عنوان الموضوع : تعالوا شوفوا المندي عطريقتي ....ما ازكاه ..
مقدم من طرف منتديات نساء الجزائر

تعالوا شوفوا المندي عطريقتي ....ما ازكاه ..







كيفكم صبايا شو اخباركم


اشتقت للقسم كتير زمان مادخلت
االيوم راح تكون طبختي مندي عطريقتي
طبعا مع اضافه عطريقة المندي الاصلية
ان شاءالله تعجبكم طريقتي ..
عزمت صاحبتي امس وطلعت الاكله طيبه
كتير كتير لدرجه انه اكلوها كلها
ورجعت المسا طبخت مره تانيه رز لجوزي
وابني واتمنى تعجبكم طريقتي
وسويت معها حلو قدرة قادر
بس للاسف نسيت اصورها وطلعت طيبه كتير
خلينا نبدء طريقة المندي
المكونات ...


دجاجتين كيلو رز بسمتي ..بهارات مندي
وزنجبيل ناعم وورق غار وقرفه عيدان وملح
وكبش قرنفل كم حبه وفلفل اسود ولومي وهيل
وفلفل حلو ملون مشكل وبصلتين وكم سن ثوم
وبندوره وليمون وزيت زيتون


الطريقه ....
اول شيء ننظف الدجاج جيدا وننزع عنه الجلد لانه مضر
كتير وفيه تتكون الدهون عشان هيك انا بشيله دائما
وبعد فركه بالليمون ..ندير عليه التتبيله ونتركه منقوع
((وبضيف له صبغة الزعفران لون اصفر )).
فيها اكتر فتره انا تركته منقوع قبل يوم وطلع طعمه
شهي جدا.
بدير عليه ملعقة زنجبيل ناعم ملعقة هيل مطحون
وملعقتين صغار بهارات المندي وزيت زيتون وفلفل اسود
مطحون وملح حسب الرغبه وبدير عليه ملعقتين كبار خل
وبفركه مزبوط بالمكونات وبحاول بالسكين اعمل
شقوق بالدجاج حتى يدخل الطعم قلب الدجاج وبتركه بالثلاجه
وبنقع رز مدة ربع ساعه وبغسل مزبوط وبصفيه
بحضر تتبيلة الرز بفرم البصل ناعم والثوم والفلفل الحلو
الملون وحبتين بندوره وبقلب البصل بالزيت حتى يسير
لونه ذهبي وبضيف له التوم والفلفل الحلو الملون
احمر واخضر واصفر بيعطي منظر حلو للرز وطعم اكيد
وبضيف البندوره وبقلبهم جيدا وبكون عندي مرق دجاج
واذا مافي بستعمل ماجي مع اني مابحب استعمله كتير
بس انا استعملت مرق الدجاج عندي .

وبعد ماقلبته بالزيت بضيف عليه الرز وبقلبه معه
وبضيف له قرفه عيدان كم عود وكم حبة هيل
ولومي وبضيف مرقةالدجاج ووبتركهم يغلوا شوي
وبعدين بجيب قرن فلفل حار بشيل بزره
وبحطه عوجه الرز وبغطيهم بالقصدير وبخزق القصدير
وبحطهم بالفرن عنار خفيفه مدة 30دقيقه وبعد ما يستوي
بحط بكاسه شوية زيت وبحمي فحمه عالنار وبس تتجمر
بحطها بكاسة الزيت وبحطها بالطنجره وبرجع بغطيها
بالقصدير كويس وبغمرها بالفرن
واتركها تاخد نكهة الفحم ....وهيك جهز الرز عنا


وبرجع للدجاج بحطه اذا بدي بقصدير فوق الرز
بس انا حطيته باكياس الشوي وضفت معاه شرائح
جزر وبطاطا وحطيت معه بصل صغير وشويته بالفرن
طعمه كتير طيب وشهي ...وبعد ما استوى
عملت نفس الشيء جبت كاسة زيت وفحمه ونكهته
بالفحم وطلع طيب كتير ...
وبعد ما جهز كل شيء صفيت الدجاج عالرز وضفت
عليه الزبيب والمكسرات
واتمنى تعجبكم طريقتي بطبخ المندي
جربوها كتير طيبه ..

وهي الصور ان شاءالله تعجبكم ..















وهي الصينيه التانيه اللي طبختها مره تانيه



وان شاء الله تعجبكم وصفتي


>>>>> ردود الأعضـــــــــــــــــــاء على الموضوع <<<<<
==================================


روعة روعة ياميسون ما شاء الله

بس شو بهارت المندي تنباع لحالها زي الكبسة والبرياني ؟


__________________________________________________ __________

طريقتك بتشبه طريقتي بس انا بسميها كبسة خخخخخ
بس صراحة شي بشهي والله يسلمو ايديك


__________________________________________________ __________

المشاركة الأصلية كتبت بواسطة coolgurl
روعة روعة ياميسون ما شاء الله

بس شو بهارت المندي تنباع لحالها زي الكبسة والبرياني ؟

تسلميلي حبيبتي كول وجودك الروعه
فعلا تنباع عنا بهارات المندي متل الكبسه والبرياني
اكيد لحالها تسلمي عالمرور


__________________________________________________ __________

المشاركة الأصلية كتبت بواسطة احببت زوجي
طريقتك بتشبه طريقتي بس انا بسميها كبسة خخخخخ
بس صراحة شي بشهي والله يسلمو ايديك

اهلا حبيبتي بوجودك
بس الكبسه طريقتها بتختلف شوي
وان شاءالله انزل طريقتها عن قريب


__________________________________________________ __________

هلا وغلا بحبيبتنا ميسون
وين الغيبة ترا جوعتينا بغيابك حبيبتى
الله لا يحرمنا منك ولامن طبخاتك الزاكية
والمندى ممممممممممم بيجنن
ههههههههه انا اليوم غذاى كمان ارز يشبه شوى بطريقتك
بس بدون بهارات المندى
سلمت يمناك
يقيم بالنجوم والشعار والنقاط لاحلى ميسون