عنوان الموضوع : *★ شاورما بخبز التورتيلااااا+شاورما سريعة+ سمان مشوي *★
مقدم من طرف منتديات نساء الجزائر

*★ شاورما بخبز التورتيلااااا+شاورما سريعة+ سمان مشوي *★





يسعد مساكم وصباحكم ..سيدات واآنسات منتدى سيدتي الغالي

اليوم جايبة لكم كم وصفة انشالله يعجبوكم

الموضوع اهدااااء لكل الصبايا يلي بقسمنا وللبنات يلي بيزورونا من قسم الحمل والولادة والنادي سيدتي ...




الوصفة الاولى

شاورما مع خبز التورتيلا

طريقة الخبز



ضعي الطحين مع البكم بودر والملح والسكر واخلطيهم

بعدين ضعي الزبدة مع الحليب بالخلاط واضربيهم

بعدها حطي الفلفل والبقدونس لما يصيرواا ناعمين بدون مايختفوا

اعجني فيهم الطحين واتركيهم ليرتاحوا....انا خليتهم حوالي الساعتين


بعد ماترتاح رح تكون بهل الشكل



قسميها دوائر صغيرة وافرديها بالنشابة



حمى مقلاة اوصاجة ..وضعي رغيف من الخبز...



حطيها بصحن وغطيها مشان تصير طرية..

__________________________

الشاورما

قطعي الدجاج شرائح بالطول وتبليها باللبن والبهارات وخليها لتاني يوم

بعدين جيبي قطع دهن ووزعيها بين الدجاج بالصينية

وشغلي الفرن من فوق لما تتحمر الدهنة..بهي الطريقة رح تاخد طعم الشاورما يلي من برا...

بعدين شيليها..وكملي نضج الدجاج بعد اشعال الفرن من تحت




اعملي السندويشات على حسب ذوقك

انا حطيت توم..ومخلل وخس وبطاطا مقلية

حمرتها كمان


















شاورما على السريع


نحتاج الى فطير مشلتت....

دجاج مقطع نقليه مع بصلة ..وفليفلة ..حطي مكعب ماجي

اتركيها لتنضج..بعد ماتبرد حطي ملعقة جبنة سائلة

اعملي الفطير الشلتت بالمقلاة لينضج

ضعي القليل من خلطة الدجاج..وفوقها جبنة موزريلاااا وسكري الدائرة للنصف

قطعيها وادخليها الفرن لتذوب الجبنة.....رح تطلع اكلة بتشهي كتير ويلي بدها تسمن تكتر منها ههههههههههه

اسفة ماصورت الا الشكل النهائي





طيور السمان المشوية

هي اكلة جدا حلوة وخفيفة

انا زمان كنت اعمل طيور السمان شوربة بس ماكنت احب نكهتها

وجربت هل الوصفة وطلعت ووااوو

جيبي طيور السمان...انقعيهم باللبن مع البصل المطحون والهيل والقرنفل والقرفة...

بعدها شكيهم بالاعواد الخشبية...



غطيهم بالقصدير وحطيهم بالفرن

انا عملت جنبهم خضار سوتيه..

عبارة عن بزالياء وجزر مقليين بالزبدة



صورة الطبق النهائي








ممكن تعملوا طريقة الفحمة على الشاورما او السمان المشوي..

وذلك بان تشعلوا فحمة وتطفوها بزيت وضع بفنجان قهوة..رح يعطيها نكهة لذيذة

انشالله يعجبوكم اطباقي المتواضعة..

وسامحوني على التقصير بالمواضيع

تحياتي لكل من ستنور موضوعي

>>>>> ردود الأعضـــــــــــــــــــاء على الموضوع <<<<<
==================================


يسلمو حبيبتى امانى

واخيرا نزلت التورتيلا الاسواق

انا الاولى قبل الزحام

دائما اكلاتك مميزة

سلمت ايديك حبيبتى

تستاهلين النجوم والتقيم والشعار

والثتبيت هههههههههه للبيبى الله يحميه

دمتى بود


__________________________________________________ __________

اهلين بيسو


شفتي واخيرا شديت الهمة هههههههه


يسلمو على المرور...والتقييم الشعار والتثبيت يامشرفتنا الحلوة)

وكمان على النقاط...حبيبتي

الله يرزقك باحلى ذرية بالقريب العاجل


__________________________________________________ __________

يسلموو ايديكي امون اكلاتك حلويين مثل طباختهم الحلوه


__________________________________________________ __________

ههههههههه
وراهم شى تانى بدى اتعلم الشكل المقوص
شفتى كيف عم ارشيك من هلا حتى تعلمينى هههههههههه
والله البركة فيك ياعسل حياتى من غيرك دمج ههههه مثل امبارح


__________________________________________________ __________

تسلميلي ام احلى عبودي

نورتي موضوعي والله

يسعد هالطلة