عنوان الموضوع : [مسابقة احلى وافيد سفرة]...سمك وجمبرى من مطبخي
مقدم من طرف منتديات نساء الجزائر

[مسابقة احلى وافيد سفرة]...سمك وجمبرى





السلام عليكم ورحمة الله وبركاته

سفرة عشاءنا اليوم



وده السمك طبعا :



الجمبرى :



ومش لازم أصور السفن أب متهيألى

بالنسبة للحلو

مفيش حلو
فيه مالح

بعد الأكلة دى والله صعب الحلو
لازم الشاااااى
عشان نعرف نهضم وننام
ومع الشاى شوية تحابيش
باتون ساليه مثلا ومكسرات لوز وفزدق ولب (بذر )
شاى أحمر لجوزى وشاى أخضر بالنعناع ليّا لزوم الرجيم ( دى حركة أدامه بس عشان يعرف انى بحاول اخس )







نيجى للتفاصيل وراء الكواليس فى المطبخ :

بالنسبة للسمك :

سبق وعملته فى موضوع مستقل عنوانه > السمك المقلى (السهل الممتنع )

ومفيش مانع بردو من اضافة صور خطوات العمل باختصار شديد للى ميحبش يتمشور ف المنتدى ويتعب رجليه



السمك بعد التنظيف



دى الخلطة ( ليمون وكمون وملح وتوم وخل )


السمك بعد وضع الخلطة فيه يتم تركه 3 ساعات ع الاقل ف التلاجة ينقع



بعد اخراجه من التلاجة وتغطيته بالدقيق




بعد قليه فى زيت خفيييف



من الداخل طرى ولذيذ من الخارج مقرمش ولذيذ بردو ( شوفو الصدف )

الجمبرى :



جمبرى وسط طازة وتعرفيه من ديله الملون وكمان ماسك نفسه مش طرى ورجله وشنباته بتشوك

بعد غسله كويس جدا بالماء فقط
عملته بطريقة اسكندرانى


نحطه فى حلة مع البصل حوالى بصلة متوسطة للكيلو
أنا هنا مستخدمة نص كيلو
زائد نص حبة فلفل رومى وفصين توم وملح وقلييييل من الكمون ثم ف الاخير بعد ما يستوى عصير ليمون حسب الرغبة

لا نضيف اى نوع من السوائل اثناء الطبخ هو بيستوى على مايته

كل ده فى الحلة وعلى النار ومتغطى
بالكتير بياخد تلت ساعة ليستوى

ده شكله فى مراحل السوا لونه بيتغير للوردى او البرتقالى



وريحته رووووعة

[img]

>>>>> ردود الأعضـــــــــــــــــــاء على الموضوع <<<<<
==================================


ماشاء الله روووووعه وتفتح النفس تسلم ايدك اختي


__________________________________________________ __________

ما شاء الله تبارك الرحمن
سفرة مميزة جدا
تسلم ايدك ميمي


__________________________________________________ __________

سفرة مرتبة ماشالله عليكي ميمي

احلى شي السمكات يلي رايحين موار اكيد على بطونكم ههههههههه

صحتين وهنااااااا

الله يوفقك ياعسل


__________________________________________________ __________



اكتر حاجه عجبتنى طبعا بعد السفره الخطيره اللى هى اكتر اكله مفضله عندى

اسلوبك الجميل ده فى الشرح والتفصيل وطبعا خفه الدم

ماشاء الله سفره مرتبه وشيك

تسلم ايدك بالتوفيق فى المسابقه

بانتظار باقى السفرات


__________________________________________________ __________

تسلم يدك ويعطيكي الف عافيه
اشتهيت السمك.
وياسلام على التسالي .