الماء واحتفضي بالماء لاترمينه والدجاج نسليه او نتفيه وتخلصي من العضام،، بس لاتنتفيه قطع صغيره جدا خليها عاديه لانك بعدين راح تضربينه بالمضرب الخشبي اللي يضرب به الهريس الحين اكشني البصل في القدر وحطي عليه الثوم والزنجبيل المطحونين وحطي عليه البهارات المطحونه ،،، والطماطم وحركي لي شفتي الطماطم يذوب حطي الدجاج مع المرقة وحركيهم بعد ماتغلي المرقه اسكبي الارز يعني لازم المرقه تكون بكمية وافره اكبر من الارز ،، الحين راح تسوين الرز في المرق بعدين ضيفي بقية المكونات البهارات الصحيحة اللي هي قرنفل ثلاث حبات ، هيل اربع حبات ، فلفل اسود ، دارسين عودين متوسطين ، ورق غار حبه وحده ، ليمون ابيض او اسود حبتين ،، والحين ضيفي الاعشاب المذكوره الكزبره والشبت والسلك ،، وحركي وضيفي معجون الطماطم
وخليهم ع النار تقريبا ساعة او ساعه الا ربع لين ماتشوفين الرز صار لين وامتزجت كل المقادير معاه ،،،
الحين سكري النار وارفعي القدر واضربي المضروبه ،، بمضرب الهريس الخشبي لين ماتمتزج كل المكونات مع بعضها ،،،
الحين اسكبي المضروبه في صحن غزير افرشيها وادهنيها بالزبده او الدهن الخالدي المعروف عندنا بالبحرين

وبالهناء والشفاء

جربوها وخبروني

وممكن انج تسوين هالمضروبه بالربيان او بالخثاق

>>>>> ردود الأعضـــــــــــــــــــاء على الموضوع <<<<<
==================================


تم النقل للقسم المناسب
يعطيك العافيه


__________________________________________________ __________

تسلم ايدك ديما


__________________________________________________ __________

شكرا لك اختي على موضوعك
وبانتظار جديدك


__________________________________________________ __________

يعطيك العاااااااااااااافيه حبيبتي


__________________________________________________ __________

الله يعطيك العااااااااااااااافيه حبيبتي