عنوان الموضوع : عندك بواقى فراخ تعالى اقولك هاتعملى ايه -من مطبخي
مقدم من طرف منتديات نساء الجزائر

عندك بواقى فراخ تعالى اقولك هاتعملى ايه



لو باقى عندنا اى فراخ هاقولكم نعمل بيها ايه

وليكن ان الباقى عندنا صدر فرخه مسلوقه

هانقطعه قطع صغيره ونشيل منه العضم ونجيب بصله متوسطه نبشرها ونجيب ثمرين طماطم وفلفل اخضر وفلفل احمر وممكن نحط عليهم قرن فلفل شطه بيدى طعم

وبعدين نحمر البصله لغايه ما لونها يبقا اصفر كده ونحط عليها الفلفل بعد ما نقطعه قطع صغيره ونقلب فيهم دقيقتين
وبعدين نضيف عليهم الطماطم المبشوره

وبعدين نجيب كوب ماء وعليه معلقه دقيق ومكعب مرقه

وبعد ما نقلب الطماطم مع الفلفل والبصل نضيف الماء اللى بالدقيق والمرقه

ونسيبهم عشر دقايق مع التقليب

وبعدين نحط الخليط ده فى صينيه فى الفرن لمده عشر دقايق ونطلعه ونكون جايبين حته فحمه نولعها ونحطها فى نص الصينيه ونحط عليها معلقه سمنه فوق الفحمه هاتديكم طعم وريحه جنان

وبالف هنا وشفا ويارب تكون حاجه جديده عليكم وتعجبكم يارب

دى اول مشاركه ليا فى المنتدى وسط اخواتى

>>>>> ردود الأعضـــــــــــــــــــاء على الموضوع <<<<<
==================================


يعطيك الف الف الف عافيه


__________________________________________________ __________

تسلمى ياجميله على مرورك وربنا يشفيلك بنتك يارب


__________________________________________________ __________


__________________________________________________ __________


__________________________________________________ __________